آئی سی سی نے چیمپئنز ٹرافی 2025 کا نیا پرومو جاری کردیا
اشاعت کی تاریخ: 14th, January 2025 GMT
لاہور(نیوز ڈیسک)انٹرنیشنل کرکٹ کونسل (آئی سی سی) نے پاکستان میں ہونے والے چیمپئنز ٹرافی 2025 کا نیا پرومو جاری کردیا، پرومو میں لیجنڈری سابق فاسٹ بالر وسیم اکرم بھی جلوہ گر ہیں۔
چیمپیئنزٹرافی سے قبل چیمپئن ٹیم کی سفید جیکٹ کی رونمائی کی گئی، آئی سی سی کی جانب سے جاری کردہ پروموشنل ویڈیو میں قومی ٹیم کے سابق کپتان اور لیجنڈری فاسٹ بولر وسیم اکرم کو دکھایا گیا ہے۔
ویڈیو میں سوئنگ کے سلطان وسیم اکرم چیمئنز ٹرافی کے فاتح کھلاڑیوں کو ملنے والی سفید جیکٹ کی تعریف کرتے دکھائی دے رہے ہیں۔
پرومو میں وسیم اکرم نے سفید جیکٹ کو قابل فخر قرار دیتے ہوئے دنیا بھر کے شائقین کرکٹ کو چیمپیئنز کے سفر کا حصہ بننے کی دعوت دی ہے۔
وسیم اکرم نے مزید کہا اب عالمی کرکٹ کمیونٹی میں ایونٹ کا جوش و خروش پیدا ہوگا،چیمپئنز ٹرافی میں سب سے مضبوط ٹیم ٹورنامنٹ جیتتی نظر آئے گی۔
منی ورلڈ کپ کے نام سے مشہور آئی سی سی مینز چیمپئنز ٹرافی 8 سال بعد ہوگی، 2017 میں ہونے والے آخری ایڈیشن میں پاکستان نے سرفراز احمد کی قیادت میں ٹرافی اپنے نام کی تھی۔
اس سے قبل چیمپئنز ٹرافی کے براڈکاسٹرز کی جانب سے بھی ایک پرومو جاری کیا گیا تھا، اسٹار اسپورٹس کی جانب سے یوٹیوب چینل پر جاری پرومو میں بھارت کے موجودہ اور سابق کپتان (روہت شرما اور ویرات کوہلی) سے ویڈیو کا آغاز کیا گیا۔
چیمپئنز ٹرافی کے پرومو میں جنوبی افریقہ کے ڈی کاک اور ریزا ہینٹرکس، آسٹریلیا کے کپتان پیٹ کمنز، ڈیوڈ وارنر، انگلینڈ کے جوفرا آرچر، پاکستان کے فاسٹ باؤلر شاہین آفریدی اور بھارت باؤلر جسپریت بمرا کے علاوہ دیگر کھلاڑیوں کو شامل کیا گیا تھا۔
یاد رہے کہ آئی سی سی چیمپئینز ٹرافی کا آغاز 19 فروری سے پاکستان میں ہوگا جس میں 8 ٹیمیں مدمقابل ہوں گی، ٹورنامنٹ کا افتتاحی میچ دفاعی چیمپئین پاکستان اور نیوزی لینڈ کے درمیان 19 فروری کو کھیلا جائے گا۔
ابتدائی مرحلے کے لئے ٹیموں کو 2 گروپوں میں تقسیم کیا گیا ہے، ہر ٹیم گروپ مرحلے کے 3 میچ کھیلے گی اور ہر گروپ کی ٹاپ 2 ٹیمیں سیمی فائنل میں پہنچیں گی جب کہ ایونٹ کا فائنل 9 مارچ کو کھیلا جائے گا۔
پاکستان نے انٹرنیشنل کرکٹ کونسل کے ساتھ ایک معاہدے کے تحت ہائبرڈ ماڈل پر رضامندی ظاہر کی تھی، جس کے تحت پاکستان اور بھارت کے درمیان 2027 تک تمام انٹرنیشنل ایونٹ نیوٹرل وینیو پر ہوں گے، لہذا چیمپئنز ٹرافی 2025 کے لیے بھارت کے تمام میچز متحدہ عرب امارات میں کھیلے جائیں گے۔
واضح رہے کہ بھارت نے ایشیا کپ 2008 کے بعد سے پاکستان میں کوئی میچ نہیں کھیلا، جب کہ 13-2012 میں پاکستان کے دورہ بھارت کے بعد سے دونوں ممالک کے درمیان کوئی دو طرفہ سیریز بھی نہیں کھیلی گئی ہے۔
گزشتہ سال بھی ایشیا کپ کی میزبانی پاکستان کو ملی تھی لیکن بھارت نے پاکستان آنے سے صاف انکار کردیا تھا جس کے بعد ہائبرڈ ماڈل کے تحت بھارت کے تمام میچز سری لنکا میں شیڈول کیے گئے تھے، جہاں کولمبو میں کھیلے گئے فائنل میں بھارت نے آسانی سے سری لنکا کو شکست دے کر ٹائٹل اپنے نام کرلیا تھا۔
پاکستان اس چیمپئنز ٹرافی میں دفاعی چیمپئن کے طور پر شریک ہوگا، آخری بار چیمپئنز ٹرافی 2017 میں ہوئی تھی جو پاکستان نے سرفراز احمد کی قیادت میں جیتی تھی۔
مزیدپڑھیں:قومی اسمبلی اجلاس، متعدد بل متعلقہ کمیٹیوں کو بھجوا دیئے گئے
ذریعہ: Daily Ausaf
کلیدی لفظ: چیمپئنز ٹرافی وسیم اکرم بھارت کے کیا گیا
پڑھیں:
بھارت،بیٹے نے اسرائیل جانے کے لیے باپ کو قتل کردیا
data-id="863a0a8" data-element_type="widget" data-widget_type="theme-post-content.default">
راجکوٹ: بھارت میں بیٹے نے اسرائیل جانے کے لیے باپ کو قتل کردیا۔گجرات کے راجکوٹ ضلع کے اپلیٹا کے بھایاوادر تھانہ علاقے کے راج پارہ گاو¿ں میں پولیس کو 50 سالہ کنا بھائی میرو بھائی جوگ کی لاش ملی۔
اطلاعات کے مطابق ان کے بھتیجے ویرم بھائی بھوپت بھائی جوگ انہیں کھیت میں لے کر آیا تھا۔ پہلی نظر میں متوفی کے جسم یا جائے وقوع پر کار حادثے کے کوئی نشانات نہیں ملے۔ پولیس کی تفتیش سے پتہ چلا ہے کہ متوفی کنا بھائی جوگ کا قتل اس کے 25 سالہ بیٹے رامدے کنا بھائی جوگ اور 39 سالہ بھتیجے ویرم بھائی بھوپت بھائی جوگ نے کیا تھا۔
قتل کی بنیادی وجہ مالی مجبوری تھی۔ کہا جا رہا ہے کہ قتل میں ملوث بیٹا نوکری کے لیے اسرائیل جانا چاہتا تھا۔قتل میں ملوث بیٹے رامدے کو ملازمت کے لیے اسرائیل جانا تھا جس پر تقریباً 16 لاکھ روپے لاگت آرہی تھی۔
ایک سال پہلے، اس نے اپنے والد کے نام پر ایک بینک سے انشورنس پالیسی لی تھی، جس سے اسے والد کی موت پر 50 سے 70 لاکھ روپے ملنے والے تھے۔
جب دوسرا انشورنس پریمیم ادا کرنے کا وقت آیا تو رامدے نے اپنے کزن ویرم بھائی کو ایک لاکھ روپے اور زندگی بھر کے کھانے کا وعدہ کرکے اپنے ساتھ ملا لیا اور اپنے والد کا قتل کر دیا۔
ویرم بھائی، جو تقریباً پانچ سال قبل طلاق کی وجہ سے اکیلے رہ رہے تھے، اس کام کے لیے راضی ہو گیا۔8 دسمبر کو رامدے اس قتل کو انجام دینے کے لیے چوہا اور کاکروچ مارنے کی دوائی لے کر آیا تھا۔
اپنی پہلی کوشش میں، ویرم بھائی نے متاثرہ کو دوپہر کو کولڈ ڈرنک کے ساتھ یہ دوائی پلادی لیکن اس کی موت قے کی وجہ سے نہیں ہوئی۔
اس ناکام کوشش کے بعد رامدے نے ویرم بھائی سے اپنے والد کو کلہاڑی سے مارنے کو کہا۔اس واقعہ میں 9 دسمبر کو ویرم بھائی متوفی کنا بھائی کو اس کے گھر سے موٹر سائیکل پر کھیت لے گیا۔ شراب پلا کر اسے کھیت کے کمرے میں لٹا دیا اور سر پر کلہاڑی سے حملہ کر دیا۔
اس واقعے کے بعد اس نے جرم چھپانے کی کوشش کی اور قتل کے بعد دونوں بھائیوں نے پولیس اور دیگر لوگوں کو جھوٹ بتایا کہ موت کار حادثے کی وجہ سے ہوئی ہے۔
پولیس نے مکمل تفتیش کے بعد چند گھنٹوں میں جرم کا پردہ فاش کرتے ہوئے دونوں ملزمان کو گرفتار کرکے قانونی کارروائی کی۔
پولیس نے واردات میں استعمال ہونے والی کلہاڑی کے ساتھ ساتھ پہلے دی گئی ادویات بھی ضبط کر لی ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر