190 ملین پاؤنڈریفرنس کا فیصلہ آج سنایا جائیگا ۔دعا ہے عمران کو آج ہی سزا ہوجائے ،علیمہ خانہ
اشاعت کی تاریخ: 17th, January 2025 GMT
راولپنڈی/اسلام آباد(آن لائن+ صباحن نیوز) بانی پی ٹی آئی اور بشریٰ بی بی کے خلاف 190 ملین پاؤنڈ ریفرنس کا فیصلہ آج سنایا جائے گا، بانی پی ٹی آئی کی بہن علیمہ خان نے کہا ہے دعا ہے کہ عمران خان کو آج ہی سزا ہو جائے۔ ادھرعمران خان اور ان کی اہلیہ بشری بی بی کے خلاف توشہ خانہ 2 کیس میں ملزمان کے وکیل نے پانچویں گواہ پر جرح مکمل کر لی ہے ۔ تفصیلات کے مطابق بانی پی ٹی آئی اور بشریٰ بی بی کے خلاف 190 ملین پاؤنڈ ریفرنس کا فیصلہ آج جمعہ 17 جنوری کو سنایا جائے گا ۔ فیصلہ سنانے کی تاریخ اس سے قبل 3 مرتبہ مؤخر ہوچکی ہے۔ 18 دسمبر کو فیصلہ
محفوظ ہوا پہلی تاریخ 23 دسمبر تھی پھر 6 جنوری اور بعد ازاں 13 جنوری کو فیصلہ سنانے کی تاریخ دی گئی۔احتساب عدالت کے جج فیصلہ 13 جنوری کو ملزمان کی عدم پیشی کے باعث نہیں سنا پائے تھے ۔احتساب عدالت کے جج ناصر جاوید رانا محفوظ فیصلہ آج صبح 11:30پر سنائیں گے ۔بانی پی ٹی آئی کے وکلاء کو عدالت کی طرف سے آگاہ کر دیا گیا۔علاوہ ازیں سپیشل جج سینٹرل شاہ رخ ارجمند کے روبرو توشہ خانہ سے بلغاری کمپنی کے بیش قیمت زیورات کے حصول سے متعلق سابق وزیراعظم تحریک انصاف کے سابق چیئرمین اور ان کی اہلیہ بشری بی بی کے خلاف توشہ خانہ 2 کیس میں ملزمان کے وکیل نے پانچویں گواہ پر جرح مکمل کر لی ہے جس کے بعد عدالت نے سماعت 20 جنوری تک ملتوی کر دی ہے گزشتہ روز سماعت کے موقع پر سابق چیئرمین کو کمرہ عدالت میں پیش کیا گیا جبکہ بشریٰ بی بی بھی عدالت میں حاضر تھیں اس موقع پر سابق چیئرمین کے وکیل نے گواہ طلعت محمود پر جرح مکمل کرلی اس طرح کیس میں مجموعی طور پر 5 گواہان پر جرح مکمل ہوچکی ہے جبکہ 7 گواہ شہادت قلمبند کروا چکے ہیں۔ عدالت نے آئندہ سماعت پر کسٹم اپریزر ثنا سعید اور رابعہ کو بطور گواہ طلب کر لیا ہے۔مزید برآں بانی پی ٹی آئی کی بہن علیمہ خان نے کہا ہے دعا ہے کہ عمران خان کو آج ہی سزا ہو جائے۔ہائی کورٹ میں میڈیا سے گفتگو کرتے ہوئے علیمہ خان نے کہا کہ بانی پی ٹی آئی نے ججز پر اپنا مکمل اعتماد ظاہر کیا ہے ۔ اب بانی پی ٹی آئی کا امتحان نہیں ہے بلکہ اب عدلیہ کا امتحان ہے۔ انہوں نے کہا کہ جج نے اتنا وقت لگا کر کیس سنا، اب سزا دیں، کیوں نہیں دے رہے؟۔انہوں نے کہا کہ ڈونلڈ ٹرمپ سے پی ٹی آئی نے کوئی امید نہیں لگائی۔ کیا بانی پی ٹی آئی ڈیڑھ سال سے ان کے انتظار میں جیل بیٹھے ہیں۔
ذریعہ: Jasarat News
کلیدی لفظ: بانی پی ٹی آئی بی بی کے خلاف علیمہ خان فیصلہ ا ج نے کہا
پڑھیں:
ملک اور عوام کو اسٹیبلشمنٹ اور پی ٹی آئی کی ضرورت ہے، عمران خان
ملک اور عوام کو اسٹیبلشمنٹ اور پی ٹی آئی کی ضرورت ہے، عمران خان WhatsAppFacebookTwitter 0 22 April, 2025 سب نیوز
راولپنڈی (سب نیوز)پاکستان تحریک انصاف کے بانی اور سابق وزیراعظم عمران خان نے کہا ہے کہ اسٹیبلشمنٹ اور پی ٹی آئی کی ضرورت ملک اور عوام کو ہے، پی ٹی آئی کو کرش کرنے کے لیے ملک کو بنانا ریپبلک بنا دیا گیا، عدلیہ سمیت ہر ادارے کو تباہ کر دیا گیا۔
ایڈووکیٹ فیصل چوہدری نے سابق وزیراعظم عمران خان سے ملاقات کے بعد اڈیالہ جیل کے باہر میڈیا سے گفتگو کرتے ہوئے کہا کہ عمران خان سے ملاقات کے لیے 6 وکلا کے ناموں کی لسٹ دی گئی تھی، نعیم پنجھوتہ اورعثمان گل یہاں پہنچے تھے ان کی ملاقات ہوئی ہے، میں نے کہا میں باہر جاتا ہوں آپ نعیم پنجھوتہ کو ملاقات کے لیے بلالیں، عمران خان کی صحت اچھی ہے، انہیں بتایا بہنوں کو ملاقات کی اجازت نہیں دی گئی۔
فیصل چوہدری نے نے کہا کہ عمران خان کو آگاہ کیا گیا کہ پارٹی رہنماوں اور وکلا کو بھی روکا گیا ہے، لسٹ کے مطابق صرف 2 بندے جیل تک پہنچ سکے، باقیوں کو روک لیا گیا۔انہوں نے بتایا کہ ملاقات کے دوران عمران خان کا کہنا تھا کہ 26 ویں ترمیم کے بعد جو ہو رہا ہے اس پرلیگل کمیٹی، پارٹی قیادت چیف جسٹس کو خط لکھے گی، عدالت میں ہمارے کیسسز نہیں لگ رہے، بشری بی بی کے ساتھ زیادتی ہو رہی ہے۔
فیصل چوہدری نے کہا کہ قانونی امور پر عثمان گل اور فیصل ملک نے بانی کو بریفنگ دی ہے، ہماری بانی سے سیاسی امور پر بھی بات چیت ہوئی، باہر ہونے والی مختلف پیش رفت پر بھی انھیں آگاہ کیا ہے۔ان کا مزید کہنا تھا کہ ہم ایک وقت میں 9، 9 وکلا بھی بانی سے ملے، ملاقات بانی کی فیملی کا آئینی حق ہے، کیوں اجازت نہیں دیتے، عمران خان نے کہا کہ اسٹیبلشمنٹ اور پی ٹی آئی کی ضرورت ملک اور عوام کو ہے، فوج نہیں سیاسی جماعتیں ملک کو متحد کر سکتی ہیں۔
فیصل چوہدری نے بتایا کہ بانی پی ٹی آئی نے سیاسی رفقا سے ملاقات نہ کروانے، تین ہفتے قبل بچوں سے ملاقات ٹیلی فونک ملاقات کے حوالے سے بھی بات کی، عثمان گل نے بانی پی ٹی آئی کو آگاہ کیا کہ توہین عدالت کی درخواست پر 28اپریل کو سماعت ہو گی۔انہوں نے مزید بتایا کہ مائنز اینڈ منرلز پر بانی پی ٹی آئی نے کہا کہ وزیر اعلی خیبرپختونخوا اور سینئر لیڈر شپ آکر مجھے بریف کرے، بانی نے کہا کہ مائنز اینڈ منرلز بل متنازع ہو چکا ہے لہذا ضروری ہے کہ لوگوں کو اعتماد میں لیں، متنازع معاملات گڑ بڑ ہوں گے۔افغانستان سے متعلق بانی پی ٹی آئی نے کہا کہ انھوں نے تین سال لگا دیے، ہم نے پہلے کہا تھا کہ دہشت گردی کے خاتمے کے لیے افغانستان سے بات چیت کرکے انھیں اس میں شامل کرنا پڑے گا، حکومت نے وقت کا ضیاع کیا جس سے قیمتی جانوں کا ضیاع ہوا، فوج کے جوان شہید ہوئے، ان چیزوں کو مدنظر نہیں رکھا گیا، اس وقت بھی فارن ڈائریکٹ انویسٹمنٹ نہیں آرہی۔
عمران خان نے کہا کہ زرمبادلہ کے بغیر ملک میں ترقی نہیں ہو سکتی، انوسٹمنٹ تبھی آئے گی جب ملک میں قانون کی حکمرانی ہو گی۔سابق وزیر اعظم کا کہنا تھا کہ پی ٹی آئی کو کرش کرنے کے لیے ملک کو بنانا ریپبلک بنا دیا گیا، چاہے عدلیہ ہو، ایف آئی اے یا پولیس ہر ادارے کو تباہ کر دیا گیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایف ای ڈی کا خاتمہ خوش آئند، پراپرٹی سیکٹر میں بہتری آئے گی ، راجہ سجاد حسین ایف ای ڈی کا خاتمہ خوش آئند، پراپرٹی سیکٹر میں بہتری آئے گی ، راجہ سجاد حسین ایک سال بعد جرم یاد آنا حیران کن ہے، ناانصافی پر عدالت آنکھیں بند نہیں رکھ سکتی، سپریم کورٹ امریکا کے ساتھ معاشی روابط اور ٹیرف کا معاملہ، وزیرخزانہ کا اہم بیان سامنے آگیا سینیٹ اجلاس ہنگامہ آرائی کی نذر، چیئرمین سینیٹ نے ثانیہ نشتر کا استعفیٰ قبول کیا اور معاملہ الیکشن کمیشن کو بھجوا دیا ایتھوپیا کے سفیر ڈاکٹر جمال بکر عبداللہ کو سیالکوٹ میں بہترین سفیر کے ایوارڈ سے نوازا گیا طعنہ دینے والے ہمارے ووٹوں سے ہی صدر بنے ،بلاول کی حکومت پر سخت تنقید سے متعلق رانا ثنا کا ردعملCopyright © 2025, All Rights Reserved
رابطہ کریں ہمارے بارے ہماری ٹیم
امریکی شہریت رکھنے والے یرغمالی سے متعلق حماس کا اہم بیان سامنے آگیا