پنجاب وائلڈ لائف مینجمنٹ بورڈ کی تشکیل نو کر دی گئی، مریم نواز چیئرمین مقرر
اشاعت کی تاریخ: 14th, January 2025 GMT
لاہور:
پنجاب وائلڈ لائف مینجمنٹ بورڈ کی تشکیل نو کر دی گئی، وزیراعلیٰ پنجاب کی سربراہی میں بورڈ عہدیداروں اور ممبران کا اعلان کر دیا گیا۔
وزیراعلیٰ پنجاب مریم نواز شریف بورڈ کی چیئرمین، سینیئر وزیر مریم اورنگزیب بورڈ کی وائس چیئرمین جبکہ سیکرٹری جنگلات، جنگلی حیات و فشریز بورڈ کے سیکرٹری ہوں گے۔
پنجاب وائلڈ لائف مینجمنٹ بورڈ 19 افراد پر مشتمل ہے جس میں 8 افراد آفیشل جبکہ 11 نان آفیشنل ہیں۔
ایکسپریس نیوز کو موصول ہونے والے نوٹیفکیشن کے مطابق سیکرٹری فنانس، سیکرٹری ماحولیات، ڈی جی وائلڈ لائف، ڈی جی وائلڈ لائف و فشریز ساؤتھ پنجاب اور وائس چانسلر یونیورسٹی آف ویٹرنری اینڈ انیمل سائنسز لاہور بلحاظ عہدہ بورڈ ممبر ہوں گے۔
غیر سرکاری ممبران میں آئی یوسی این کی فوزیہ ملک، ڈبلیو ڈبلیو ایف کی عظمیٰ خان، ہوباڑہ فاؤنڈیشن کے سربراہ بریگیڈئیر (ر) مختار احمد، انٹرپرنیور وکنزرویشنسٹ بدر منیر، لیکچرر و سرجن یوواس ضیااللہ مغل، چیئرمین پاکستان وائلد لائف فاؤنڈیشن وسیم احمد خان، کنزرویشنسٹ سید رضوان محبوب، وائلڈ لائف فوٹوگرافر عبداللہ خان، پروفیشنل ڈویلپمنٹ اسپیشلسٹ قاسم علی شاہ، اینکرپرسن افتخار احمد اور سہیل وڑائچ شامل ہیں۔
پنجاب وائلڈ لائف مینجمنٹ بورڈ صوبے میں جنگلی حیات کی کنزرویشن، پروٹیکشن اور انتظامی امور بارے فیصلہ جات کی منظوری دے گا۔
.ذریعہ: Express News
کلیدی لفظ: پنجاب وائلڈ لائف مینجمنٹ بورڈ بورڈ کی
پڑھیں:
یورپی یونین کیساتھ دوستی کو قدر کی نگاہ سے دیکھتے ہیں،وزیراعلیٰ پنجاب مریم نواز
یورپی یونین کیساتھ دوستی کو قدر کی نگاہ سے دیکھتے ہیں،وزیراعلیٰ پنجاب مریم نواز WhatsAppFacebookTwitter 0 19 April, 2025 سب نیوز
لاہور(آئی پی ایس )وزیراعلی پنجاب مریم نواز نے کہا ہے کہ پاکستان یورپی یونین کیساتھ قابل اعتماد دوستی کو قدر کی نگاہ سے دیکھتا ہے۔ مریم نواز سے یورپی یونین کے پارلیمانی وفد برائے جنوبی ایشیا کی ملاقات ہوئی، وزیراعلی پنجاب نے وفد کا پرتپاک خیرمقدم کیا۔
ملاقات کے دوران باہمی دلچسپی کے امور، دوطرفہ تعلقات، تجارت، تعلیم اور سرمایہ کاری پر تبادلہ خیال کیا گیا، تعلیم، آئی ٹی، گرین انرجی اور صحت کے شعبوں میں سرمایہ کاری کی پیشکش، تجارت، امن، ترقی اور مشترکہ اہداف کے لئے تعلقات کو مزید مضبوط بنانے پر بھی اتفاق ہوا۔ اس موقع پر گفتگو کرتے ہوئے وزیراعلی پنجاب مریم نواز شریف کا کہنا تھا کہ پاکستان یورپی یونین کے ساتھ قابل اعتماد دوستی کو قدر کی نگاہ سے دیکھتا ہے، یورپی یونین پاکستان کا شراکت دار ہی نہیں بلکہ دنیا میں استحکام کی آواز بھی ہے، جی ایس پی پلس ملنے سے پاکستان کی برآمدات، بالخصوص ٹیکسٹائل کے شعبے میں بہت بہتری آئی ہے، انسانی حقوق اور لیبر ریفارمز سمیت تمام تقاضے پورے کرنے کے لئے اقدامات کر رہے ہیں۔
وزیراعلی پنجاب نے کہا ہے کہ پنجاب پاکستان کی معیشت کا دل ہے، سرمایہ کاری کے لئے سازگار ماحول مہیا کر رہے ہیں، زراعت، توانائی، ڈیجیٹل انفرااسٹرکچر اور ماحولیاتی منصوبوں میں یورپی یونین کے ساتھ تعاون بڑھانا چاہتے ہیں، پاکستان کے نوجوان باصلاحیت اور متحرک ہیں، عالمی جاب مارکیٹ سے منسلک کرنے کے لئے ٹریننگ کورسز کرا رہے ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج