پاکستان ٹورازم ایکسپو میں بھر پور شرکت کرینگے ، ہائی کمشنر ڈاکٹر محمد فیصل
اشاعت کی تاریخ: 17th, January 2025 GMT
خورشید برلاس برطانیہ میں پاکستان کے ہائی کمشنر ڈاکٹرمحمد فیصل کوشیلڈ پیش کر رہے ہیں
کراچی(کامرس رپورٹر) پاکستان ایسوسی ایشن آف ایگزبیشن انڈسٹری کے بانی خورشید برلاس نے وفد کے ہمراہ جس میں فرینڈز آف پاکستان کے چیئرمین امجد بشیر ،فرخ شیخ ،ایگزیکٹو ممبر فرینڈز آف پاکستان،کے ہمراہ برطانیہ میں پاکستان کے ہائی کمشنر ڈاکٹر محمد فیصل اور وزیر تجارت واقتصادیات شہزاد شفیق سے ملاقات کی۔ ملاقات کے موقع پر بانی وسابق چیئرمین خورشید برلاس نے بتایا کہ پاکستان ایسوسی ایشن آف ایگزبیشن انڈسٹری کے زیر اہتمام15 فروری 2025ء کو لندن میں پاکستان ٹورازم اینڈ ہاسپیٹلٹی انوسٹمنٹ سمٹ اینڈ اسمارٹ ایکسپو لندن میں کانفرنس کر رہے ہیں ۔جس میں میڈیکل ٹورازم ، ایجوکیشن ، مذہبی ٹورازم اور رئیلراسٹیٹ کے شعبے شامل ہیں۔ ہمارا مقصد پاکستان میںانوسٹمنٹ کیسے لائی جا سکتی ہے ایکسپورٹ کیسے بڑھائی جا سکتی ہے پاکستان کا مقام کس طرح اجاگر کیا جا رہا ہے۔ بڑی توقعات وابستہ ہیں اس کانفرنس سے پاکستان کے لوگوں کے بزنس کمیونٹی کے بہت اچھے تعلقات استوار ہونگے۔ کانفرنس سے پاکستان ٹورازم میں بہت پروموشن ملے گی اس کانفرنس سے کثیر تعداد میں پاکستان میں انوسٹمنٹ کے راستے کھلیں گے۔برطانیہ میں تعینات پاکستانی ہائی کمشنرڈاکٹر محمد فیصل کو خورشید برلاس نے پاکستان ٹورازم اینڈ ہاسپیٹلٹی انوسٹمنٹ سمٹ اینڈ اسمارٹ ایکسپو میں بطور چیف گیسٹ (مہمان خصوصی)شرکت کی دعوت دی جنہیں ڈاکٹر محمد فیصل نے قبول کیا اور یقین دہانی کروائی۔ کہ وہ اس نمائش میں بھرپور شرکت بھی کریں گے اور ہر قسم کی معاونت بھی فراہم کریں گے۔ پاکستانی ہائی کمشنر ڈاکٹر محمد فیصل نے پاکستان میں انوسٹمنٹ کے حوالے سے خورشید برلاس کی جانب سے کی جانیوالی کاوشوں کو سراہا آخر میں خورشید برلاس نے برطانیہ میں پاکستان کے ہائی کمشنر ڈاکٹر محمد فیصل کو شیلڈ بھی پیش کی اس موقع پرفرینڈز آف پاکستان کے چیئرمین امجد بشیر ،فرخ شیخ ،ایگزیکٹو ممبر فرینڈز آف پاکستان اور وزیر تجارت واقتصادیات شہزاد شفیق بھی ہمراہ ہیں۔
.ذریعہ: Jasarat News
کلیدی لفظ: خورشید برلاس نے پاکستان ٹورازم برطانیہ میں میں پاکستان ا ف پاکستان پاکستان کے
پڑھیں:
آئی سی سی آئی مسقط میں Build & Invest Pakistan Expo -2025‘ کا انعقاد کرے گا
اسلام آباد چیمبر آف کامرس اینڈ انڈسٹری (ICCI) پاکستان انٹرنیشنل پراپرٹی ایگزیبیشن (PIPEX) کے تعاون سے 23-24 مئی 2025 کو سلطنت عمان کے شہر مسقط میں "Build Invest Expo 2025” کا انعقاد کرنے جا رہا ہے ۔
ایکسپو کا سافٹ لانچ اسلام آباد میں ایک متاثر کن تقریب میں کیا گیا، جس میں مختلف شعبوں بالخصوص رئیل اسٹیٹ اور اس سے منسلک صنعتوں سے تعلق رکھنے والی کاروباری برادری کے افراد نے بڑی تعداد میں شرکت کی۔ تقریب کے مہمان خصوصی عمان کے سفیر محترم فہد بن سلیمان بن خلف الخروسی نے آئی سی سی آئی کے اس اقدام کو سراہتے ہوئے اسے پاکستان اور عمان کے درمیان باہمی احترام، ثقافتی وابستگی اور مشترکہ اقتصادی مفادات پر مبنی گہرے ہونے والی شراکت کی عکاسی کے طور پر اجاگر کیا۔
انہوں نے اس بات پر زور دیا کہ عمان پاکستان کے ساتھ اپنے دوطرفہ تعلقات کو بہت اہمیت دیتا ہے اور آنے والی ایکسپو تجارت، سرمایہ کاری اور صنعتی تعاون کو فروغ دینے کا ایک بروقت موقع فراہم کرے گی۔ انہوں نے دونوں ممالک کی کاروباری برادریوں کی حوصلہ افزائی کی کہ وہ فعال طور پر اس میں حصہ لیں اور علاقائی ترقی اور خوشحالی کو فروغ دینے کے لیے شراکت داری قائم کریں۔
آئی سی سی آئی کے صدر ناصر منصور قریشی نے اپنے خطاب میں دونوں ممالک کے درمیان تعلقات کو مضبوط بنانے کے لیے مستقل کوششوں پر سفیر کا شکریہ ادا کیا۔ انہوں نے اقتصادی ترقی، کاروبار کے فروغ کے لیے اور بین الاقوامی سرمایہ کاری کی سہولت کے لیے ICCI کے عزم کا اعادہ کیا۔ انہوں نے PIPEX، پاکستان کی وزارت تجارت اور پاکستان اور عمان دونوں کے سفارت خانوں کے تعاون سے "Build Invest Pakistan Expo 2025” کا باضابطہ اعلان کیا۔
صدر قریشی نے ایکسپو کی اہم خصوصیات کے بارے میں تفصیل سے بتایا، جس میں B2B (کاروبار سے کاروبار) اور B2I (بزنس سے سرمایہ کار) نیٹ ورکنگ کے مواقع شامل ہیں۔ انہوں نے اس امید کا اظہار کیا کہ یہ ایونٹ سرکردہ ڈویلپرز، مالیاتی اداروں اور ریگولیٹری اداروں کو اپنی طرف متوجہ کرے گا، جس کا مقصد سمندر پار پاکستانیوں اور خلیج میں مقیم سرمایہ کاروں سے رابطہ قائم کرنا ہے۔
انہوں نے مزید کہا کہ آئی سی سی آئی، مضبوط قومی اور بین الاقوامی روابط کے ساتھ خطے کے سرکردہ چیمبر کے طور پر، تجارت، صنعت، خدمات، نوجوانوں کی انٹرپرینیورشپ، اور خواتین کو معاشی بااختیار بنانے میں اہم کردار ادا کرتا رہے گا۔ آئی سی سی آئی کےاس اقدام کی تعریف کرنے والے قابل ذکر شرکاء میں اسلام آباد اسٹیٹ ایجنٹس ایسوسی ایشن (IEAA) اور فیڈریشن آف رئیلٹرز کے صدر سردار طاہر محمود شامل تھے۔ چیئرمین نیو ایئرپورٹ سٹی راجہ سجاد حسین۔ چیئرمین فیئر گروپ آف کمپنیز چوہدری عبدالرؤف۔ اور ڈائریکٹر فیصل ٹاؤن چوہدری ظہیر مجید۔ چیئرمین PIPEX عمران خٹک نے بھی ایکسپو کی اہم خصوصیات کے بارے میں تفصیلی پریزنٹیشن دی۔
اپنے اظہار تشکر میں، سینئر نائب صدر عبدالرحمن صدیقی نے اس یقین کا اظہار کیا کہ یہ ایکسپو پاکستان کی اقتصادی سرگرمیوں میں نمایاں کردار ادا کرے گی اور اسے قومی خوشحالی کی جانب ایک اہم قدم کے طور پر دیکھا جائے گا۔ انہوں نے آئی سی سی آئی کے صدر ناصر منصور قریشی کا خصوصی شکریہ ادا کیا کہ ان کی غیر معمولی قیادت اور اس اقدام کے لیے لگن بے مثال ہے ۔
دیگر معزز مہمانوں میں آئی سی سی آئی کے نائب صدر ناصر محمود چوہدری، ایگزیکٹیو ممبرز محترمہ فاطمہ عظیم، محترمہ شمائلہ صدیقی، عمران منہاس، اسحاق سیال، ذوالقرنین عباسی، آفتاب گجر، عرفان چوہدری، نوید ستی، میاں شوکت مسعود، ملک محسن خالد سابق صدر خالد جاوید اور زاہد مقبول شامل تھے۔
اشتہار
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری