دعا ہے 190 ملین پاؤنڈ کیس میں عمران خان کو کل ہی سزا ہوجائے، علیمہ خان
اشاعت کی تاریخ: 16th, January 2025 GMT
پاکستان تحریک انصاف (پی ٹی آئی) کے بانی عمران خان کی ہمشیرہ علیمہ خان نے کہا ہے کہ ہماری دعا ہے 190 ملین پاؤنڈ کیس میں عمران خان کو کل ہی سزا ہو جائے۔
اسلام آباد میں میڈیا سے گفتگو کرتے ہوئے انہوں نے کہاکہ احتساب عدالت کے جج نے اتنا وقت لگا کر کیس سنا ہے تو اب سزا بھی دے دیں، کیوں نہیں دے رہے۔
یہ بھی پڑھیں 190 ملین پاؤنڈ ریفرنس کا فیصلہ کل سنایا جائےگا، عمران خان کے وکلا کو آگاہ کردیا گیا
علیمہ خان نے کہاکہ ہمیں امریکی صدر ڈونلڈ ٹرمپ سے کوئی امید نہیں، عمران ٹرمپ کے انتظار میں نہیں بلکہ اپنے آپ کو سرخرو کرنے کے لیے جیل میں ڈٹے ہوئے ہیں۔
انہوں نے کہاکہ 190 ملین پاؤنڈ کیس کے حوالے سے بہت سے صحافی یہ کہہ چکے ہیں کہ عمران خان کو سزا ہوگی، اگر بریت ہونی ہوتی تو پہلے روز ہیہو جاتی۔
عمران خان کی ہمشیرہ نے کہاکہ کیس کا فیصلہ سنانے میں تاخیر اس لیے کی جارہی ہے کہ کوئی ڈیل ہوجائے، جو ججز پریشر میں بھی انصاف دے رہے ہیں ہمیں ان کی قدر کرنی چاہیے۔
انہوں نے کہاکہ پی ٹی آئی کی جانب سے بنائی گئی مذاکراتی کمیٹی حکومت کے ساتھ بات چیت کررہی ہے، عمران خان نے بیرسٹر گوہر کی آرمی چیف سے ملاقات کو خوش آئند قرار دیا ہے۔
علیمہ خان نے مزید کہاکہ عمران خان نے بات چیت کے لیے کبھی بھی دروازے بند نہیں کیے تاہم ڈیل سے ہمیشہ انکار کیا ہے۔
یہ بھی پڑھیں 190 ملین پاؤنڈ کیس کا فیصلہ میری وجہ سے مؤخر نہیں ہوا، عمران خان
واضح رہے کہ اسلام آباد کی احتساب عدالت کے جج 190 ملین پاؤنڈ کیس کا فیصلہ کل ساڑھے گیارہ بجے سنائیں گے، عدالتی عملے نے اس حوالے سے عمران خان کے وکلا کو آگاہ کردیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
190 ملین پاؤنڈ کیس wenews احتساب عدالت بانی پی ٹی آئی علیمہ خان عمران خان مذاکراتی کمیٹی وی نیوز.ذریعہ: WE News
کلیدی لفظ: 190 ملین پاؤنڈ کیس احتساب عدالت بانی پی ٹی ا ئی علیمہ خان مذاکراتی کمیٹی وی نیوز ملین پاؤنڈ کیس علیمہ خان نے کہاکہ کا فیصلہ
پڑھیں:
بانی پی ٹی آئی سے ملاقات کا دن،علیمہ خان کے علاوہ 2بہنوں کو اجازت مل گئی
راولپنڈی(ڈیلی پاکستان آن لائن)بانی پی ٹی آئی عمران خان سے بہن علیمہ خان کو ملاقات کی اجازت نہیں مل سکی۔
نجی ٹی وی چینل دنیا نیوز کے مطابق بانی پی ٹی آئی اور بشریٰ بی بی سے آج ملاقات کا دن ہے،بانی پی ٹی آئی سے 2بہنوں اور قاسم خان کو ملاقات کی اجازت مل گئی،ڈاکٹر عظمیٰ خان اور نورین خان کو ملاقات کی اجازت دی گئی،علیمہ خان کو بانی پی ٹی آئی سے ملاقات کی اجازت نہیں ملی۔
مزید :
خلیل الرحمٰان قمر ہنی ٹریپ اغوا کیس کا فیصلہ آج سنایا جائے گا