اٹک سونے سے اور چنیوٹ تانبے سے مالامال مگر سرمایہ کاری کیوں نہیں؟
اشاعت کی تاریخ: 15th, January 2025 GMT
پنجاب کے ضلع اٹک میں حکومت نے تقریباً 8 سو ارب روپے مالیت کے سونے کے ذخائر دریافت کیے ہیں جبکہ چنیوٹ شہر میں بھی بڑی تعداد میں تانبے کے ذخائر کی موجودگی کا تخمینہ لگایا گیا ہے، تاہم صوبائی حکومت ان معدنی ذخائر کو نکالنے کے لیے درکار سرمائے کے حصول میں سرگرداں ہے۔
وی نیوز کو خصوصی انٹرویو دیتے ہوئے سابق نگراں صوبائی وزیر معدنیات ابراہیم حسن مراد کا کہنا تھا کہ اپنی وزارت کے دنوں میں معدنی ذخائر کی تلاش میں سروے شروع کیے تھے۔
یہ بھی پڑھیں: سونا: اٹک سے اربوں روپے کے ذخائر مل گئے
’ہمیں کچھ عرصہ قبل پتا چلا کہ مقامی لوگ وہاں پر غیر قانونی طریقے سے معدنیات نکال رہے ہیں ہم نے اپنی علاقائی ٹیموں کو وہاں بھیج کر غیر قانونی معدنیات نکالنے والوں پر مقدمات درج کروائے۔‘
جیو لوجیکل سروے آف پاکستان نے جب یہاں 127 مقامات پر سروے کے دوران 500 نمونے اکھٹا کرکے ان کا مشاہدہ کیا تو لگ بھگ 25 کلومیٹر کے علاقے میں سونے کے ذخائرکے شواہد ملے ہیں، ابراہیم حسن مراد کے مطابق جدید مشینری کے ذریعے یہ سونا نکالا جاسکتا ہے۔
مزید پڑھیں: اٹک: دریائے سندھ سے غیرقانونی طور پر سونا نکالنے والوں کے گرد گھیرا تنگ، مقدمہ درج
ابرہیم حسن مراد نے وی نیوز کو بتایا کہ 28 لاکھ تولہ سونا وہاں سے ملا ہے جس کی مالیت اس وقت 800 ارب روپے بنتی ہے، یہ سونے کے ذخائر پہاڑوں میں موجود ہیں، جہاں سونا دریا کے بہاؤ کے ساتھ کالی ریت میں آکے شامل ہوجاتا ہے۔
’سردیوں میں دریا کا بہاؤ کم ہوتا ہے اس لیے ان دنوں وہاں سے سونے کے ذخیرے سے استفادہ آسان ہوتا ہے، یہاں 25 کلومیٹر کے علاقے میں نو فیزے ہیں جو اربوں روپے مالیت کے ہیں۔‘
چینوٹ میں بھی تانبے کے ذخائر موجود ہیںایک سوال کا جواب دیتے ہوئے سابق نگراں صوبائی وزیر ابرہیم حسن مراد کا کہنا تھا کہ بحیثیت وزیر معدنیات وہ ہر ماہ چنیوٹ میں معدنی دریافت پر میٹنگ کرتے تھے کیونکہ پورا چنیوٹ شہر تانبے کے ذخائر سے مالامال ہے۔
’دنیا کی بہترین کمپنیوں نے ان ذخائر کو تلاش کیا ہے، چینوٹ میں موجود تانبے کے ذخائر کو باقاعدہ تجارتی مقاصد کے لیے نکالنے کے ضمن میں ایک ارب ڈالر کی سرمایہ کاری درکار ہے، جو پاکستان تلاش نہیں کرسکا، اس کی فیزبیلٹی میں تقریباً 10 ارب روپے خرچ کرچکے ہیں۔‘
جیولر ایسوسی ایشن بھی تعاون پر آمادہابرہیم حسن مراد نے بتایا کہ جیولر ایسوسی ایشن والوں نے حکومت کو اس ضمن میں تعاون کا یقین دلاتے ہوئے کہا ہے کہ وہ بھی سرمایہ کاری کے لیے تیار ہیں، کیونکہ جیولرز اسمگل کر کے سونا پاکستان لاتے ہیں، لہذا بہتر ہوگا کہ ہم اپنا مقامی سونا مقامی مارکیٹ میں متعارف کرائیں۔
مزید پڑھیں:ڈالر کی قدر میں اضافہ اور سونے کی قیمتیں ایک بار پھر کیوں بڑھ رہی ہیں؟
’ایسوسی ایشن کے عہدیداروں نے کہا ہے کہ مختلف بلاکس میں ٹھیکے دیں تاکہ جو 800 ارب روپے کا سونا ہے اسے تیار کرکے 8000 ارب روپے کمائے جاسکیں، ذخائر تلاش کرنے کے بعد وفاق نے ابھی تک ہم سے رابطہ نہیں کیا ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابراہیم حسن مراد اٹک تانبا چنیوٹ سرمایہ کاری سونا معدنیات نگراں وزیر.ذریعہ: WE News
کلیدی لفظ: ابراہیم حسن مراد اٹک تانبا چنیوٹ سرمایہ کاری معدنیات تانبے کے ذخائر سرمایہ کاری ارب روپے سونے کے کے لیے
پڑھیں:
ملک بھر میں KFC آؤٹ لیٹس پر 20 حملے افسوسناک اور ناقابلِ قبول ہیں؛ طلال چوہدری
سٹی 42 : وزیر مملکت برائے داخلہ طلال چوہدری نے کہا ہے کہ فلسطین سے اظہارِ یکجہتی کے نام پر سرمایہ کاروں پر حملے قابلِ مذمت ہیں۔
وزیر مملکت برائے داخلہ طلال چوہدری نے KFC کے آؤٹ لیٹس پر حملوں کے حوالے سے پریس کانفرنس میں کہا کہ ملک بھر میں KFC آؤٹ لیٹس پر 20 حملے افسوسناک اور ناقابلِ قبول ہیں۔ انہوں نے کہا کہ شیخوپورہ میں ایک قیمتی جان ضائع ہونا افسوسناک سانحہ ہے۔ طلال چوہدری نے بتایا کہ وزیراعظم اور وزارت داخلہ کی جانب سے تمام صوبوں کو شہریوں کے جان و مال کے تحفظ یقینی بنانے کیلئے واضح ہدایات جاری کردی گئیں ہیں۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
طلال چوہدری نے کہا کہ عالمی فوڈ چینز نے پاکستان میں 100 ملین ڈالر سے زائد کی سرمایہ کاری کی ہے، یہ کمپنیاں 100 فیصد واجب الادا ٹیکس ادا کرتی ہیں، جبکہ مقامی ہوٹل ٹیکس چوری میں ملوث ہیں۔ انہوں نے کہا کہ چاہے سی پیک ہو یا مائنز اینڈ منرلز، غیر ملکی سرمایہ کار ہمارے تاج کا قیمتی نگینہ ہیں۔
طلال چوہدری نے کہاکہ ریکوڈک، گلگت بلتستان، آزاد کشمیر اور سی پیک میں سرمایہ کاری ہمارا قومی فخر ہے، اگرچہ ہم فلسطین میں ہونے والی سنگین ناانصافی کو تسلیم کرتے ہیں، فلسطین سے اظہارِ یکجہتی کے نام پر سرمایہ کاروں پر حملے قابلِ مذمت ہیں۔ انہوں نے کہا کہ بین الاقوامی قوانین کی پابندی کرنے والوں پر حملہ ناقابلِ جواز ہے۔
سرکاری گاڑی کا استعمال، سوشل میڈیا پر وڈیو وائرل کرنیوالے ڈان ساتھی سمیت گرفتار
انہوں نے مزید کہا کہ اس موقف کو واضح کرنے اور غلط فہمی دور کرنے کیلئے متعلقہ فتوے میڈیا سے شیئر کیے جا چکے ہیں، سرمایہ کاروں پر حملہ کرنے والوں سے دہشت گردوں کی طرح نمٹا جائے گا، جب تک پرتشدد واقعات بند نہیں ہوں گے، عالمی سرمایہ کاری ممکن نہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج