سیف علی خان ڈکیتی مزاحمت پر شدید زخمی، ڈاکوؤں کے چاقو سے کئی حملے
اشاعت کی تاریخ: 16th, January 2025 GMT
ممبئی :بالی ووڈ کے سپر اسٹار اداکار سیف علی خان کو ممبئی میں ان کے گھر میں ایک نامعلوم شخص نے گھس کرچھ بار چاقو سےوار کر کے زخمی کردیا۔
بھارتی میڈیا کے مطابق یہ واقعہ جمعرات کی صبح تقریباً 2:30 بجے پیش آیا۔ سیف علی خان کو فوری طور پرممبئی کے ایک اسپتال منتقل کیا گیا، جہاں ان کی سرجری کی گئی ہے۔ اسپتال کے عملے نے تصدیق کی ہے کہ اداکار اب خطرے سے باہر ہیں۔
میڈیا رپورٹس میں بتایا گیا ہے کہ اسپتال کے سی او او کے مطابق سیف علی خان کی نیورو سرجری مکمل ہو چکی ہے، جبکہ پلاسٹک سرجری ابھی جاری ہے۔ انہوں نے کہا کہ ایک گھنٹے میں مزید رپورٹ فراہم کی جائے گی۔
ممبئی پولیس اسٹیشن میں واقعہ کی ایف آئی آر درج کی گئی ہے، اور پولیس نے تصدیق کی ہے کہ سیف علی خان اور گھسنے والے کے درمیان ہاتھا پائی ہوئی تھی۔ ملزم سیف علی خان پر چھ بار حملہ کرنے کے بعد جائے وقوعہ سے فرار ہو گیا۔
پولیس نے سیف علی خان کے گھر پر کام کرنے والے تین ملازمین سے پوچھ گچھ شروع کر رکھی ہے، جبکہ ممبئی کرائم برانچ کو تحقیقات کی ذمہ داری سونپی گئی ہے۔ اس سلسلے میں سات ٹیمیں تشکیل دی گئی ہیں، جن میں سے ایک ٹیم سی سی ٹی وی فوٹیج کا جائزہ لیتی ہوئی مختلف علاقوں میں روانہ ہوگئی ہے۔
سیف علی خان کی ٹیم نے ایک باضابطہ بیان جاری کیا ہے جس میں کہا گیا ہے کہ ”مسٹر سیف علی خان کی رہائش گاہ پر چوری کی کوشش کی گئی تھی۔ وہ اسپتال میں سرجری سے گزر رہے ہیں۔ ہم میڈیا اور مداحوں سے صبر کرنے کی درخواست کرتے ہیں۔“
کرینہ کپور کی ٹیم نے بھی اسی طرح کا بیان جاری کرتے ہوئے کہا کہ ”سیف کے بازو پر چوٹ آئی ہے، لیکن باقی خاندان ٹھیک ہے۔ ہم میڈیا سے گزارش کرتے ہیں کہ مزید قیاس آرائیاں نہ کریں۔“
اس واقعے کے بعد، سیف علی خان کی حالت کا جائزہ لینے کے لیے ڈاکٹروں کی ایک ماہر ٹیم موجود ہے۔
کام کے محاذ پر، سیف علی خان کو آخری بار ”دیورا پارٹ 1“ میں دیکھا گیا تھا، جو مختلف زبانوں میں ریلیز ہوئی۔
ذریعہ: Daily Mumtaz
کلیدی لفظ: سیف علی خان کی گئی ہے
پڑھیں:
ڈھاکہ میں انتخابی امیدوار فائرنگ سے شدید زخمی، تشدد میں اضافہ تشویشناک قرار
بنگلادیش کے دارالحکومت ڈھاکہ میں جمعہ کی دوپہر انتخابی امیدوار شریف عثمان ہادی پر فائرنگ کی گئی، جس کے نتیجے میں وہ شدید زخمی ہو گئے۔ عثمان ہادی ڈھاکہ۔8 کے ممکنہ آزاد امیدوار ترجمان ہیں۔
پولیس کے مطابق حملہ آور موٹر سائیکل پر آئے اور بجائن نگر کے باکس کلورٹ کے علاقے میں دوپہر 2 بج کر 25 منٹ پر ہادی پر گولیاں چلائیں اور فرار ہوگئے۔ عثمان ہادی کو فوری طور پر تشویشناک حالت میں ڈھاکہ میڈیکل کالج اسپتال منتقل کیا گیا، جہاں کارکنوں اور حامیوں کی بڑی تعداد ایمرجنسی وارڈ کے باہر جمع ہوگئی۔
পল্টন এলাকায় ঢাকা-৮ আসনের স্বতন্ত্র এমপি প্রার্থী ইনকিলাব মঞ্চের ওসমান হাদির উপর গুলি বর্ষণ।#Dhaka #Bangladesh #Dhaka8 pic.twitter.com/xpbQR3fybj
— Basherkella – বাঁশেরকেল্লা (@basherkella) December 12, 2025
عثمان ہادی انتخابی مہم میں سرگرم کردار ادا کر رہے تھے اور جاری سیاسی ماحول میں ان پر حملے نے دارالحکومت میں انتخابی تشدد کے بڑھتے ہوئے خدشات کو مزید گہرا کر دیا ہے۔
ڈھاکہ میٹروپولیٹن پولیس کے میڈیا اور پبلک ریلیشنز ڈویژن کے ڈپٹی کمشنر محمد طالب الرحمان نے واقعے کی تصدیق کرتے ہوئے کہا کہ فائرنگ کی مکمل تحقیقات جاری ہیں۔
یہ بھی پڑھیں:بنگلہ دیش کے عام انتخابات اور ریفرنڈم کی تاریخ کا حتمی اعلان ہوگیا
پولیس سی سی ٹی وی فوٹیج کا جائزہ لے رہی ہے اور عینی شاہدین کے بیانات جمع کر رہی ہے تاکہ حملہ آوروں کی شناخت کی جا سکے۔
ابھی تک کسی گرفتاری یا حملے کی وجوہات کے بارے میں کوئی اطلاع نہیں مل سکی۔ شہری و سیاسی حلقوں نے خدشہ ظاہر کیا ہے کہ انتخابات قریب آنے کے ساتھ تشدد کے واقعات میں مزید اضافہ ہو سکتا ہے۔
بنگلادیش میں حالیہ ہفتوں کے دوران مختلف علاقوں میں ایسے کئی پر تشدد واقعات سامنے آ چکے ہیں، جنہوں نے انتخابی ماحول کی سکیورٹی پر سنجیدہ سوالات کھڑے کر دیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش بنگلہ دیش انتخابات ڈھاکہ عثمان ہادی
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر