نادرا کی ویب سائٹ بند،موبائل ایپ لانچ کرنے فیصلہ
اشاعت کی تاریخ: 16th, January 2025 GMT
اسلام آباد :وفاقی حکومت نے نیشنل ڈیٹا بیس اینڈ رجسٹریشن اتھارٹی (نادرا) کی ویب سائٹ بند کرکے موبائل ایپلیکیشن لانچ کرنے کا فیصلہ کرلیا۔
جعلی ویب سائٹس کےذریعے شہریوں کی شناختی دستاوزات کی تیاری اور ذاتی معلومات کےغلط استعمال کےبعد 17جنوری سے ویب سائٹ بند کرنے کا اعلان کیا اگیاہے۔
وزارت داخلہ کی جانب سے جعل ساز عناصر کا سختی سے نوٹس لیےجانے کے بعد نادرا ودیگر اداروں کے ساتھ ملکر ایسے عناصر کے خلاف سخت کارروائی یقینی بنائی جارہی ہے۔ فیصلہ کیا گیا ہے کہ پاک آئی ڈی ویب سائٹ کی بندش کے بعد موبائل ایپ لانچ ہوگی اور شہریوں کو ویب سائٹ کی تمام خدمات یہاں بآسانی دستیاب ہوں گی ۔
وفاقی وزیرداخلہ محسن نقوی نے بیان میں کہا کہ ویب سائٹ کے استعمال میں شہریوں بالخصوص بیرون ملک مقیم پاکستانیوں کو مشکلات کا سامناتھا۔انگلیوں کے نشانات اور مطلوبہ دستاویزات اسکین کرکے اپ لوڈ کرنے میں پریشانی ہوتی تھی۔وزارت داخلہ اور خارجہ نے جعلساز عناصر کا سختی سے نوٹس لیا ہے۔
وزیر داخلہ کا مزید کہنا تھا کہ نادرا کی موبائل ایپ پر خدمات اب پہلے سے بہت بہتر بنادی گئی ہیں۔ شناختی کارڈ، نائکوپ، پی او سی ، ب فارم ، ایف آرسی سمیت تمام خدمات موبائل ایپ پر دستیاب ہیں۔ شہری گھر بیٹھے موبائل ایپ پر شناختی دستاویزات کی تمام کارروائی مکمل کر سکتے ہیں۔
وزیر داخلہ نے یہ بھی بتایا کہ ویب سائٹ بند کرکے آزاد جموں و کشمیر، گوادر اور گلگت بلتستان میں 3 نئے ریجنل سینٹر بنائے جائیں گے۔
محسن نقوی کے مطابق نادرا کے 3 نئے ریجنل دفاتر 31 مارچ سے کام شروع کریں گے۔ ان دفاتر کے قیام سے نادرا حکام اور شہریوں کے درمیان رابطے میں آسانی ہو گی اور دور دراز علاقوں کے نادرا مراکز میں خدمات کی فراہمی بہتر ہوجائے گی۔ شہریوں کی شکایات کا بھی فوری ازالہ ممکن ہوسکے گا۔
وزیر داخلہ محسن نقوی کا کہنا تھا کہ مارچ تک ملک کی تمام تحصیلوں میں نادرا دفاتر کے قیام کا ہدف حاصل کر لیا جائے گا۔
.ذریعہ: Jasarat News
کلیدی لفظ: ویب سائٹ بند موبائل ایپ
پڑھیں:
کشمور، ڈاکوؤں کا پولیس موبائل پر حملہ، ایس ایچ او سمیت چار اہلکار زخمی
کشمور:کشمور کے علاقے نائیچ گاؤں کے قریب نامعلوم ڈاکوؤں نے پولیس موبائل پر اچانک حملہ کر دیا، جس کے نتیجے میں ایس ایچ سمیت 4 اہلکار زخمی ہو گئے۔
زخمی ہونے والوں میں ایس ایچ او زیاد نوناری، ہیڈ کانسٹیبل اسد سولنگی، کانسٹیبل ارشاد مریٹو اور ایک دیگر اہلکار شامل ہیں۔
ذرائع کے مطابق حملہ اُس وقت کیا گیا جب پولیس موبائل علاقے میں معمول کی گشت پر تھی۔ ڈاکوؤں نے اچانک فائرنگ شروع کر دی جس کا نشانہ پولیس اہلکار بنے۔
مزید پڑھیں: کچے میں 4 شہریوں کے قتل کے بعد پولیس مقابلہ، 2 ڈاکو ہلاک
زخمی اہلکاروں کو فوری طور پر تعلقہ اسپتال منتقل کیا گیا، جہاں ابتدائی طبی امداد کے بعد انہیں بہتر علاج کے لیے سکھر ریفر کر دیا گیا۔
زخمی ایس ایچ او زیاد نوناری نے اس موقع پر عزم کا اظہار کرتے ہوئے کہا کہ ہم عوام کے تحفظ کے لیے اپنی جانیں بھی قربان کرنے سے دریغ نہیں کریں گے۔
واقعے کے فوراً بعد پولیس کی جانب سے بروقت جوابی کارروائی کی گئی، جس پر حملہ آور فرار ہو گئے۔ علاقے میں سرچ آپریشن جاری ہے اور پولیس نے ملزمان کی گرفتاری کے لیے کوششیں تیز کر دی ہیں۔
پیٹرول پر لیوی 8 روپے 2 پیسے فی لیٹر بڑھا دی گئی