شادی کی ویڈیوز شیئرسے متعلق اداکار گوہر رشیدنے بڑی بات بتا دی
اشاعت کی تاریخ: 17th, January 2025 GMT
اداکار گوہر رشید نے واضح کیا ہے کہ انہوں نے سوشل میڈیا پر شادی کی جو مبہم ویڈیوز شیئر کی تھیں، ان کی حقیقت سے متعلق وہ جلد مداحوں کو آگاہ کریں گے۔
گوہر رشید نے انسٹاگرام پر چند مبہم ویڈیوز شیئر کی تھیں، جن میں انہیں کبریٰ خان، اشنا شاہ اور علی رحمٰن سمیت دیگر اداکاروں کے ہمراہ شادی تقریبات کے لیے ڈانس کی تیاریاں کرتے دیکھا گیا۔اداکار نے ڈانس تیاریوں کی ویڈیوز کو شیئر کرتے ہوئے ’میرے یار کی شادی‘ جیسے ہیش ٹیگز بھی استعمال کیے۔ان کی جانب سے ویڈیوز کو شیئر کیے جانے کے بعد سوشل میڈیا پر افواہیں پھیلیں کہ وہ خود جلد اداکارہ کبریٰ خان سے شادی کے بندھن میں بندھنے والے ہیں۔
ان کی ویڈیوز وائرل ہونے کے بعد ایک شوبز ویب سائٹ نے بھی اپنے ذرائع سے دعویٰ کیا کہ گوہر رشید اور کبریٰ خان فروری 2025 تک شادی کے بندھن میں بندھ جائیں گے۔بعد ازاں گوہر رشید کی نکاح خواں کی موجودگی میں کاغذات پر دستخط کرنے کی ایک ویڈیو بھی وائرل ہوئی تھی۔
اب انہوں نے ایک مختصر انٹرویو میں بتایا ہے کہ وہ جلد ہی شیئر کی گئی مبہم ویڈیوز کی حقیقت سے متعلق مداحوں کو آگاہ کریں گے۔کراچی میں ایک تقریب کے دوران صحافی ملیحہٰ رحمٰن سے مختصر بات میں گوہر رشید نے کہا کہ ابھی وہ مذکورہ معاملے پر کچھ نہیں کہ سکتے لیکن جلد ہی وہ مداحوں کو حقیقت سے آگاہ کریں گے۔
انہوں نے واضح کیا کہ مذکورہ مبہم ویڈیوز کسی ڈرامے یا فلم کی شوٹنگ کی نہیں تھیں بلکہ ان کے کسی یار کی شادی کی تیاریوں اور تقریبات کی ہیں۔گوہر رشید نے کہا کہ وہ جلد ہی مداحوں کو اس حقیقت سے آگاہ کریں گے کہ ان کی جانب سے شیئر کردہ مبہم ویڈیوز ان کے کس یار کی شادی کی تھیں۔
.ذریعہ: Daily Ausaf
کلیدی لفظ: گوہر رشید نے مبہم ویڈیوز مداحوں کو شادی کی شیئر کی
پڑھیں:
5 فلموں سے 2200 کروڑ بھارتی روپے کمانے والے اداکار کون ہیں؟
گزشتہ سالوں کے دوران بالی وڈ کنگ شاہ رخ خان اور رجنی کانت جیسے سپر اسٹارز نے بالی ووڈ کے باکس آفس پر راج کیا اور بزنس کے سابقہ تمام ریکارڈ توڑے، شاہ رخ خان کی 2023 میں 3 فلموں کا مجموعی بزنس 2600 کروڑ روپے تھا۔
دوسری طرف بالی ووڈ کا ایک اسٹار ایسا بھی ہے جس کی فلموں نے آمدنی کے لحاظ سے کئی بڑے اسٹارز کو پیچھے چھوڑ دیا ہے۔
یہ بھی پڑھیں: فلم کالکی نے شاہ رخ خان کی ’جوان‘ کا ریکارڈ توڑ دیا
بھارتی میڈیا رپورٹ کے مطابق 27 سالہ جعفر صادق 5 سال سے بھارتی فلمز انڈسٹری سے وابستہ ہیں، جنہوں نے بطور ڈانسر اپنے کیرئیر کا آغاز کیا اور پھر اداکار کمل ہاسن کی فلم ’ وکرم‘سے انڈسٹری میں اپنا نام بنایا، انہوں نے رجنی کانت کی فلم ’جیلر‘ میں بھی لاجواب اداکاری کی، جو ان کی پہلی فلم سے بھی زیادہ کامیاب رہی۔
جعفر خان نے بالی ووڈ کنگ شاہ رخ خاں کے ساتھ بھی کام کیا، انہوں نے شاہ رخ خان کی فلم ’جوان‘ سے بالی وڈ میں قدم رکھا اور ان کی آخری آن اسکرین فلم ’بے بی جوہن‘ تھی۔
ان کی فلمیں بزنس کے لحاظ سے کافی کامیاب رہیں، ان کی پہلی فلم’ وکرم‘ نے عالمی سطح پر 414 کروڑ بھارتی روپے، رجنی کانت کی فلم’ جیلر‘ نے 650 کروڑ بھارتی روپے کمائے۔
View this post on Instagram
A post shared by Kishor Ravichandran (@sinty_boy)
جعفر صادق کی بالی ووڈ ڈیبیو فلم ’جوان‘ نے بھی بزنس کے تمام ریکارڈ توڑتے ہوئے 1150 کروڑ بھارتی روپے کمائے، مجموعی طور پر ان کی 5 فلمیں باکس آفس پر اب تک 2200 کروڑ سے زیادہ بزنس کرچکی ہیں۔
یہ بھی پڑھیں: سلمان خان کی ایکشن فلم سکندر باکس آفس پر تہلکہ مچانے میں ناکام
رجنی کانت، سنی دیول یا رنبیر کپور جیسے سپر اسٹارز کی فلموں نے بھی باکس آفس پر اتنا زیادہ بزنس نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news باکس آفس بالی ووڈ بزنس جعفر خان رجنی کانت شاہ رخ خان
17 اپریل کو عام تعطیل کا اعلان