بالی وڈ اداکار سیف علی خان چاقو حملے میں شدید طور پر زخمی
اشاعت کی تاریخ: 16th, January 2025 GMT
اسلام آباد (اُردو پوائنٹ ۔ DW اردو۔ 16 جنوری 2025ء) بھارتی خبر رساں ایجنسیوں پی ٹی آئی اور اے این آئی کی رپورٹوں کے مطابق جمعرات کو علی الصبح تقریباﹰ تین بجے ایک درانداز ممبئی میں سیف علی خان کے گھر میں گھس گیا، جب وہ سو رہے تھے۔ ان کے ملازم نے اس شخص کو روکنے کی کوشش کی، جس سے دونوں میں جھگڑا ہو گیا۔ اس دوران جب سیف علی خان بیچ بچاؤ کرنے آئے تو درانداز نے ان پر حملہ کردیا۔
اداکار پر چاقو سے چھ وار کرنے کے بعد وہ فرار ہو گیا۔سیف علی خان کے بیٹے تیمور کا نام اور سوشل میڈیا کی نئی بحث
مقامی باندرہ پولیس نے اس واقعے کی تصدیق کی ہے۔ پولیس حملہ آور کو تلاش کررہی ہے۔ پولیس سیف علی خان کے گھر پر کام کرنے والے ملازموں سے بھی پوچھ گچھ کر رہی ہے۔
(جاری ہے)
ممبئی کرائم برانچ کو متوازی تحقیقات کی ذمہ داری سونپی گئی ہے، جس نے ملزم کی تلاش کے لیے سات ٹیمیں تشکیل دے دی ہیں۔
بالی وڈ اداکار سلمان خان کے گھر کے باہر فائرنگ کا معاملہ
سیف کی ممبئی کے لیلاوتی اسپتال میں سرجری ہوئی ہے۔ اسپتال کے عملے نے تصدیق کی ہے کہ وہ اب خطرے سے باہر ہیں۔
سیف اور کرینہ کی ٹیم نے کیا کہا؟سیف علی خان کی ٹیم کی جانب سے ایک باضابطہ بیان جاری کیا گیا ہے۔ اس میں کہا گیا ہے، "مسٹر سیف علی خان کی رہائش گاہ پر چوری کی کوشش کی گئی تھی۔
وہ اس وقت اسپتال میں سرجری کروا رہے ہیں۔ ہم میڈیا اور مداحوں سے تحمل سے کام لینے کی درخواست کرتے ہیں۔ یہ پولیس کا معاملہ ہے۔ ہم آپ کو صورتحال سے باخبر رکھیں گے۔"اس کے ساتھ ہی سیف کی اہلیہ اور بالی ووڈ اداکارہ کرینہ کپور کی پی آر ایجنسی کی جانب سے بھی بتایا گیا ہے کہ رات ان کے اور سیف کے گھر میں چوری کی کوشش کی گئی۔ سیف کے ہاتھ پر چوٹ آئی ہے اور وہ اسپتال میں ہیں۔
گھر کے باقی افراد بالکل ٹھیک ہیں۔بیان میں کہا گیا، "ہم میڈیا اور مداحوں سے گزارش کرتے ہیں کہ صبر سے کام لیں اور قیاس آرائیاں نہ کریں کیونکہ پولیس پہلے ہی اس معاملے کی تحقیقات کر رہی ہے۔ آپ کی تشویش کے لیے آپ سب کا شکریہ۔"
ہسپتال کا بیانلیلاوتی اسپتال کے سی او او ڈاکٹر نیرج اتمانی نے بتایا کہ سیف علی خان کو صبح 3.
ہسپتال کے بیان میں کہا گیا ہے کہ چھرے کے وار کے چھ زخموں میں سے دو گہرے اور ریڑھ کی ہڈی کے قریب ہیں۔
اداکار کے اہل خانہ اسپتال میں ان کے ساتھ ہیں۔ کرینہ اور سیف، جن کی شادی 2012 سے ہوئی ہے، ممبئی کے باندرہ ویسٹ میں ستگورو شرن بلڈنگ میں رہتے ہیں۔
جوڑے کے دو بیٹے تیمور (8) اور جیہ (4) بھی ان کے ساتھ رہتے ہیں۔سیف علی خان اپنے دور کی معروف اداکارہ شرمیلا ٹیگور اور بھارتی کرکٹر منصور علی خان کے بیٹے ہیں۔ سیف، ان کی اہلیہ کرینہ کپور خان اور ان کے بیٹے نئے سال کی تعطیلات کے لیے سوئٹزرلینڈ میں تھے، اور گزشتہ ہفتے ممبئی واپس آئے تھے۔
خیال رہے کہ کرینہ کپور سے شادی اور بالخصوص اپنے بیٹے کا نام تیمور رکھنے کی وجہ سے سیف علی خان سوشل میڈیا پر ایک عرصے سے شدت پسند ہندوؤں کے نشانے پر ہیں۔
سیف علی خان پر حملے کی بالی ووڈ کے اور دیگر بھارتی اداکاروں کی مذمت کی ہے۔
ذریعہ: UrduPoint
کلیدی لفظ: تلاش کیجئے سیف علی خان اسپتال میں علی خان کے کے گھر گیا ہے
پڑھیں:
صوابی؛ ژالہ باری، تیز بارش، آسمانی بجلی گرنے سے کشتی بان جاں بحق، 2 زخمی
SWABI:خیبرپختونخوا میں شدید ژالہ باری، طوفان اور بارشوں سے صوابی اور دیگر علاقوں میں تیار فصلوں کو شدید نقصان پہنچا اور آسمانی بجلی گرنے سے کشتی بان جاں بحق اور دو افراد زخمی ہوگئے۔
صوابی کے مختلف علاقوں میں موسم نے خطرناک صورت حال اختیار کرلی جہاں تیز بارش کے ساتھ ژالہ باری کا سلسلہ وقفے وقفے سے جاری ہے اور چند مقامات پر آسمانی بجلی گرنے سے نقصان ہوا۔
صوابی میں دریائے سندھ میں ہنڈ کے مقام پر کشتی پر آسمانی بجلی گرنے سے کشتی بان اقبال حسین جاں بحق اور کشتی پر سوار دو افراد جنید اور ارشد زخمی ہوگئے جبکہ دو افراد حسیب اور واصف شاہ کو کوئی نقصان نہیں پہنچا۔
اس دوران تمباکو، گندم، مختلف سبزیاں اور باغات وغیرہ کو شدید نقصان پہنچا ہے، اس وقت گندم اور ملکی تمباکو سفید پتا کی فصل بالکل تیار ہے اور مختلف علاقوں میں گندم کی کٹائی کا عمل شروع ہوگیا ہے۔
صوابی میں سب سے زیادہ متاثرہ علاقوں میں پلو ڈھنڈ، سلیم خان اور مانیری صوابی شامل ہیں، تحصیل ٹوپی، لاہور اور رزڑ کے مختلف پٹوار سرکل میں بھی جزوی نقصان ہوا ہے۔
اتحاد کاشتکاران پختونخوا کے چئیرمین عارف علی خان اور نائب صدر محمد اقبال خان آف شیوہ نے شدید مالی اور جانی نقصان پر افسوس کا اظہار کرتے ہوئے مطالبہ کیا ہے کہ کاشت کاروں کے نقصانات کا ازالہ کیا جائے۔
انہوں نے کہا کہ شدید موسمیاتی تبدیلیوں سے سب سے زیادہ متاثرہ طبقہ کاشت کار اور زمین دار ہیں لہٰذا متاثرہ علاقوں کا سروے کیا جائے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی