بالی ووڈ کا وہ اداکار جو سالوں سے فٹنس کیلئے صرف اُبلا ہوا کھانا کھا رہا ہے
اشاعت کی تاریخ: 14th, January 2025 GMT
بھارتی اداکار گُرمیت چوہدری نے انکشاف کیا ہے کہ وہ ایک سال سے زائد عرصے سے سخت ڈائٹ پر عمل کر رہے ہیں اور صرف اُبلا ہوا کھانا کھا رہے ہیں جس کا کوئی ذائقہ نہیں۔
لافٹر کوئین بھارتی سنگھ اور ان کے شوہر ہرش لمباچیا کے یوٹیوب چینل پر بات کرتے ہوئے گُرمیت نے اپنے سخت ڈائٹ پلان کے بارے میں مداحوں کو تفصیلات بتائیں۔
انہوں نے بتایا کہ وہ چینی، روٹی، چاول اور بریڈ جیسے کھانوں کو ترک کر چکے ہیں۔ انہوں نے کہا کہ بطور فوڈی، یہ بہت مشکل ہے، لیکن کردار کے مطابق خود کو تیار کرنا ضروری ہوتا ہے۔
انہوں نے مزید کہا کہ وہ صرف صرف اُبلے ہوئے کھانے کھاتے ہیں جیسے اُبلی ہوئی مچھلی، مرغی اور سبزیاں جو شروع میں بے ذائقہ لگے، لیکن وقت کے ساتھ وہی کھانے اچھے لگنے لگے۔
View this post on InstagramA post shared by Gurmeet Choudhary (@guruchoudhary)
اس حوالے سے ماہرینِ غذا نے بتایا کہ اُبلے ہوئے کھانے کا مسلسل استعمال مثبت اور منفی دونوں قسم کے اثرات رکھتا ہے۔ ویینا وی، چیف کلینیکل ڈائٹیشن کے مطابق یہ طریقہ جسم سے چکنائی کم کرتا ہے، ہاضمے کو بہتر بناتا اور وزن کم کرنے میں مدد دیتا ہے، لیکن اس سے پانی میں گھلنے والے وٹامنز، جیسے وٹامن بی اور سی، ضائع ہو سکتے ہیں۔
ڈائٹ کی منصوبہ بندی اور مختلف ابلے ہوئے کھانے شامل کرنا ضروری ہے تاکہ غذائیت کی کمی نہ ہو۔ دوسری جانب بغیر اُبلی ہوئی کچی سبزیاں زیادہ فائدہ مند ہیں کیونکہ وہ تمام مائیکرو نیوٹرینٹس اور فائبر برقرار رکھتی ہیں جو اُبالنے سے ضائع ہوجاتے ہیں۔
.ذریعہ: Express News
پڑھیں:
کاروباری افراد کے جان و مال کا تحفظ ریاست کا فرض ہے،طلال چوہدری
فیصل آباد (اُردو پوائنٹ اخبارتازہ ترین - این این آئی۔ 19 اپریل2025ء)وزیر مملکت داخلہ طلال چوہدری نے کہا ہے کہ کاروباری افراد کے جان و مال کا تحفظ ریاست کا فرض ہے۔ میڈیا سے گفتگو کرتے ہوئے انہوں نے کہا کہ ملک بھر میں غیرملکی فوڈ چین پر 20 کے قریب حملے کے واقعات ہوئے۔(جاری ہے)
طلال چوہدری نے کہا کہ پنجاب میں فوڈ چین پر حملوں پر 12 ایف آئی آردرج ہوئیں اور 142 افراد گرفتار ہوئے، اسلام آباد میں 2 واقعات ہوئے، 15 افراد گرفتار ہوئے۔
مسلم لیگ ن کے رہنما نے کہا کہ حملہ آوروں کو جب گرفتار کیا گیا تو وہ معافی تلافی کرنے لگے، حملہ آوروں سے سختی سے نمٹا جائے گا۔انہوںنے کہاکہ گزشتہ روز سے پورے پاکستان میں کوئی واقعہ نہیں ہوا، پاکستان کی تمام سیاسی جماعتوں نے خود کو ان واقعات سے علیحدہ کیا۔انہوں نے کہا کہ گرفتار افراد اپنے کیے عمل پر شرمندہ ہیں۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟