ٹرانس جینڈرز کی کھیلوں میں شرکت پر پابندی کا بل منظور
اشاعت کی تاریخ: 15th, January 2025 GMT
امریکی ایوانِ نمائندگان نے ٹرانس جینڈرز ایتھلیٹس کو خواتین کھیلوں میں شرکت سے روکنے کا بل منظور کرلیا
امریکی ایوانِ نمائندگان نے خواتین اسپورٹس میں ٹرانس جینڈر ایتھلیٹس کی شرکت پر پابندی کے بل کو اتفاقِ رائے سے منظور کر لیا ہے۔
بین الاقوامی میڈیا کے مطابق بل کے حق میں 218 ووٹ ڈالے گئے، جن میں دو ڈیموکریٹس کے ووٹ بھی شامل تھے۔ تاہم، یہ بل سینیٹ میں پیش کیا جانا باقی ہے، جہاں اس کے قانون بننے کے امکانات کم ہیں۔
بل کی منظوری کے بعد، ٹرانس جینڈر ایتھلیٹس کو ان اسکولوں یا یونیورسٹیوں کی خواتین ٹیموں میں حصہ لینے سے روک دیا جائے گا، جو فیڈرل فنڈنگ حاصل کرتی ہیں۔
ادھر رپورٹ میں بتایا گیا ہے کہ نو منتخب صدر ڈونلڈ ٹرمپ اپنی صدارت کے دوران فوج سے ٹرانس جینڈر ملازمین کو نکالنے کے لیے ایگزیکٹو آرڈر پر دستخط کر سکتے ہیں، جس سے ہزاروں حاضر سروس اہلکار برطرف ہو سکتے ہیں۔
یہ بل اور ممکنہ اقدامات امریکہ میں ٹرانس جینڈر کمیونٹی کے حقوق اور مساوات کے حوالے سے گرما گرم بحث کا سبب بن رہے ہیں۔
.ذریعہ: Jasarat News
پڑھیں:
لاہور کا پہلا سرفیس واٹر ٹریٹمنٹ پلانٹ منصوبہ منظور
لاہور:صوبائی دارالحکومت کے پہلے سرفیس واٹر ٹریٹمنٹ پلانٹ منصوبے کی منظوری دے دی گئی، جس کے تحت بی آر بی کینال پر واٹر ٹریٹمنٹ پلانٹ لگایا جائے گا۔
ترجمان محکمہ ہاؤسنگ پنجاب نے بتایا کہ 52ویں پی ڈی ڈبلیو پی اجلاس میں اس منصوبے کی منظوری دی گئی ہے اور لاہور بی آر بی کینال پر سرفیس واٹر ٹریٹمنٹ پلانٹ لگایا جائے گا اور یہ منصوبہ ایشین انفرا اسٹرکچر انویسٹمنٹ بینک کے تعاون سے مکمل کیا جائے گا۔
ترجمان نے بتایا کہ منصوبے کے تحت یومیہ 54 ملین گیلن سرفیس واٹر قابل استعمال بنایا جا سکے گا، منصوبے سے مغلپورہ، باغبانپورہ، فتح گڑھ اور شادی پورہ کی آبادیاں مستفید ہو سکیں گی اور لاہور کی 17 لاکھ سے زائد آبادی مستفید ہوگی۔
ان کا کہنا تھا کہ منصوبہ 2031 تک مکمل کیا جائےگا، منصوبے میں 120 ایکڑ اراضی پر سرفیس واٹر ٹریٹمنٹ پلانٹ کی تنصیب کی جائے گی، جس کے لیے 5 میگا واٹ سولر انرجی سسٹم کے ذریعے بجلی کی پیداوار بھی کی جا سکے گی۔
سیکریٹری ہاؤسنگ نورالامین مینگل نے بتایا کہ وزیر اعلیٰ پنجاب مریم نواز کی ہدایت پر اہم منصوبوں کا آغاز کیا جا رہا ہے اور منصوبہ جلد ہی ایکنک سے منظوری کے لیے پیش کیا جائے گا۔
ان کا کہنا تھا کہ صوبہ بھر میں آلودہ پانی کو قابل استعمال بنانے پر اہم پیش رفت جاری ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر