بلوچستان میں دہشت گردوں کے خلاف کارروائی میں ستائیس ہلاکتیں
اشاعت کی تاریخ: 14th, January 2025 GMT
اسلام آباد (اُردو پوائنٹ ۔ DW اردو۔ 14 جنوری 2025ء) پاکستانی سکیورٹی فورسز کے جاری کردہ ایک بیان میں کہا گیا کہ شورش زدہ صوبے بلوچستان میں دہشت گردوں کے ایک ٹھکانے پر شبینہ چھاپہ کچھی کے علاقے میں مارا گیا۔ سکیورٹی حکام نے دعویٰ کیا ہے کہ اس کارروائی کے دوران فورسز کی عسکریت پسندوں کے ساتھ جھڑپ شروع ہو گئی تھی، جس دوران 27 مشتبہ دہشت گرد مارے گئے۔
کہا گیا ہے کہ تمام ہلاک شدگان ملکی سکیورٹی فورسز پر حملوں میں ملوث تھے۔ بیان میں تاہم عسکریت پسندوں کی خاص طور پر شناخت نہیں کی گئی لیکن اس صوبے میں پاکستانی طالبان اور مسلح بلوچ علیحدگی پسند ایک عرصے سے خونریز حملوں کا سلسلہ جاری رکھے ہوئے ہیں۔پاکستان: خضدار میں سرکاری دفتر پر حملہ، پولیس اسٹیشن نذر آتش
پاکستانی سکیورٹی فورسز کی طرف سے یہ تازہ کارروائی ایک ایسے وقت پر کی گئی ہے، جب بلوچستان میں انتہا پسندوں اور علیحدگی پسندوں دونوں کی طرف سے تشدد میں واضح اضافہ دیکھنے میں آ رہا ہے۔
(جاری ہے)
یاد رہے کہ چین بلوچستان کے ساحلی علاقے کے قریب بحیرہ عرب کے اندر گہرائی میں ایک بندرگاہ تعمیر کر رہا ہے۔بلوچستان میں تشدد کا نشانہ چینی منصوبے
چین پاکستان کے اس علاقے میں جیسے جیسے اپنے ترقیاتی اور تعمیراتی منصوبوں پر کام آگے بڑھا رہا ہے، ویسے ویسے ان منصوبوں پر بلوچ علیحدگی پسند جنگجوؤں اور انتہا پسندوں کے حملوں میں بھی اضافہ ہو رہا ہے۔
خاص طور پر وہ چینی منصوبے جن کا مقصد وہاں سڑکوں اور ریلوے نیٹ ورک کے ذریعے اس علاقے کو چینی صوبے سنکیانگ سے جوڑنا ہے۔بلوچستان کے مسئلے کا حل: فوجی کاروائی یا مذاکرات؟
پاکستانی فوج کے شعبہ تعلقات عامہ (آئی ایس پی آر) کا کہنا ہے کہ کچھی میں کیے گئے آپریشن کے ذریعے وہاں دہشت گردوں کے ٹھکانے پر موجود اسلحے اور گولہ بارود کو بھی تباہ کر دیا گیا۔
بیان کے مطابق مارے جانے والے دہشت گرد عام شہریوں کے ساتھ ساتھ قانون نافذ کرنے والے اداروں کے اہلکاروں کو بھی دہشت گردی کا نشانہ بنانے جیسے جرائم کے سبب سکیورٹی حکام کو انتہائی مطلوب تھے۔بلوچستان میں امن و استحکام کی کوششیں
پاکستان دنیا کی واحد مسلم اکثریتی ریاست ہے جو ایک مسلمہ جوہری طاقت بھی ہے۔ تاہم اس ملک کو مذہبی عسکریت پسندوں کے تشدد اور شورش کا سامنا بھی ہے جبکہ مذہب کے نام پر خونریزی کرنے والے شدت پسندوں کے مطابق وہ اس ملک میں اسلام کی حکمرانی کے لیے اپنی پرتشدد کارروائیاں جاری رکھے ہوئے ہیں۔
اس کے علاوہ اسلام آباد میں وفاقی حکومت اور کوئٹہ میں صوبائی حکومت کو قوم پسند بلوچ علیحدگی پسندوں کی مسلح مزاحمت کا سامنا بھی ہے، جو بلوچستان کی پاکستان سے آزادی کے حامی ہیں۔پاکستان: پنجگور میں عسکریت پسندوں کے حملے میں پانچ افراد ہلاک
دوسری جانب پاکستانی سکیورٹی فورسز آئے دن مسلح شدت پسندوں کے خلاف اپنی کارروائیوں کے ذریعے امن و استحکام کو برقرار رکھنے کی کوشش کرتی ہیں۔ پاکستانی فوج کے شعبہ تعلقات عامہ نے کھچی میں تازہ آپریشن کے بعد اپنے بیان میں مزید کہا کہ سکیورٹی فورسز بلوچستان کے امن و استحکام کو تباہ کرنے کی کوششوں کو ناکام بنانے کے لیے پرعزم ہیں۔
ک م/ م م (ڈی پی اے)
.ذریعہ: UrduPoint
کلیدی لفظ: تلاش کیجئے سکیورٹی فورسز عسکریت پسندوں بلوچستان میں پسندوں کے رہا ہے
پڑھیں:
نکسلزم کو ختم کرنے کی ہماری مہم جاری رہے گی، امت شاہ
وزیر داخلہ امت شاہ نے اس موقع پر زور دیا کہ مرکزی اور ریاستی حکومتوں کے درمیان بہتر ہم آہنگی کیساتھ اس مسئلے سے نمٹا جائے گا۔ اسلام ٹائمز۔ بھارت کے وزیر داخلہ امت شاہ نے کہا ہے کہ نکسلزم کے خاتمے کے لئے ہماری مہم بلا تعطل جاری ہے۔ انہوں نے یہ بات آج ایک اعلیٰ سطحی اجلاس کے دوران کہی، جس میں نکسل متاثرہ علاقوں میں سیکیورٹی صورتحال کا جائزہ لیا گیا۔ اجلاس میں مختلف ریاستوں کے اعلیٰ حکام اور مرکزی مسلح پولیس فورسز کے سربراہان شریک ہوئے تھے۔ امت شاہ نے کہا کہ مودی حکومت نکسلزم کے خلاف "زیرو ٹالرنس" کی پالیسی پر عمل پیرا ہے اور اسے جڑ سے اکھاڑ پھینکنے کے لئے پُرعزم ہے۔ انہوں نے مزید کہا کہ گزشتہ چند سالوں میں سکیورٹی فورسز نے نکسلیوں کے خلاف بڑی کامیابیاں حاصل کی ہیں، جس کی وجہ سے ان کا دائرہ اثر کافی حد تک کم ہوا ہے۔ بھارتی وزیر داخلہ نے سکیورٹی فورسز کی حوصلہ افزائی کرتے ہوئے کہا کہ وہ اپنی کوششوں میں کوئی کسر نہ چھوڑیں اور متاثرہ علاقوں میں ترقیاتی کاموں کو تیز کرنے پر بھی زور دیں۔
امت شاہ نے کہا کہ نکسلزم کا خاتمہ نہ صرف سکیورٹی کے نقطہ نظر سے ضروری ہے بلکہ ان علاقوں میں رہنے والے لوگوں کی فلاح و بہبود کے لئے بھی اہم ہے۔ اجلاس میں نکسل متاثرہ ریاستوں جیسے کہ چھتیس گڑھ، جھارکھنڈ، اوڈیشہ، مہاراشٹر اور بہار کے حالات پر تفصیلی تبادلہ خیال کیا گیا۔ حکام نے بتایا کہ رواں سال اب تک سکیورٹی فورسز نے کئی بڑے آپریشنز میں نکسلیوں کو نشانہ بنایا ہے، جن میں متعدد اہم لیڈر یا تو ہلاک ہوئے یا گرفتار کئے گئے۔ وزیر داخلہ امت شاہ نے اس موقع پر زور دیا کہ مرکزی اور ریاستی حکومتوں کے درمیان بہتر ہم آہنگی کے ساتھ اس مسئلے سے نمٹا جائے گا۔ انہوں نے کہا کہ ترقیاتی منصوبوں کے ساتھ ساتھ انٹیلی جنس کی بنیاد پر آپریشنز کو مزید موثر بنایا جائے گا تاکہ نکسلزم کا مکمل خاتمہ کیا جا سکے۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل