ارفع کریم کی 13 ویں برسی آج منائی جا رہی ہے
اشاعت کی تاریخ: 14th, January 2025 GMT
لاہور : آج دنیا کی کم عمر ترین آئی ٹی ماہر ارفع کریم کی 13 ویں برسی منائی جا رہی ہے۔ ارفع کریم نے صرف 9 سال کی عمر میں مائیکروسافٹ سرٹیفائیڈ پروفیشنل کا امتحان پاس کر کے آئی ٹی کی دنیا میں تہلکہ مچایا تھا۔ ان کی اس غیر معمولی کامیابی نے دنیا بھر میں نوجوانوں کے لئے ایک نئی امید کی کرن پیدا کی۔
ارفع کریم کو ان کی صلاحیتوں اور کامیابیوں پر کئی بڑے اعزازات سے نوازا گیا، جن میں پاکستان کا اہم ترین "پرائیڈ آف پرفارمنس” ایوارڈ بھی شامل تھا۔ مائیکرو سافٹ کے بانی بل گیٹس نے ارفع کریم کو اپنے ہیڈکوارٹرز کا دورہ کرانے کی دعوت دی تھی، جو ان کی شاندار کامیابی کی ایک اور علامت تھی۔
22 دسمبر 2011 کو ارفع کریم کو مرگی کا دورہ پڑا، اور 14 جنوری 2012 کو وہ کومے میں ہونے کے بعد انتقال کر گئیں۔ ان کی وفات نے نہ صرف پاکستان بلکہ دنیا بھر میں ایک خلا چھوڑا۔
ارفع کریم نہ صرف سائنس اور ٹیکنالوجی میں دلچسپی رکھتی تھیں بلکہ شاعری میں بھی ان کی خاص مہارت تھی۔ ان کی ذہانت اور کامیاب زندگی آج بھی لوگوں کے دلوں میں زندہ ہے، اور ان کا نام ہمیشہ یاد رکھا جائے گا۔
.ذریعہ: Nai Baat
پڑھیں:
وزیراعظم بتائیں! کیا خیبر پختونخوا کو پی ٹی آئی کو ٹھیکے پر دیا ہے، فیصل کریم کنڈی
گورنر کے پی نے کہا کہ مائنز اینڈ منرلز بل پر وزیر اعلیٰ علی امین گنڈاپور کو تمام جماعتوں کے ساتھ بیٹھنا چاہیے، اعظم سواتی نے قرآن پاک پر ہاتھ رکھ کر کہا اسٹیبلشمنٹ سے بات چیت کا انہیں کہا گیا۔ اسلام ٹائمز۔ خیبر پختونخوا (کے پی) کے گورنر فیصل کریم کنڈی نے وزیراعظم شہباز شریف کو پشاور آنے کی دعوت دیتے ہوئے کہا ہے کہ وزیراعظم ہمیں بتا دیں کہ کیا کے پی کو پی ٹی آئی کو ٹھیکے پر دیا ہے۔ گورنر فیصل کریم کنڈی نے حیات آباد میں روٹس انٹرنیشنل ایجوکیشن کے زیرِ اہتمام زمرد کیمپس کی افتتاحی تقریب سے خطاب میں کہا کہ کیا وزیراعظم پشاور میں کسی حادثے کا انتظار کررہے ہیں اور پھر آئیں گے۔ انہوں نے کہا کہ مائنز اینڈ منرلز بل پر وزیر اعلیٰ علی امین گنڈاپور کو تمام جماعتوں کے ساتھ بیٹھنا چاہیے، اعظم سواتی نے قرآن پاک پر ہاتھ رکھ کر کہا اسٹیبلشمنٹ سے بات چیت کا انہیں کہا گیا۔ ان کا کہنا تھا کہ اس صوبے میں کرپشن ہو رہی ہے، پی ٹی آئی کے لوگ ایک دوسرے پر کرپشن کا الزام لگا رہے ہیں، ہمارے صوبے کے پیسوں کے ساتھ ناانصافی ہورہی ہے، جب میں گورنر نہیں تھا تب بھی کہتا تھا کہ اس صوبے میں کرپشن کی جا رہی ہے، یہاں نوکریاں بیچی جا رہی ہیں۔
گورنر نے کہا کہ وزیر اعلیٰ علی امین گنڈاپور نے صوبے کے ٹیکس کے پیسے جلسے جلوسوں میں اڑا دیے ہیں، پی ٹی آئی وزرا ایک دوسرے پر الزام لگا رہے ہیں اور نیب خاموش ہے۔ ان کا کہنا تھا کہ اسلام اباد میں جب بھی وزیر اعلیٰ کےوکوئی ٹاسک ملتا ہے تو وہ اچھے بچوں کی طرح اسے پورا کر لیتا ہے، وزیراعلیٰ یا نوکری کریں گے یا بل پاس کریں گے، اس صوبے کے پیسے عیاشیوں میں اڑائے جارہے ہیں۔ فیصل کریم کنڈی نے کہا کہ اس صوبے میں امن و امان کی صورت حال خراب ہے، علی امین گنڈا پور خود کہہ رہے ہیں کہ ان کے سابق وزرا چور ہیں، یہ اپنے آپ پر الزامات لگا رہے ہیں لیکن نیب اور ایف ائی اے خاموش ہیں، سابق وزیر خزانہ کہہ رہے ہیں کہ وزیر اعلیٰ نے سارے پیسے جلسے جلوسوں پر لگائے ہیں۔
کراچی: کورنگی کریک میں ماہرین نے دوبارہ آگ لگا دی