بیرون ملک جانے والے سینکڑوں مسافروں کو روکنے کی اصل وجہ کیا ہے؟
اشاعت کی تاریخ: 15th, January 2025 GMT
گزشتہ ایک ہفتے سے ملک بھر سے سینکڑوں تعداد میں مسافروں کو بیرون ملک جانے سے روکا جا چکا ہے جس سے نہ صرف مسافروں بلکہ اوورسیز ایمپلائمنٹ پروموٹرز کو بھی مالی نقصان اٹھانا پڑ رہا ہے۔
اوورسیز ایمپلائمنٹ پروموٹرز ایسوسی ایشن کے نائب چیئرمین محمد عدنان پراچہ کا کہنا ہے کہ مختلف پروموٹرز کے ملک بھر سے سینکڑوں تعداد میں مسافروں کو روکا جا چکا ہے جبکہ ان کے پاس پروٹیکٹر کی اسٹیمپ، بائیو میٹرک، ای ویزا، ایگریمنٹ اور انشورنس کے ساتھ تمام مطلوبہ دستاویزات ہوتی ہیں اس کے باوجود دیگر دستاویزات مانگی جارہی ہیں۔
یہ بھی پڑھیے:55 آف لوڈ مسافروں کو ٹکٹ کی رقم واپس کیوں نہیں ملی؟
ان کا کہنا تھا کہ جب پاسپورٹ اور شناختی کارڈ ہے تو آپ خود آپ ویری فائی کریں، ان کا کہنا ہے کہ اگر سختی کرنی بھی ہے تو وزٹ ویزہ پر جانے والوں پر کریں، جو نوکری پر جا رہا ہے اس پر سختی کرنے کی وجہ سمجھ سے بالا تر ہے۔
محمد عدنان پراچہ کا کہنا ہے کہ ہماری ڈی جی ایف آئی اے، وزرا سمیت تمام متعلقہ حکام سے میٹنگز بھی جاری ہیں اور اس معاملے پر خطوط بھی لکھے جا چکے ہیں۔ ان کا کہنا ہے کہ یہ رویہ 2025 میں روزگار کی غرض سے ملک سے جانے والوں کے لیے نہ صرف مشکلات کا باعث بنے گا بلکہ بیرون ملک جانے والوں کی تعداد میں کمی بھی آئے گی۔ ان کا مزید کہنا تھا کہ ہماری کوشش ہے کہ اس معاملے کا حل نکالا جائے۔
انہوں نے کہا کہ ہم ہر قسم کے غیر قانونی عمل کے خلاف آواز بلند کرتے ہیں لیکن ایسا بھی نہیں کہ قانون کے مطابق جانے والے لوگوں کو بھی تنگ کرنا شروع کیا جائے۔
ایف آئی اے ذرائع کے مطابق یونان کشتی حادثے کے واقعے کے بعد ایف آئی اے کی طرف سے بیرون ملک جانے والوں پر کڑی نظر رکھی جارہی ہے، ایف آئی اے کے 30 کے قریب اہلکاروں کو بھی معطل کیا گیا۔
ذرائع کا کہنا ہے کہ اس حادثے کے بعد ملک سے باہر جانے والے افراد کے تمام ڈاکومنٹس کی سختی سے چیکنگ کی جارہی ہے اور بڑی تعداد میں لوگوں کو روکا جارہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
AIRPORT offload pessengers آف لوڈ بیرون ملک مسافر.ذریعہ: WE News
کلیدی لفظ: آف لوڈ بیرون ملک مسافر بیرون ملک جانے کا کہنا ہے کہ جانے والوں مسافروں کو ایف آئی اے
پڑھیں:
عراق جانے والے زائرین کو مقررہ مدت سے زائد قیام کی ہرگز اجازت نہیں ہوگی، محسن نقوی
برسلز میں عراقی ہم منصب جنرل عبدالامیر الشمری سے ملاقات میں گفتگو کرتے ہوئے وفاقی وزیر داخلہ نے کہا کہ زائرین سے متعلق پاکستان اور عراق کے ادارے قریبی رابطے میں رہیں گے، پاکستانی زائرین کی سلامتی، عزت اور سہولت اولین ترجیح ہے۔ اسلام ٹائمز۔ وفاقی وزیر داخلہ محسن نقوی کا کہنا ہے کہ عراق جانے والے زائرین کو مقررہ مدت سے زائد قیام کی ہرگز اجازت نہیں ہوگی۔ برسلز میں عراقی ہم منصب جنرل عبدالامیر الشمری سے ملاقات میں گفتگو کرتے ہوئے محسن نقوی نے کہا کہ زائرین سے متعلق پاکستان اور عراق کے ادارے قریبی رابطے میں رہیں گے۔ محسن نقوی کا مزید کہنا تھا کہ پاکستانی زائرین کی سلامتی، عزت اور سہولت اولین ترجیح ہے۔ عراقی وزیر داخلہ نے کہا پاکستانی وزارت داخلہ کی فہرست والے زائرین کو عراق آنے کی اجازت ہوگی، مشترکہ لائحۂ عمل طے کرنے کے لیے جلد پاکستان کا دورہ کریں گے۔ ملاقات میں سکیورٹی تعاون، انسداد دہشت گردی اور انسانی اسمگلنگ روکنے کے لیے میکینزم مضبوط بنانے پر بھی اتفاق کیا گیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر