محب مرزا نے اہلیہ ثناء سعید کی تعریفوں کے پل باندھ دیے
اشاعت کی تاریخ: 15th, January 2025 GMT
مشہور پاکستانی اداکار محب مرزا نے حال ہی میں یوٹیوب شو "نادان میزبان" میں اپنی اہلیہ اور اداکارہ ثناء سعید کی تعریف کرتے ہوئے ان کی عاجزی اور کام سے لگن کو سراہا۔
محب اور ثناء 2021 میں شادی کے بندھن میں بندھے تھے اور حال ہی میں اپنی شادی کی تیسری سالگرہ منائی۔ محب نے اپنی اہلیہ کو "انتہائی پُرامن اور زمین سے جڑی ہوئی شخصیت" قرار دیا اور کہا، "ان میں کوئی غرور نہیں ہے۔"
ثناء کی پیشہ ورانہ صلاحیتوں پر بات کرتے ہوئے محب نے کہا، "کچھ اداکار کسی بھی صورتحال میں خود کو ایڈجسٹ کر سکتے ہیں۔ وہ اپنی پوزیشن، کیمرے کا زاویہ اور منظر کو سمجھتے ہیں اور بہترین کارکردگی پیش کرتے ہیں۔"
محب نے مزید کہا، "ثناء پاکستان کی بہترین تھیٹر پرفارمرز میں سے ایک ہیں۔" انہوں نے انکشاف کیا کہ ثناء نے ایک ایسے ڈرامے میں کام کیا جس میں 42 کردار تھے۔ محب کے مطابق، ثناء ہر پراجیکٹ کی تفصیلات جاننے کی خواہشمند ہیں تاکہ وہ اپنے کردار کے ساتھ انصاف کر سکیں۔
ثناء کی سنجیدگی اور سوالات کے بارے میں محب نے وضاحت کی، "مجھے نہیں لگتا کہ وہ کسی کو پریشان کرنا چاہتی ہیں، بلکہ وہ کام کی گہرائی کو سمجھنے کی کوشش کرتی ہیں۔" انہوں نے اپنے مشترکہ ڈرامے "دیدن" کی مثال دیتے ہوئے بتایا کہ ثناء نے مختلف لہجوں اور ماحول کو سمجھنے کے لیے کافی سوالات کیے۔
اپنی ذاتی زندگی کے بارے میں بات کرتے ہوئے محب نے کہا کہ ثناء ایک متوازن اور پُرسکون شخصیت کی مالک ہیں۔ "آپ اس جیسی متوازن شخصیت نہیں دیکھیں گے،" انہوں نے خوشی سے کہا۔
یاد رہے کہ محب اور ثناء نے پہلے ایک انٹرویو میں اپنی شادی کا اعلان کیا تھا اور حال ہی میں انہوں نے اپنے بین الاقوامی سفر کی تصاویر بھی سوشل میڈیا پر شیئر کیں۔
.
ذریعہ: Express News
کلیدی لفظ: انہوں نے
پڑھیں:
لگتا تھا طلاق ہوگئی تو مرجاؤں گی، عمران خان کی سابق اہلیہ کا انکشاف
بمبئی (اوصاف نیوز)اداکار عمران خان کی سابق اہلیہ اونتیکا ملک نے حال ہی میں ایک انٹرویو میں اپنی طلاق اور اس کے بعد کی زندگی کے بارے میں کھل کر بات کی۔
یہ انٹرویو اس وقت منظرِ عام پر آیا ہے جب عمران خان پہلے ہی متعدد مواقع پر اپنی شادی کے خاتمے پر گفتگو کر چکے ہیں۔ اونتیکا نے بتایا کہ اگرچہ وہ طلاق کو ایک عام انسان کی طرح تباہی تصور کرتی تھیں، لیکن وقت کے ساتھ ساتھ اُن کی سوچ میں تبدیلی آگئی۔
وہ کہتی ہیں،’شادی کا ختم ہونا کوئی قیامت نہیں، لیکن اُس وقت مجھے لگتا تھا کہ اگر میری شادی ٹوٹ گئی تو میں زندہ نہیں رہ پاؤں گی۔ مجھے یقین تھا کہ میں ایک دن بھی اُن کے بغیر نہیں گزار سکوں گی۔‘
انہوں نے مزید کہا، ’جب ہم نے فیصلہ کیا کہ اب یہ رشتہ ختم ہو رہا ہے، تو میں ایسے روئی جیسےکوئی قریبی عزیز فوت ہو گیا ہو۔ مجھے شدید خوف تھا، خاص طور پر اس لیے بھی کہ اُس وقت میں خود کفیل نہیں تھی۔ مگر مجھے یہ بھی معلوم تھا کہ میں ایک مراعات یافتہ خاندان سے ہوں اس لیے سڑک پر نہیں آؤں گی۔‘
طلاق کے مرحلے کو بیان کرتے ہوئے اونتیکا نے کہا کہ یہ سب کچھا یکدم نہیں ہوا۔ ہم نے پہلے کچھ وقت کے لیے الگ رہنے کا فیصلہ کیا، اور پھر آخرکار طلاق لی۔ یہ سب کچھ کورونا وبا کے دوران ہوا تھا۔
اپنے بچپن کے تجربات کا حوالہ دیتے ہوئے، اونتیکا نے بتایا کہ چونکہ ان کے والدین بھی علیحدہ ہو چکے تھے، اس لیے طلاق کا تصور اُن کے لیے اتنا اجنبی یا شرمندگی کا باعث نہیں تھا۔ ان کا کہنا ہے کہ،’میں نے اپنی والدہ کو ساری زندگی فخر کے ساتھ جیتے دیکھا ہے۔‘
اپنی اور عمران کی طویل رفاقت کا ذکر کرتے ہوئے وہ کہتی ہیں، ’ہم 19 سال کی عمر میں ملے تھے، اور اتنے برس ایک ساتھ گزارنے سے ایک قسم کی جذباتی انحصاریت پیدا ہو گئی تھی۔ میں تو یہاں تک نہیں جانتی تھی کہ خود سے ہوائی جہاز کی ٹکٹ کیسے بُک کرنی ہے۔‘
اونتیکا نے اس بات کا بھی اعتراف کیا کہ رشتہ ختم ہونے پر انہیں گہری مایوسی اور خود پر شرمندگی محسوس ہوئی۔ ’لوگ ہمیں ’گولڈن کپل‘ کہتے تھے، اور جب ہم الگ ہوئے، تو مجھے لگا جیسے میں نے سب کو مایوس کر دیا۔‘
اونتیکا اور عمران تقریباً بیس سال ساتھ رہے اور ان کی ایک بیٹی، عمّارہ، ہے- پیرنٹنگ پر بات کرتے ہوئے انہوں نے کہا، ’شروع میں بیٹی کے ذہن میں کئی سوالات تھے، جیسے: ’کیا مجھے نئی مما ملے گی؟‘ میں نے اسے ہنستے ہوئے کہا: ’نہیں بیٹا، تم اسی سے چپکی رہو گی!‘
انہوں نے وضاحت کی کہ، ہم نے اُس کے لیے وقت کو متوازن رکھا۔ وہ ہفتے کے آدھے دن میرے ساتھ اور آدھے عمران کے ساتھ گزارتی ہے۔
جسٹس منصور علی شاہ نے قائم مقام چیف جسٹس پاکستان کے عہدے کا حلف اٹھالیا
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش