یو این چیف اظہار یکجہتی کے لیے عنقریب لبنان کا دورہ کرینگے
اشاعت کی تاریخ: 14th, January 2025 GMT
اسلام آباد (اُردو پوائنٹ ۔ UN اردو۔ 14 جنوری 2025ء) اقوام متحدہ کے سیکرٹری جنرل انتونیو گوتیرش رواں ہفتے کے آخر میں لبنان جائیں گے۔ اس دورے کا مقصد ملک اور اس کے لوگوں سے یکجہتی کا اظہار کرنا ہے۔
اقوام متحدہ کے ترجمان سٹیفن ڈوجیرک کے مطابق، سیکرٹری جنرل اس دورے میں لبنان کے سیاسی رہنماؤں سے ملاقاتیں کریں گے۔ متوقع طور پر وہ ملک کے جنوبی علاقے میں بھی جائیں گے جہاں وہ اسرائیل کے ساتھ عبوری سرحد پر تعینات اقوام متحدہ کی امن فورس (یونیفیل) کے اہلکاروں سے ملاقات کر کے ان کے کام کا شکریہ ادا کریں گے جو نہایت مشکل حالات میں اپنی ذمہ داریاں نبھا رہے ہیں۔
نومنتخب صدر کو مبارک بادترجمان نے بتایا ہے کہ سیکرٹری جنرل نے ہفتے کو ٹیلی فون پر لبنان کے نومنتخب صدر جوزف عون سے رابطہ کیا اور عہدہ سنبھالنے پر انہیں مبارک باد پیش کی۔
(جاری ہے)
انہوں نے ملک کے نئے وزیراعظم نواف سلام کی تعیناتی کی اطلاعات کا خیرمقدم بھی کیا ہے۔
یہ گزشتہ چند روز کے دوران لبنان میں سیاسی حوالے سے ہونے والی مثبت پیش رفت ہے کہ طویل تاخیر کے بعد بالآخر ملک کے صدر کا انتخاب عمل میں آ چکا ہے اور اب نئی حکومت تشکیل پا رہی ہے۔
نواف سلام عالمی عدالت انصاف (آئی سی جے) کے صدر ہیں جو اقوام متحدہ کا اعلیٰ ترین عدالتی ادارہ ہے۔ وہ 2018 سے عدالت میں اپنے فرائض انجام دے رہے تھے اور گزشتہ سال فروری میں اس کے صدر مقرر ہوئے۔ قبل ازیں وہ 2007 س 2017 تک اقوام متحدہ میں لبنان کے مستقل نمائندے کی حیثیت سے کام کر چکے ہیں۔
لبنان کے لیے اقوام متحدہ کی خصوصی رابطہ کار جینائن ہینز پلاشرٹ نے سلامتی کونسل کو بند کمرے میں بریفنگ دیتے ہوئے ان واقعات کو مثبت پیش رفت قرار دیا ہے۔ اقوام متحدہ میں قیام امن کے شعبے کے سربراہ ژاں پیئر لاکوا کے ساتھ ان کی یہ بریفنگ فرانس کی تجویز پر ہونے والی مشاورت کا حصہ تھی جس کا انعقاد سلامتی کونسل کے موجودہ صدر الجزائر نے کیا۔
خصوصی رابطہ کار نے لبنان کے نئے صدر کے انتخاب کا خیرمقدم کرتے ہوئے امید ظاہر کی کہ یہ لبنان میں اداروں کے استحکام اور اہم اصلاحات کے نفاذ کا آغاز ہے جس کی ملک کو اشد ضرورت تھی۔
انہوں نے سلامتی کونسل کو یہ بھی بتایا کہ 27 نومبر کو جنگ بندی عمل میں آنے کے بعد تشدد میں بہت بڑے پیمانے پر کمی ہوئی ہے۔
امن کی جانب پیش رفتلبنان اور اسرائیل کی حکومتوں کے مابین جنگ بندی کا معاہدہ حزب اللہ کے جنگجوؤں اور اسرائیلی فوج کے مابین ایک سال سے زیادہ عرصہ تک جاری رہنے والی لڑائی کے بعد ہوا۔
یہ لڑائی غزہ میں جنگ چھڑنے کے بعد شروع ہوئی تھی۔قبل ازیں فریقین 2006 میں بھی جنگ لڑ چکے ہیں جس کے بعد سلامتی کونسل نے قرارداد 1701 کی منظوری دی تھی جس میں مسلح تنازعات ختم کرنے اور دونوں ممالک کی عبوری سرحد پر قائم کردہ 'بلیو لائن' کے احترام کی بات کی گئی ہے۔ اقوام متحدہ کی امن فوج اس لائن پر گشت کرتی ہے۔
انہوں نے کونسل کے ارکان کو بتایا کہ جنوبی لبنان سے اسرائیلی فوج کی واپسی کے حوالے سے کچھ پیش رفت ہوئی ہے اور لبنان کی فوج نے علاقے میں اپنی پوزیشنیں دوبارہ سنبھالی ہیں، تاہم اس معاملے میں ابھی مزید کام ہونا باقی ہے۔
انہوں نے کہا کہ 60 روزہ جنگ بندی میں دو تہائی عرصہ گزر چکا ہے اور موجودہ وقت بہت اہم ہے۔ تمام فریقین کو چاہیے کہ وہ باقی ماندہ عرصہ میں مشترکہ اور واضح سمجھ بوجھ کے ساتھ حالات کو بہتر بنائیں۔
2006 کی جنگ کے بعد مستقل امن کے لیے ٹھوس کوششیں نہ ہونے کے باعث تشدد اور تباہی کا نیا سلسلہ شروع ہو گیا تھا۔
اس مرتبہ قرارداد 1701 پر فریقین کی جانب سے مکمل عملدرآمد کے حوالے سے بات چیت شروع کرنے کی غرض سے مذاکرات 60 روز کے بعد بھی جاری رہنا چاہئیں۔خصوصی رابطہ کار نے بتایا کہ جنوری تا مارچ کے عرصہ میں لبنان کے لوگوں کی ضروریات پوری کرنے کے لیے مزید مدد کی اپیل کی گئی ہے۔ انہوں نے امید ظاہر کی کہ حالیہ صدارتی انتخابات کے نتیجے میں لبنان کو بحالی اور تعمیرنو کے لیے وسائل کی فراہمی شروع ہو جائے گی۔
.ذریعہ: UrduPoint
کلیدی لفظ: تلاش کیجئے خصوصی رابطہ کار اقوام متحدہ کی سلامتی کونسل لبنان کے انہوں نے کے بعد کے لیے
پڑھیں:
امسال انٹرنیشنل ماؤنٹین ڈے کا تھیم کیا ہے؟
دنیا بھر میں انٹرنیشنل ماؤنٹین ڈے ہر سال 11 دسمبر کو منایا جاتا ہے، جس کا مقصد پہاڑی ماحولیاتی نظام اور وہاں بسنے والی کمیونٹیز کے مسائل سے متعلق آگاہی بڑھانا ہے۔
یہ بھی پڑھیں: موسمیاتی بحران: 2025 گلیشیئرز کے تحفظ کا سال قرار
اقوام متحدہ کی جنرل اسمبلی نے اس دن کو 2003 میں باقاعدہ تسلیم کیا، ایک سال بعد جب 2002 کو انٹرنیشنل ایئر آف ماؤنٹینز قرار دیا گیا تھا۔ پہاڑ دنیا کو پانی، معدنیات اور زرعی وسائل فراہم کرتے ہیں اور دنیا کی تقریباً 15 فیصد آبادی انہی علاقوں میں آباد ہے۔
Mountains are home to 1+ billion people, and are a key source of food & fresh water.
Yet, the climate crisis & overexploitation present serious threats to mountains.
Thursday’s #MountainDay is an opportunity to highlight the need to protect mountain ecosystems & species. pic.twitter.com/r1QCMQebrK
— United Nations (@UN) December 11, 2025
پہاڑ دنیا کی نصف سے زیادہ بائیو ڈائیورسٹی ہاٹ اسپاٹس کا گھر ہیں، اسی لیے اقوام متحدہ کے مطابق پہاڑی ماحولیاتی نظام کا تحفظ ناگزیر ہے۔ انٹرنیشنل ماؤنٹین ڈے ان چیلنجز پر روشنی ڈالتا ہے جن میں کلائمیٹ چینج، جنگلات کی کٹائی اور غیر قانونی کان کنی شامل ہیں۔
یہ تھیم اس حقیقت کی طرف اشارہ کرتا ہے کہ گلیشیئرز پہاڑی علاقوں اور ان سے باہر بسنے والی آبادیوں کے لیے پانی، خوراک اور معاشی وسائل کا بنیادی ذریعہ ہیں۔ اقوام متحدہ کے مطابق دنیا کے تقریباً 70 فیصد فریش واٹر ذخائر گلیشیئرز میں موجود ہیں۔
تیزی سے پگھلتے گلیشیئرز ایک عالمی خطرہیو این کے مطابق گلیشیئرز کے تیزی سے پگھلنے سے زمین بھر میں آب و ہوا، زرعی نظام، صاف توانائی، پانی کی دستیابی اور اربوں افراد کی زندگیوں کو شدید خطرات لاحق ہیں۔
یہ بھی پڑھیں: ملک کے بیشتر علاقوں میں گلیشیئرز پھٹنے اور تباہ کن سیلاب کی وارننگ جاری
گلیشیئرز اور پرما فراسٹ کے پگھلنے سے سیلاب، گلیشیئر لیک آؤٹ برسٹس، لینڈ سلائیڈز اور زمینی کٹاؤ میں اضافہ ہوتا ہے، جس سے ندی کنارے آباد آبادیوں اور اہم انفراسٹرکچر کو شدید خطرات لاحق ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اقوام متحدہ انٹرنیشنل ماؤنٹین ڈے پہاڑ گلیشیئرز
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر