سینٹ: بلوچستان میں لوگوں کو اٹھائے جانے کاسلسلہ تیز ہو گیا، کامران مرتضیٰ: مسنگ پرسن کمشن بحال کر دیا، اعظم تارڑ
اشاعت کی تاریخ: 16th, January 2025 GMT
اسلام آباد (خبرنگار) سینٹ کا اجلاس ڈپٹی چیئرمین سیدال خان کی زیرصدارت ہوا۔ سینیٹر قرۃ العین مری نے سینیٹر عمر فاروق کی طرف سے پاکستان منرلز ریگولیٹری اتھارٹی بل 2024 ء پر کمیٹی رپورٹ اور سینیٹر زرقا تیمور سہروردی کی جانب سے سوال پر کمیٹی کی رپورٹ پیش کی۔ سینیٹر کامران مرتضی نے کہا کہ بلوچستان میں کچھ ہفتوں سے لوگوں کو اٹھائے جانے کا عمل تیز ہوگیا ہے۔ ہر آنے والا دن عوام کی حمایت دیگر لوگوں کو مل رہی ہے، بلوچستان میں حالات بہت زیادہ خراب ہوگئے ہیں۔ ژوب کے راستے سے کوئی رات کو بلوچستان نہیں جا سکتا ہے۔ بلوچستان جانے والے 4راستوں میں سے دو بند ہیں۔ وزیر قانون اعظم نذیر تارڑ نے کہاکہ یہ مسئلہ کئی دہائیوں سے ہے، دہشتگردی کا مقابلہ پاکستانی قوم نے پاکستانی فوج کے ساتھ مل کر کیا ہے۔ مسنگ پرسن کے کمیشن کو دوبارہ بحال کردیا گیا ہے۔ مسنگ پرسن کے لیے 50لاکھ کا سپورٹ پیکیج بنادیا گیا ہے۔ بلوچستان حکومت امن و امان کی ذمہ دار ہے۔ اے این پی کے سربراہ سینیٹر ایمل ولی خان نے کہاکہ کل ایوان میں بے ہودگی ہورہی تھی۔ سینٹ کا مذاق بنایا گیا۔ پختون خواہ کو بارود کا ڈھیر بنادیا گیا ہے۔ پختونوں کا مسئلہ نیا نہیں ہے یہ 50سال پرانا ہے اور یہ مسئلہ ریاست نے بنایا ہے۔ 40ہزار دہشتگردوں کو خیبرپختونخوا میں آباد کیا گیا۔ میں پختونوں کا مقدمہ لڑرہا ہوں۔ جان محمد بلیدی نے کہا کہ گوادر میں تمام سیاسی جماعتوں نے 30دن سے 3 مطالبات دیئے ہیں مگر کوئی سن نہیں رہا ہے۔ ان کے معاملات حل کرنے کے بجائے پولیس نے کنوینر کا گھر مسمار کردیا گیا ہے۔ بلوچستان میں سیاسی سپیس دن بدن کم ہورہا ہے۔ بلوچستان کے مسائل بھی آپریشن سے نہیں مذاکرات سے حل ہوں گے۔ وزیر قانون اعظم نذیر نے کہاکہ بینظیرانکم سپورٹ پروگرام کے تحت 14سو ارب روپے لوگوں میں تقسیم کئے گئے مگر صرف 14کروڑ کی کرپشن ہوئی جس میں سے بھی آدھی رقم ریکور ہوگئی ہے۔ اس کا مطلب ہے کہ سسٹم ٹھیک کام کررہا ہے۔ وزیر ہائوسنگ ریاض حسین پیرزادہ نے کہاکہ بھارہ کہو ہائوسنگ سکیم جلد شروع ہوگی ۔ سینیٹر ذیشان خانزادہ نے سوال کیا کہ ہمارے پاس سرکاری ملازمین سرپلس ہیں تو نئی بھرتیوں کا کیا بنے گا۔ وزیر قانون اعظم نذیر تارڑ نے کہاکہ جس طرح جسم پر چربی زیادہ ہو جائے تو اس کو کم کیا جاتا ہے اسی طرح اضافی سرکاری ملازمین کو ختم کیا جائے گا۔ حکومتیں کاروبار نہیں کرتیں۔ ہمارا کام سازگار کاروباری ماحول دینا ہے۔ گزشتہ حکومتوں کے دور میں پی آئی اے میں غلط پالیسیاں بنائی گئیں۔ سینٹ کو تحریری جواب میں بتایا گیا کہ پی آئی اے کے پاس کل 33جہاز ہیں جن میں سے 13جہاز لیز پر ہیں۔ جن میں 2 بوئنگ777، ائیربس 320طیاروں کی تعداد 9 اور اے ٹی آر 2جہاز لیز پر ہیں۔ یکم جولائی سے 31دسمبر 2024ء تک کل انٹرنیٹ کے حوالے سے شکایات کی تعداد 6954ہیں۔ وزیر آئی ٹی شیزا فاطمہ نے کہاکہ آئی ٹی انڈسٹری میں 33فیصد اضافہ ہوا ہے۔ انٹرنیٹ صارفین میں 25 فیصد اضافہ ہوا ہے۔ آئی ٹی برآمدات میں بھی اضافہ ہوا ہے۔ ابھی 274میگاہٹز کا سپیکٹرم استعمال ہورہا ہے۔ سپکٹرم پر دبائو کی وجہ سے انٹرنیٹ کا مسئلہ ہے۔ سپیکٹرم کو بڑھا رہے ہیں، اس سے انٹرنیٹ کی سپیڈ میں اضافہ ہوگا۔ تحریک انصاف کے پارلیمانی لیڈر سینیٹر علی ظفر نے کہاکہ انصاف دفن کرنے کی کوشش ہو رہی ہے، قانون کی سمجھ اور انصاف بند ہے۔ بانی پی ٹی آئی کے خلاف توشہ خانہ کیس کی بات کرتے ہیں۔ حکومت کہتی تھی کہ یہ اوپن اینڈ شٹ کیس ہے۔ اربوں روپے کی جیولری خرید لی اور پیسے کم دیئے۔ حکومت نے اس کیس میں کس کو پیش کیا۔ حکومت نے ٹائر کے ایک سیلز مین کو بطور گواہ پیش کیا۔ ہائی کورٹ نے پہلی ہی سماعت میں اس کیس کو شٹ کر دیا۔ ڈپٹی چیئرمین نے اجلاس میں دس منٹ کا وقفہ کرتے ہوئے کہاکہ میرے پاس 12لوگوں کی لسٹ ہے کس کس کو موقع دوں ،وقفے کے بعد دوبارہ سیشن شروع ہوگا۔وقفے کے بعد دوبارہ سیشن شروع ہوا تو سینیٹر فلک ناز نے کورم کی نشاندہی کردی ۔ڈپٹی چیئرمین سینٹ سیدال خان نے کہا کی سینیٹر عون عباس نے ایوان میں چار بار رولز کی خلاف ورزی کی ہے۔ ان کا ایوان میں چیئرمین کے ساتھ رویہ مناسب نہیں تھا۔ میں سینیٹر عون عباس کو وارننگ دیتا ہوں۔ ڈپٹی چیئرمین نے پی ٹی آئی کے پارلیمانی لیڈر علی ظفر کو چیمبر میں طلب کرلیا۔کورم مکمل نہ ہونے پر اجلاس جمعہ 17جنوری صبح ساڑھے دس بجے تک ملتوی کردیا۔
.ذریعہ: Nawaiwaqt
کلیدی لفظ: بلوچستان میں نے کہاکہ گیا ہے
پڑھیں:
مشکل فیصلے کرنا پڑ رہے، پنجاب حکومت نے کسانوں کو15ارب کا پیکیج دیا: اعظم تارڑ
مشکل فیصلے کرنا پڑ رہے، پنجاب حکومت نے کسانوں کو15ارب کا پیکیج دیا: اعظم تارڑ WhatsAppFacebookTwitter 0 20 April, 2025 سب نیوز
جڑانوالہ(آئی پی ایس )وفاقی وزیر قانون و انصاف اعظم نذیر تارڑ مشکل فیصلے کرنا پڑ رہے ہیں، پنجاب حکومت نے کسانوں کو15ارب کا پیکیج دیا۔پنجاب کے علاقے جڑانوالہ کے کاشتکاروں سے خطاب کرتے ہوئے اعظم نذیر تارڑ کا کہنا تھا کہ زراعت کو نصاب میں شامل کرنا چاہیے، چین نے پروگریسو فارمنگ کے ذریعے انقلاب برپا کیا، وزیر اعظم شہباز شریف نے اس معاملے میں چین سے خصوصی تعاون کی درخواست کی۔
انہوں نے کہا کہ ہمارے ایک ہزار زرعی گریجویٹس تربیت کے لیے چین جا رہے ہیں، میں خود زمیندار گھرانے سے تعلق رکھتا ہوں، زیادہ پیداوار کے لیے بیج اچھا ہونا بھی ضروری ہے، وزیر اعظم سیڈز ڈویلپمنٹ کے لیے پرعزم ہیں،اجناس کا یہ بحران عارضی ہے۔
وفاقی وزیر کا کہنا تھا کہ سپورٹنگ پرائس ختم ہونے سے پیدا ہونے والی مشکلات عارضی ہیں، 80 کی دہائی میں چاول کی سپورٹنگ پرائس ختم کی گئی تو یہی صورتحال پیدا ہوئی تھی، بعد ازاں چاول کی قیمت مارکیٹ سپلائی کے مطابق طے ہونے لگی، پنجاب حکومت نے کسانوں کو 15 ارب روپے کا پیکیج دیا ہے۔
اعظم نذیر تارڑ نے کہا کہ کسانوں کو سستی کھاد کی فراہمی ہماری اولین ترجیح ہے، حکومت گندم کاشت کرنے والے زمینداروں کی بہتری کے لیے کوشاں ہے، ہمیں مشکل فیصلے کرنا پڑ رہے ہیں، گندم کی قیمت پر شکوہ نہ کرنے پر آپ احباب کا مشکور ہوں، پنجاب کے لوگ گھر آئے مہمان کی عزت کا خیال کرتے ہیں۔ان کا مزید کہنا تھا کہ وفاقی حکومت بجلی کی قیمت میں مزید ریلیف دے گی، آنے والے دنوں میں بجلی کی قیمت میں مزید کمی ہو گی، کھاد کی قیمتیں کم کرنے کے لیے بھی کام کر رہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسابق ہیڈ کوچ جیسن گلیسپی کا پی سی بی پر واجبات ادا نہ کرنیکا الزام سابق ہیڈ کوچ جیسن گلیسپی کا پی سی بی پر واجبات ادا نہ کرنیکا الزام نائب وزیر اعظم کا افغان وزیر خارجہ کو فون:دورے کی دعوت،امیر خان متقی پاکستان آئیں گے سندھ اور پنجاب کا حق ہے کہ اپنے پانی کی حفاظت کریں، محمد احمد خان نائب وزیرِ اعظم اسحاق ڈار کا عمان کے وزیرِ خارجہ سے ٹیلیفونک رابطہ کوآرڈینیشن کمیٹی کے اجلاس میں بلدیاتی انتخابات کرانے کا مطالبہ کیا : مرتضی حسن آصف زرداری سندھ کا پانی بیچ کر آنسو بہا رہے ہیں، قائد حزب اختلاف عمر ایوبCopyright © 2025, All Rights Reserved
رابطہ کریں ہمارے بارے ہماری ٹیم
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں