جواد احمد کی اہلیہ کے بیوٹی پارلر میں بجلی چوری، ’اسکی ذمہ داری بھی عمران خان پر ڈالی جائے گی؟‘
اشاعت کی تاریخ: 16th, January 2025 GMT
گلوکار جواد احمد کی اہلیہ کے بیوٹی پارلر میں بجلی چوری پکڑی گئی۔
رپورٹس کے مطابق جواد احمد کی اہلیہ نے میٹر کا فیز ڈیڈ کر رکھا تھا، لیسکو ٹیم کی چیکنگ کے دوران گلوکار جواد احمد کالے ڈالے پر پہنچ گئے، میٹر ریڈرز کو زودکوب کیا اور زبردستی میٹر چھین کر بھاگ گئے۔
گلوکار جواد احمد کی اہلیہ کے بیوٹی پارلر میں بجلی چوری پکڑی گئی، میٹر کا فیز ڈیڈ کر رکھا تھا، لیسکو ٹیم کی چیکنگ کے دوران جواد احمد کالے ڈالے پر پہنچ گئے، میٹر ریڈرز کو زودکوب کیا اور زبردستی میٹر چھین کر بھاگ گئے۔ pic.
— WE News (@WENewsPk) January 16, 2025
واقعے کے ویڈیو سوشل میڈیا پر وائرل ہوئی تو صارفین کی جانب سے اس پر شدید ردعمل کا اظہار کیا گیا۔ احمد وڑائچ لکھتے ہیں کہ یہ بندہ سب کو اخلاقیات کے درس دیتا ہے اور اس کی اپنی اہلیہ بجلی چوری کرتے ہوئے پکڑی گئی ہیں۔
بریکنگ
گلوکار جواد احمد @jawadahmadone کی اہلیہ کے بیوٹی پارلر پر بجلی چوری پکڑی گئی، جواد احمد "کالے ڈالے" پر پہنچے، لیسکو عملے پر تشدد کیا، میٹر چھین کر بھاگ گئے۔
توبہ توبہ یہ بندہ سب کو اخلاقیات کے درس دیتا ہے pic.twitter.com/a5FXBqUQQ6
— Ahmad Warraich (@ahmadwaraichh) January 16, 2025
صحافی مغیث علی لکھتے ہیں کہ ’سوچ رہا ہوں اس کی ذمہ داری بھی عمران خان پر ڈالی جائے گی؟‘۔
گلوکار جواد احمد کی اہلیہ کے بیوٹی پارلر میں بجلی چوری پکڑی گئی، جواد احمد میٹر لیکر بھاگ گئے۔۔۔۔!!!
سوچ رہا ہوں اسکی ذمہ داری بھی عمران خان پر ڈالی جائے گی؟ pic.twitter.com/VxUZNSBRcQ
— Mughees Ali (@mugheesali81) January 16, 2025
محمد عمیر لکھتے ہیں کہ بجلی چوری کے بعد جواد احمد عملے کو دھمکیاں دے رہے ہیں کہ آپ کو پتا نہیں ہے کہ آپ پنگا کس سے لے رہے ہیں۔
گلوکار جواد احمد کی لیسکو سے میٹر چھیننے کی فوٹیج، اس میٹر کی مدد سے بجلی چوری کی جارہی تھی۔
تجھے پتہ نہیں تو پنگا کس سے لے رہا ہے۔ جواد احمد کی عملے کو دھمکیاں pic.twitter.com/JlIW4yD4rq
— Muhammad Umair (@MohUmair87) January 16, 2025
خولہ چوہدری جواد احمد کی ویڈیو پر تبصرہ کرتے ہوئے لکھتی ہیں کہ ایک تو چوری اوپر سے سینہ زوری۔
ایک تو چوری اوپر سے سینہ زوری۔۔۔
جواد احمد اور اسکی بیوی بجلی چور نکلے۔۔۔ pic.twitter.com/uzCOcqi4EK
— Khaula Chaudhry (@chaudhry_khaula) January 16, 2025
جواد احمد پاکستان کا ایک جانا پہچانا نام ہے، انہوں نے جب اپنے میوزک کیریئر کا آغاز کیا تو ان کے گانے بہت کم وقت میں ملک بھر میں مقبول ہوئے۔
پاکستان کرکٹ کے لیے ان کا لکھا مقبول گیت ’تم جیتو یا ہارو‘ آج بھی بے حد مقبول ہے۔ ان کے مشہور گانوں میں ’بن تیرے‘، ’دوستی‘، ’یہی تو اپنا ہے پن‘، ’ہمیں تم سے پیار ہے‘، ’اللہ میرے دل کے اندر‘ وغیرہ شامل ہیں۔
طویل عرصے تک گلوکاری کے بعد جواد احمد نے سیاست میں قدم رکھا اور اپنی ہی سیاسی جماعت ’برابری پارٹی پاکستان‘ کی بنیاد رکھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجلی چوری جواد احمد عمران خانذریعہ: WE News
کلیدی لفظ: بجلی چوری جواد احمد کر بھاگ گئے ہیں کہ
پڑھیں:
’بچے کو بچالیں‘، سڑک پر کھڑے گولڈن کڈ کو دیکھ کر گلوکار بلال مقصود کی سوشل میڈیا پر جذباتی پوسٹ
پاکستان کے مختلف شہروں میں اکثر شاہراہوں پر گولڈن مین یا سلور مین نظر آتے ہیں جو کمال مہارت سے خود کو ایسے مجسمے کی صورت میں ڈھال لیتے ہیں کہ دیکھنے والے کو واقعی اصل مجسمہ محسوس ہوتا ہے۔ آج کل بڑوں کے ساتھ ساتھ چھوٹے بچے بھی یہ روپے دھارے مختلف سڑکوں پر کھڑے ملتے ہیں۔
معروف پاکستانی گلوکار بلال مقصود نے ایسے ہی ایک بچے کی تصویر فوٹو اینڈ ویڈیو شیئرنگ ایپ انسٹاگرام پر شیئر کی جس کے ہاتھ، منہ پر گولڈن پینٹ کیا ہوا ہے اور محکمہ صحت کی توجہ اس جانب مبذول کراتے ہوئے لکھا کہ آپ کو خیابانِ اتحاد اور سی ویو پر ایسے بے شمار بچے نظر آئیں گے جن کے چہرے سنہری یا سلور رنگ سے رنگے ہوتے ہیں، اور یہ شدید گرمی میں سڑکوں پر پرفارم کرتے ہیں۔
View this post on Instagram
A post shared by Bilal Maqsood (@bilalxmaqsood)
گلوکار نے مزید لکھا کہ دل دہلا دینے والی بات یہ ہے کہ یہ رنگ عام طور پر ایلومینیم پاؤڈر اور دیگر زہریلے کیمیکلز سے بنے ہوتے ہیں، جو بچوں کی نازک جلد کے لیے نہایت خطرناک ہیں۔
انہوں نے لکھا کہ یہ پینٹ صحت کے لیے مضر ہیں اور ان کا مسلسل استعمال سنگین جلدی بیماریوں کا سبب بن سکتا ہے حتیٰ کہ اس سے جلد کا کینسر بھی لاحق ہو سکتا ہے۔
بلال مقصود نے پوسٹ کے آخر میں لکھا کہ کچھ نہ کچھ کرنا بہت ضروری ہے۔ ان بچوں کو تعلیم دیجیے، ان کی حفاظت کیجیے، اور اس عمل کو باقاعدہ ضابطے میں لائیے، اس سے پہلے کہ بہت دیر ہو جائے۔
گلوکار کی پوسٹ پر صارفین انہیں سراہتے ہوئے نظر آئے اور کہا کہ شکر ہے کہ کسی نے تو ان کے لیے آواز بلند کی۔ کئی صارفین کا کہنا تھا کہ وہ مختلف شہروں اور مختلف جگہوں پر روزانہ ایسے کئی بچے دیکھتے ہیں جو جسم پر پینٹ لگائے کھڑے ہوتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلال مقصود سلور مین کراچی گولڈن مین محکمہ صحت
خلیل الرحمٰان قمر ہنی ٹریپ اغوا کیس کا فیصلہ آج سنایا جائے گا