پنجاب سوشل سکیورٹی سے رجسٹرڈ مزدوروں کیلئے بڑی خبر
اشاعت کی تاریخ: 17th, January 2025 GMT
کلیم اختر: پنجاب سوشل سکیورٹی سے رجسٹرڈ مزدوروں کے لیے بڑی خوشخبری ہے کہ نواز شریف سوشل سکیورٹی ہسپتال میں بون میرو بائیوپسی کا آغاز کر دیا گیا ہے۔
کمشنر پنجاب سوشل سکیورٹی محمد علی کی ہدایت پر یہ اقدام اٹھایا گیا ہے، جس کا مقصد خون کی بیماریوں کی تشخیص اور علاج میں مدد فراہم کرنا ہے۔ بائیوپسی ٹیسٹ انیمیا، خون کی کمی، اور کینسر کی مختلف اقسام کی تشخیص میں اہم کردار ادا کرے گا۔
طلبہ کے روشن مستقبل کے لیے ہر ممکن اقدام اٹھایا جائے گا، مریم نواز
اس حوالے سے کمشنر پنجاب سوشل سکیورٹی محمد علی کو بائیوپسی ٹیسٹ کے آغاز کے بارے میں بریفنگ دی گئی۔ بریفنگ میں بتایا گیا کہ اس ٹیسٹ سے مریضوں کی تشخیص میں مدد ملے گی، جو پہلے اس ٹیسٹ کے لیے دوسرے اداروں میں ریفر کیے جاتے تھے۔
کمشنر سوشل سکیورٹی محمد علی نے ہسپتال کی انتظامیہ اور دیگر متعلقہ افسران کی کارکردگی کو سراہا اور اس اہم قدم کو مزدوروں کے لیے ایک بڑی سہولت قرار دیا۔
.ذریعہ: City 42
کلیدی لفظ: پنجاب سوشل سکیورٹی کے لیے
پڑھیں:
دلہا دلہن کا مرضی سے تھیلیسیمیا ٹیسٹ کر انے کا بل منظور
قومی اسمبلی کی قائمہ کمیٹی صحت نے شادی سے پہلے دلہا دلہن کی مرضی سے تھیلیسیمیا ٹیسٹ کرانے کا بل منظور کرلیا۔
ارکان نے صحت سہولت کارڈ پر پمز میں مبینہ کرپش کا معاملہ اٹھایا تو چیئرمین کمیٹی ڈاکٹر مہیش کمار نے تحقیقات کی ہدایت کر دی۔
قائمہ کمیٹی کے اجلاس میں شادی سے پہلے دلہے اور دلہن کا تھیلیسیمیا ٹیسٹ کرانے کے پرائیویٹ ممبر بل پر بحث کی گئی۔ رکن کمیٹی شرمیلا فاروقی نے بتایا کہ ٹیسٹ مرضی سے کرانے کی شق شامل کی گئی ہے۔
اس کا مقصد تھیلیسیمیا کے مریضوں کی تعداد میں کمی کرنا ہے۔ اعجاز جکھرانی کا کہنا تھا کہ بل کی اپنی اہمیت ہے۔ روڑے نہ اٹکائے جائیں۔ کمیٹی نے بحث کے بعد بل کثرت رائے سے پاس کردیا۔
نرسنگ کونسل حکام کی اجلاس میں عدم شرکت پر ارکان کمیٹی نے برہمی کا اظہار کرتے ہوئے اسپیکر کو تحریری طور پر آگاہ کرنے کا عندیہ دے دیا۔
نرسنگ کونسل کی صدر کی ڈگری اور تقرری پر بھی اعتراض کیا گیا۔ چیئر مین کمیٹی نے ہدایت دی کہ تحقیقات کرکے تفصیلات سے کمیٹی کو آئندہ اجلاس میں آگاہ کیا جائے۔ کمیٹی کو بتایا گیا کہ صحت کارڈ پر پمز میں کرپشن کی اطلاعات تھیں جس پر پروگرام روک دیا گیا۔
سی ای او صحت سہولت کارڈ ارشد خان نے بتایا کہ وفاقی حکومت اب پراگرام کو مستقل کر نے جا رہی ہے۔ صرف غربا و مستحقین کا علاج مفت کرنے پر بھی غور ہے حتمی فیصلہ پندرہ روز میں کرلیا جائے گا۔
اسلام آباد، مری اور کشمیر میں آج سے بارش کی پیش گوئی