موسم کی تبدیلی سے ذیابیطس کے مریض متاثر ہوتے ہیں،ڈاکٹر ثانیہ
اشاعت کی تاریخ: 16th, January 2025 GMT
حیدرآباد (اسٹاف رپورٹر) ماہر ذیابیطس ڈاکٹر ثانیہ بشیر نے کہا ہے کہ موسم کی تبدیلی جہاں انسان کے سونے، جاگنے اور کام کرنے کی صلاحیت پر اثر انداز ہوتی ہے وہاں ذیابیطس کے مریضوں کو خاص چیلنچز کا سامنا ہوتا ہے، اس لیے سردی کے موسم میں شوگر کے مریضوں کو اپنی شوگر کا خاص خیال رکھنا چاہیے، اس موسم میں متوازن غذا لیں، چکنائی اور زیادہ میٹھے کھانے سے پرہیز کریں جبکہ خون کی روانی معمول پر رکھنے کیلیے ضروری ہے کہ گرم کپڑے زیب تن کریں، روزانہ ہلکی پھلکی ورزش کریں تاکہ خون میں شوگر نارمل رہے۔ انہوں نے اپنے بیان میں شوگر کے مریضوں کو مفید معلومات دیتے ہوئے کہا کہ خون میں شوگر لیول بڑھنے کی اہم وجوہات ورزش میں سستی، طبیعت میں آرام پسندی، موسم کے حساب سے کھانے پینے کی مقدار میں اضافہ، مختلف اقسام کے حلوہ جات کا استعمال، غیر معمولی نزلہ، زکام، جسم میں انفیکشن کا باعث بنتا ہے جس سے لڑنے والے ہارمونز شوگر میں اضافے کا باعث بنتے ہیں جبکہ ہاتھ کے ٹھنڈے ہونے کی وجہ سے شوگر ٹیسٹ کرنے میں غیر معمولی کمی اور جسم میں پانی کی کمی ہے۔ ڈاکٹر ثانیہ بشیر نے کہا کہ سرد موسم میں جسمانی سرگرمیاں کم ہو جاتی ہیں اور خون کا دوران کم ہو جاتا ہے، خون میں شوگر کی سطح میں فرق آتا رہتا ہے۔ ذیابیطس کے مریض اس موسم میں اپنی صحت کا خاص خیال رکھتے ہوئے شوگر کے تمام مریض مندرجہ ذیل چیزوں پر عمل کرکے سردی کے موسم میں اپنی شوگر کو کنٹرول کرکے بہترین زندگی گزار سکتے ہیں، جیسا کہ گھر کے اندرونی حصے میں ورزش کا اہتمام، روزانہ آدھے گھنٹے کی تیز چہل قدمی لازمی کریں، گرم کھانوں کا انتخاب کریں جس میں سوپ (یخنی والا) اُبلے ہوئے انڈے، سبز چائے اور بلیک کافی جیسی چیزیں نہ صرف انسان کے جسم کو گرم رکھتی ہیں بلکہ اسے فلو نزلہ زکام جیسی بیماریوں سے بھی بچاتی ہیں، پائوں کی صفائی کا خاص خیال رکھیں جبکہ اعتدال میں رہتے ہوئے خشک میوہ جات کا استعمال بھی سردیوں میں شوگر کے مریضوں کے لیے مفید ثابت ہوتا ہے۔ انہوں نے شوگر کے مریضوں کو مشورہ دیا کہ وہ تازہ سبزیاں اور پھلوں کا استعمال، تلی ہوئی اشیاء سے گریز کریں، گھی اور چینی میں بنے ہوئے حلوے سے اجتناب، کیچپ اور سوسز سے پرہیز کریں، پانی کا زیادہ سے زیادہ استعمال کریں اور اپنی شوگر پر نظر رکھیں۔ ڈاکٹر ثانیہ بشیر نے کہا کہ سردیوں میں ذیابیطس کے مریض میں نزلہ، زکام کھانسی اور فلو خطرناک ثابت ہو سکتے ہیں، ویکسین لگوائیں۔ ذیابطیس کے مریضوں کو چاہیے کہ وہ اپنی ڈاکٹر کی ہدایات پر عمل کریں تاکہ سردیوں کے موسم میں ذیابیطس کی پیچیدگیوں سے محفوظ رہ سکیں جبکہ گھر بیٹھے ڈائبٹیز ٹیلی کیئر کی سروس کو استعمال کریں۔
.ذریعہ: Jasarat News
کلیدی لفظ: ذیابیطس کے مریض شوگر کے مریضوں کے مریضوں کو ڈاکٹر ثانیہ میں شوگر
پڑھیں:
غزہ مارچ، انتظامیہ نے متبادل ٹریفک پلان جاری کردیا
فائل فوٹواسلام آباد ایکسپریس وے پر غزہ مارچ کے بعد انتظامیہ نے متبادل ٹریفک پلان جاری کردیا ہے۔
متبادل ٹریفک پلان کے تحت امن و امان کی صورتحال کے پیش نظر ریڈ زون کے تمام داخلہ راستے عارضی طور پر بند کردیے گئے ہیں۔
ضلعی انتظامیہ کے مطابق سرینا، نادرا، میریٹ اور ایکسپریس چوک تاحکم ثانی عارضی طور پر بند ہوں گے، شہری راول ڈیم سے فیض آباد جانے والے کشمیر چوک پارک روڈ استعمال کریں۔
ضلعی انتظامیہ کے اعلامیے کے مطابق شہری اوجڑی کیمپ لوپ سے ایکسپریس وے جانے والے ڈھوک کالا خان سروس روڈ استعمال کریں۔
انتظامیہ کے مطابق راولپنڈی سے اسلام آباد کےلیے راولپنڈی ڈبل روڈ سے نائنتھ ایونیو جبکہ کرال سے راولپنڈی جانے والے پرانا ایئرپورٹ راول روڈ استعمال کریں۔
ضلعی انتظامیہ کے اعلامیے کے مطابق اسلام آباد سے راولپنڈی جانے کےلیے سری نگر ہائی وے نیو ڈبل روڈ اور اسلام آباد سے نیو ایئرپورٹ کےلیے سیونتھ ایوینیو مارگلہ روڈ، ایران ایوینیو استعمال کریں۔
انتظامیہ کے مطابق آئی ایٹ سے فیصل ایونیو کےلیے شہری نائنتھ ایونیو سری نگرہائی وے استعمال کریں۔ اس دوران اسلام آباد ٹریفک پولیس شہریوں کی رہنمائی کے لیے مصروف عمل ہے۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل