اردو کے معروف شاعر محسن نقوی کی 29 ویں برسی منائی جا رہی ہے
اشاعت کی تاریخ: 15th, January 2025 GMT
لاہور : آج اردو کے معروف شاعر محسن نقوی کی 29 ویں برسی منائی جا رہی ہے۔ محسن نقوی کی شاعری میں انسانیت، درد اور جذبات کی گہری جھلکیاں ملتی ہیں اور ان کا کلام اردو ادب میں ایک خاص مقام رکھتا ہے۔
محسن نقوی 5 مئی 1947 کو ڈیرہ غازی خان میں پیدا ہوئے، اور ان کا اصل نام سید غلام عباس نقوی تھا۔ "محسن” تخلص کے طور پر انہوں نے اپنی شاعری کی دنیا میں قدم رکھا۔ بچپن سے ہی انہوں نے تعلیمی میدان میں ساتھ ساتھ مذہبی تعلیم پر بھی توجہ دی، اور قرآن کی تلاوت پر خصوصی دھیان دیا۔
محسن نقوی نے پنجاب یونیورسٹی لاہور سے ایم اے اردو کیا اور اسی دوران ان کی شاعری کا پہلا مجموعہ "بند قبا” شائع ہوا۔ ان کی زندگی کا آغاز بہت سادہ تھا، لیکن وہ اپنے کمالات کی بدولت بہت جلد ادبی حلقوں میں پہچانے جانے لگے۔
محسن نقوی نے اپنے کالموں اور غزلوں کے ذریعے بھی شہرت حاصل کی۔ وہ سیاسی میدان میں بھی سرگرم تھے اور پیپلز اسٹوڈنٹس فیڈریشن میں شامل ہوکر اپنی آواز بلند کی۔ ان کی نظم "یا اللہ یارسول، بے نظیر بے قصور” نے بھی انہیں مزید شہرت دی۔
محسن نقوی کو 1994 میں پرائیڈ آف پرفارمنس ایوارڈ سے نوازا گیا تھا، جو کہ ان کی شاعری اور ادبی خدمات کا اعزاز تھا۔ لیکن افسوس کہ 15 جنوری 1996 کو انہیں دہشت گردوں نے گولی مار کر شہید کر دیا۔ ان کی آخری باتیں ان کے شاعرانہ کمالات کا منہ بولتا ثبوت ہیں:
"لے زندگی کا خمس علی کے غلام سے
اے موت آ ضرور مگر احترام سے
عاشق ہوں اگر ذرا بھی اذیت ہوئی مجھے
شکوہ کروں گا تیرا میں اپنے امام سے”
محسن نقوی کی شاعری اور ان کی شخصیت ہمیشہ اردو ادب کے چاہنے والوں کے دلوں میں زندہ رہے گی۔
.ذریعہ: Nai Baat
کلیدی لفظ: محسن نقوی کی کی شاعری
پڑھیں:
ورلڈ کپ کے لیے قومی ویمنز کرکٹ ٹیم بھارت نہیں جائے گی: محسن نقوی
پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ آئی سی سی ویمنز ورلڈ کپ کے لیے قومی ویمنز کرکٹ ٹیم بھارت نہیں جائے گی۔
قذافی اسٹیڈیم میں خواتین کرکٹ ٹیم سے ملاقات کے بعد میڈیا سے گفتگو کرتے ہوئے محسن نقوی کا کہنا تھا کہ پاکستان ویمنز ٹیم معاہدے کے مطابق بھارت نہیں جائے گی۔ بھارت میزبان ہے، وہ فیصلہ کرے گا کہ میچ کہاں منعقد کیے جائیں۔
انہوں نے پاکستان کے موقف کا اعادہ کرتے ہوئے کہا کہ ٹیم بھارت کے علاوہ کسی بھی نیوٹرل جگہ پر مقابلہ کرنے کو تیار ہے۔
یہ بیان دو طرفہ کرکٹ تعلقات پر جاری کشیدگی کے درمیان سامنے آیا ہے۔ واضح رہے کہ بھارت نے 19 فروری سے 9 مارچ تک شیڈول آئی سی سی چیمپئنز ٹرافی 2025 کے لیے پاکستان جانے سے انکار کردیا تھا اور اپنے میچز نیوٹرل وینیو پر کھیلے تھے جو اس سے قبل 2023 کے ایشیا کپ میں استعمال کیا گیا تھا۔
کئی ماہ کے مذاکرات کے بعد دونوں بورڈز نے ڈیڈ لاک کو حل کرنے کے لیے ہائبرڈ ماڈل پر اتفاق کیا۔ ای ایس پی این کرک انفو کے مطابق یہ ماڈل بھارت کو پاکستان کی میزبانی میں ہونے والے آئی سی سی ٹورنامنٹس کے لیے نیوٹرل مقامات پر کھیلنے کی اجازت دیتا ہے۔
اس معاہدے کا اطلاق 2025 میں پاکستان میں ہونے والی مینز چیمپئنز ٹرافی، 2025 میں بھارت میں ہونے والے ویمنز ون ڈے ورلڈ کپ اور 2026 میں بھارت اور سری لنکا میں ہونے والے مینز ٹی 20 ورلڈ کپ پر ہوگا۔
غزہ کا گمنام ہیرو، پیاسوں تک پانی پہنچانے والا ابراہیم علوش