کراچی؛ یومِ علیؓ کے جلوس کے باعث شہریوں کو متبادل راستے اختیار کرنے کی ہدایت
اشاعت کی تاریخ: 14th, January 2025 GMT
کراچی:
آج شہر قائد میں یومِ علیؓ کے جلوس کے باعث شہریوں کو متبادل راستے اختیار کرنے کی ہدایت دی گئی ہے۔
آج 13 رجب المرجب 1446 ہجری کو شام 4 بجے ایک جلوس بسلسلہ یومِ علیؓ غفور چیمبر سے نکالا جائے گا، جو نمائش چورنگی محفلِ خراساں پر ختم ہوگا۔
ڈی آئی جی ٹریفک کے دفتر سے جاری اعلامیے کے مطابق جلوس کے پیش نظر ایم اےجناح روڈ پر تبت سینٹر سے گرومندر چوک اور اطراف کی سڑکیں سکیورٹی وجوہات کی بنا پر بند رہیں گی، اس سلسلے میں شہریوں کی سہولت کے لیے ٹریفک پولیس کی جانب سے متبادل راستے اختیار کرنے کا کہا گیا ہے۔
ٹریفک پولیس کے مطابق بہادر یار جنگ روڈ استعمال کرنے والے گرومندر سے ٹاور جانے کے لیے سولجر بازار نمبر ایک سگنل کوسٹ گارڈ انکل سریا سگنل کا راستہ اختیار کریں ۔ اسی طرح شاہراہ قائدین سے نمائش چورنگی ایم اے جناح روڈ جانے والے سوسائٹی لائٹ سگنل سے ٹریفک دائیں جانب عائشہ عزیز چورنگی سے پیپلز چورنگی کا راستہ اختیار کریں اور سوسائٹی لائٹ سگنل سے خدا داد کالونی برج سے ایمپریس مارکیٹ کا راستہ اختیار کریں ۔
فریسکو سے نمائش چورنگی جانے والوں کے لیے عیدگاہ چوک ( دلپسند مٹھائی ) ڈاکخانہ سے بائیں جانب جوبلی سے نشتر روڈ یا تبت سینٹر سے دائیں جانب ریگل کا راستہ اختیار کریں۔
فوارہ چوک عبداللہ ہارون روڈ سے ٹریفک پیرا ڈائز سگنل سے بائیں جانب، پاسپورٹ آفس کے لیے دائیں جانب ایمپریس مارکیٹ کا راستہ اختیار کریں۔ اسی طرح آغا خان سوئم روڈ سے زینب مارکیٹ ( عبداللہ ہارون روڈ ) جانے والے گارڈن باغیچہ سے آغا خان سوئم روڈ کی ٹریفک انکل سریا سے دائیں جانب گل پلازہ سے تبت سینٹر کا راستہ اختیار کریں ۔
ترجمان ٹریفک پولیس نے عوام سے اپیل کی ہے کہ زحمت اور پریشانی سے بچنے کے لیے نیو ایم اے جناح روڈ ( صدر دواخانہ سے پیپلز چورنگی ) ، نشتر روڈ ( گارڈن باغیچہ سے لسبیلہ ) اور بہادر یار جنگ روڈ ( گرومندر سے سولجر بازار ایک نمبر سگنل سے انکار سریا ) کے متبادل راستوں کا انتخاب کریں ۔ شہری کسی بھی پریشانی کی صورت میں رہنمائی کے لیے 1915 ڈائل کریں جہاں ٹریفک پولیس کا نمائندے رہنمائی کے لیے 24 گھنٹے موجود ہیں ۔
.ذریعہ: Express News
کلیدی لفظ: ٹریفک پولیس کے لیے
پڑھیں:
کراچی میں رواں سال کے 110 روز میں مجموعی ٹریفک حادثات میں 289 شہری جاں بحق
کراچی:شہر قائد میں رواں سال کے دوران ٹریفک حادثات میں جاں بحق ہونے والے افراد کی مجموعی تعداد 289 تک پہنچ گئی۔
تفصیلات کے مطابق شاہ فیصل کالونی 4 نمبر میں ٹریفک حادثے میں نوجوان شدید زخمی ہوگیا جسے انتہائی تشویشناک حالت میں جناح اسپتال منتقل کیا گیا جہاں وہ زندگی اور موت کی کشمکش میں مبتلا رہنے کے بعد زندگی کی بازی ہار گیا۔
ریسکیو حکام کے مطابق متوفی کی شناخت 24 سالہ عماد کے نام سے کی گئی جو کہ راہگیر تھا جبکہ حادثہ پیر کی شب 8 بجے کے قریب نامعلوم گاڑی کی ٹکر سے شدید زخمی ہونے کے باعث پیش آیا تھا۔
حکام کے مطابق شہر قائد میں رواں سال 2025 کے دوران مختلف علاقوں میں اب تک جان لیوا ٹریفک حادثات میں مجموعی طور پر 289 افراد جاں بحق ہوگئے جس میں 224 مرد، 27 خواتین، 30 بچے اور 8 بچیاں شامل ہیں۔
ٹریفک حادثات میں مجموعی طور پر 3872 افراد زخمی بھی ہوئے ہیں جس میں 3129 مرد، 545 خواتین ، 151 بچے اور 47 بچیاں شامل ہیںْ
چھیپا فاؤنڈیشن کے جاری اعداد و شمار کے مطابق شہر قائد میں 110 روز میں اب تک ہیوی گاڑیوں کی ٹکر سے جان لیوا حادثات میں جاں بحق افراد کی تعداد 92 ہوگئی۔ جس میں ٹریلر کی ٹکر سے 37 ، ڈمپر کی ٹکر سے 18 ، واٹر ٹینکر کی ٹکر سے 22 ، بس کی ٹکر سے 10 اور مزدا کی ٹکر سے 5 افراد زندگی کی بازی ہار گئے۔
کراچی کے علاقے کورنگی کریک میں لگی پراسرار آگ 17 دن بعد خودبخود بجھ گئی