آئی ایل ٹی 20 میں ابوظہبی نائٹ رائیڈرز نے شارجہ واریئرز کو 30 رنز سے ہرادیا
اشاعت کی تاریخ: 16th, January 2025 GMT
آئی ایل ٹی 20 میں ابوظہبی نائٹ رائیڈرز نے شارجہ واریئرز کو 30 رنز سے ہرادیا WhatsAppFacebookTwitter 0 16 January, 2025 سب نیوز
دبئی : ابوظہبی نائٹ رائیڈرز نے ڈی پی ورلڈ آئی ایل ٹی 20 سیزن 3 میں شارجہ واریئرز کو 30 رنز سے شکست دیکر اپنی پہلی فتح حاصل کرلی۔ جیسن ہولڈر نے صرف 23 رنز دیکر 4 وکٹیں حاصل کیں جبکہ ڈیوڈ ولی نے 19 رنز دیکر 3 وکٹیں لیں اور 5 وکٹوں کے نقصان پر 159 رنز کے ہدف کا آسانی سے دفاع کیا۔
پہلے بیٹنگ کرتے ہوئے آندرے رسل اور لوری ایونز کے درمیان 50 رنز کی ناقابل شکست شراکت کی بدولت نائٹ رائیڈرز نے 5 وکٹوں کے نقصان پر 159 رنز بنائے۔ ایونز 39 رنز بناکر ناٹ آؤٹ رہے جبکہ رسل نے 12 گیندوں پر 24 رنز کی اننگز کھیلی۔ جواب میں شارجہ وارئرز کی اننگز ، شراکت داری کی کمی اور زیادہ ڈاٹ بالز کی بدولت متاثر ہوئی
شارجہ واریئرز نے پہلی اننگز میں ٹام کوہلر کیڈمور اور جیسن رائے کو جلد کھودیا واریئرز 6 اوورز 3 وکٹوں کے نقصان پر 29 رنز تک ہی پہنچ سکے تھے۔ متحدہ عرب امارات کے روہان مصطفیٰ نے 21 رنز کی اننگز میں 4 چوکے لگائے۔
آخری دو اوورز میں 54 رنز درکار تھے کپتان ٹم ساؤتھی نے 19 ویں اوور میں 2 چوکے اور 2 چھکے لگائے۔ مائرز نے آخری اوور میں ساؤتھی کو آؤٹ کیا اور وارئرز نے 19.
اس سے قبل ایڈم ملن نے اپنے ابتدائی اسپیل میں فل سالٹ اور کائل میئرز کو آوٹ کیا اس وقت نائٹ رائیڈرز کا اسکور 3 اوورز میں 2 وکٹوں کے نقصان پر 26 رنز تھا۔ ان کے آؤٹ ہونے سے قبل میئرز نے 2 چوکے اور 2چھکے لگا کر نو گیندوں پر 21 رنز بنائے تھے۔
تیسرے نمبر پر آنے والے جو کلارک نے 27 گیندوں پر 32 رنز کی شراکت قائم کرتے ہوئے ابتدائی اوورز میں عمدہ کارکردگی کا مظاہرہ کیا۔ دوسری جانب مائیکل پیپر کو عادل رشید نے 7 رنز پر آؤٹ کیا۔
لوری ایونز نے 31 گیندوں پر 39 رنز بنائے جبکہ آندرے رسل نے 12 گیندوں پر 24 رنز کی اننگز کھیلی جس میں 3 چھکے شامل تھے اس شراکت داری میں 27 گیندوں پر 50 رنز بنے اور اننگز 20 اوورز میں 5 وکٹوں کے نقصان پر 159 رنز پر ختم ہوئی۔
ڈیوڈ ولی کھیل کے بہترین کھلاڑی قرار پائے۔
ذریعہ: Daily Sub News
کلیدی لفظ: نائٹ رائیڈرز نے شارجہ واریئرز
پڑھیں:
فلسطین اور غزہ کے نام پر لوگوں کی املاک کو نقصان پہنچایا جارہا ہے: عظمیٰ بخاری
عظمیٰ بخاری— فائل فوٹووزیر اطلاعات پنجاب عظمیٰ بخاری نے کہا ہے کہ فلسطین اور غزہ کے نام پر لوگوں کی املاک کو نقصان پہنچایا جارہا ہے۔
اپنے ایک بیان میں عظمیٰ بخاری نے کہا کہ مسیحی برادری کو ایسٹر کی مبارکباد دیتی ہوں، وزیراعلیٰ پنجاب مریم نواز کی طرف سے بھی مسیحی برادری کو مبارک باد دیتی ہوں۔
عظمیٰ بخاری نے کہا کہ فلسطین اور غزہ کے نام پر لوگوں کی املاک کو نقصان پہنچایا جا رہا ہے، ان فوڈ چین میں 25 ہزار پاکستانی ملازم ہیں، فوڈ چین پر حملوں میں جاں بحق ہونے والا بھی پاکستانی تھا۔
عظمیٰ بخاری نے کہا کہ فوڈ چین پر حملوں کا نقصان پاکستان کو ہو رہا ہے، کسی کو بھی امن و امان خراب کرنے کی اجازت نہیں دی جائے گی، فوڈ چین پر حملے باقاعدہ منصوبہ بندی کے تحت کیے گئے۔
انہوں نے کہا کہ فوڈ چین پر حملوں میں ملوث 149 ملزمان گرفتار کرلیے گئے ہیں، حملے ایک منصوبہ بندی کے تحت صرف پنجاب میں ہو رہے ہیں، ترقی کرتے پنجاب پر تشدد پسند گروہ حملے کررہا ہے، کسی گروہ کو امن خراب کرنے کی اجازت نہیں دی جائے گی۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی