سلوواکیا، طالب علم نے چھری کے وار سے خاتون ٹیچر اور ہم جماعت کو قتل کردیا
اشاعت کی تاریخ: 16th, January 2025 GMT
BRATISLAVA:
سلوواکیاکے شمالی علاقے میں واقعے ہائی اسکول میں ایک طالب علم نے چھریوں کے وار سے خاتون ٹیچر اور اپنی ہم جماعت کو قتل دوسرے ہم جماعت کو شدید زخمی کردیا۔
خبرایجنسی رائٹرز کی رپورٹ کے مطابق ایمرجنسی سروس کی ترجمان ڈینکا کیپاکوا نے بتایا کہ اسپیسکا اسٹارا ویس میں ہائی اسکول میں پیش آنے والے واقعے کی اطلاع پر ایمرجنسی سروس کے کئی اہلکاروں کو فوری طور پر روانہ کردیا گیا۔
انہوں نے بتایا کہ واقعے میں دو افراد ہلاک اور تیسرا زخمی ہوگیا ہے، جن کو اسپتال منتقل کردیا گیا اور انہیں شدید زخم آئے ہیں تاہم حالت خطرے سے باہر ہے۔
ایمرجنسی سروس نے بتایا کہ چھریوں کے وار سے دم توڑنے والی خاتون ٹیچر 51 سالہ اور طالبہ کی عمر 18 سال تھی اور زخمی ہونے والی طالبہ کی عمر بھی 18 سال ہے۔
سلوواکیا کے وزیرداخلہ میٹس سوٹاج ایسٹوک نے سماجی رابطے کی ویب سائٹ پر بتایا کہ خاتون ٹیچر پر 3 اور طالبہ پر دو ضرب لگے تھے۔
پولیس نے بتایا کہ اسپیسکا اسٹارا ویس میں سنگین جرم کا ارتکاب کرنے والے ملزم 18 سالہ طالب علم کو واقعے کے تھوڑی دیر بعد ہی گرفتار کرلیا گیا ہے۔
رپورٹ کے مطابق دارالحکومت براسٹیسلیوا سے شمال مشرق کی طرف 376 کلومیٹر کے فاصلے پر واقع شہر اسپیسکا اسٹارا ویس کی آباد دو ہزار کے لگ بھگ ہے جہاں جائے وقوع پر وزیرتعلیم اور پولیس سربراہ بھی پہنچے۔
سلوواکیا یورپ کے ان ممالک میں شامل ہیں جہاں جرائم کی شرح انتہائی کم ہے تاہم 54 لاکھ نفوس پر مشتمل وسطی یورپی ملک میں گزشتہ برس مئی میں اس وقت کے وزیراعظم رابرٹ فیکو پر قاتلانہ حملہ ہوا تھا۔
صدر پیٹر پیلیگرینی نے بیان میں کہا کہ دنیا کا کوئی مسئلہ چاقو یا کسی ہتھیار سے حل نہیں کیا جاسکتا ہے۔
.ذریعہ: Express News
پڑھیں:
راولپنڈی میں 60 سالہ خاتون کا قتل، فائرنگ کے بعد زخمی حالت کی وڈیو سامنے آگئی
تھانہ روات کے علاقے میں مسلح کار سواروں نے فائرنگ کرکے 60 سالہ خاتون کو قتل کر دیا جب کہ فائرنگ کے بعد زخمی حالت کی وڈیو سامنے آگئی۔
پولیس کے مطابق مسماتہ مسرت بی بی پراپرٹی کا کاروبار بھی کرتی تھی اور اراضی و پراپرٹی کی بھی مالکن تھی، تین مرد اور ایک خاتون نے مقتولہ کو فارم ہاؤس خریدنے کے لیے سائٹ دکھانے کا کہہ رکھا تھا۔
ابتدائی تحقیقات کے مطابق مقتولہ کے ملزمان کے ساتھ زمین کی خرید و فروخت کے سلسلہ میں روابط تھے۔ مقتولہ مسرت بی بی اپنے گھر سے ملزمان کے ساتھ زمین دکھانے آئی تھیں کہ چک بیلی روڈ پر ملزمان نے فائرنگ کر کے قتل کیا۔
ملزمان کی تلاش جاری ہے جبکہ لاعش کو پوسٹمارٹم کے لیے اسپتال منتقل کر دیا گیا۔
سی پی او سید خالد ہمدانی نے نوٹس لیتے ہوئے ایس پی صدر سے رپورٹ طلب کر لی اور ملوث ملزمان کی فوری گرفتاری کا حکم دے دیا۔
واقعے کی اطلاع پر سینئر افسران موقع پر پہنچ گئے، جائے وقوعہ سے شواہد حاصل کیے جا رہے ہیں۔
ایس پی صدر محمد نبیل کھوکھر کے مطابق واقعے کی تمام زاویوں سے تحقیقات کی جا رہی ہیں، ملوث ملزمان کو گرفتار کر کے قانون کے کٹہرے میں کھڑا کیا جائے گا۔
فائرنگ کے بعد سڑک کنارے کھیت میں زخمی حالت میں خاتون کی وڈیو سامنے آگئی۔
ویڈیو میں خاتون کو زخمی حالت میں زمین پر تکلیف سے کراہتے دیکھا جاسکتا ہے، ویڈیو میں چند افراد بھی قریب کھڑے دیکھے جاسکتے ہیں۔
موجود افراد زخمی خاتون کو ہسپتال پہنچانے کے بجائے قریب کھڑے رہتے ہیں، خاتوں کے زخمی حالت میں ہونے اور جان بچانے کے لیے کوشش نہ کرنے پر شہریوں کی جانب سوشل میڈیا پر شدید تشویش کا اظہار کیا گیا۔
ترجمان ریسکیو 1122 نے کہا کہ خاتون کو ریسکیو 1122 کے ریسکیوئرز نے ہی ابتدائی طبی امداد فراہم کرکے اسپتال منتقل کیا، جگہ فاصلے پر ہونے کے باعث ریسکیو ٹیم اطلاع ملنے کے بعد 10 سے 12 منٹ کے اندر موقع پر پہنچ گئی تھی۔
ترجمان ریسکیو 1122 نے بتایا کہ خاتون کو اسپتال شفٹ کیا جارہا تھا کہ وہ دم توڑ گئی۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش