صرف عمران ہاشمی کے ساتھ پیار کرنا چاہتی ہوں، حمائمہ ملک کی ویڈیو وائرل
اشاعت کی تاریخ: 13th, January 2025 GMT
ممبئی(شوبز ڈیسک)مقبول اداکارہ حمائمہ ملک کی پرانی ویڈیو سوشل میڈیا پر وائرل ہوگئی، جس میں اداکارہ بولی وڈ اداکار عمران ہاشمی سے آن اسکرین رومانس کرنے کی بات کرتی دکھائی دیتی ہیں۔
سوشل میڈیا پر وائرل ہونے والی مختصر ویڈیو ایک دہائی پرانی ہے، جب اداکارہ ماضی میں بولی وڈ فلموں میں کام کرنے کے لیے بھارت گئی تھیں۔
حمائمہ ملک 2014 میں بھارت گئی تھیں، جہاں انہوں نے عمران ہاشمی کے ساتھ ’راجا نٹور لال‘ فلم میں کام کیا تھا، اس پر انہیں تنقید کا نشانہ بھی بنایا گیا تھا۔
حمائمہ ملک نے بولی وڈ فلم میں قدرے بولڈ انداز اپنایا تھا اور اداکارہ کو اب تک عمران ہاشمی کے ساتھ کام کرنے پر آن لائن ٹرولنگ کا نشانہ بنایا جاتا ہے۔
حال ہی میں حمائمہ ملک کی ایک دہائی قبل بھارت کے ’دی کپل شرما شو‘ ٹی وی پروگرام میں شرکت کرنے کی مختصر ویڈیو وائرل ہوگئی، جس پر سوشل میڈیا صارفین نے دلچسپ تبصرے بھی کیے۔
مختصر ویڈیو میں حمائمہ ملک ایک سوال کے جواب میں بتاتی ہیں کہ انہوں نے آن اسکرین رومانس سے متعلق بیان عمران ہاشمی سے ملنے سے قبل دیا تھا، اس لیے اب ان کے خیالات تبدیل ہو چکے ہیں۔
مختصر ویڈیو کلپ میں حمائمہ ملک بولڈ انداز میں عمران ہاشمی کی جانب بڑھ کر کہتی ہیں کہ اب وہ صرف عمران ہاشمی کے ساتھ رومانس کرنا چاہتی ہیں۔
پاکستانی اداکارہ کے بیان پر پروگرام کے پنڈال میں موجود افراد تالیاں بجاتے ہیں جب کہ حمائمہ ملک سمیت عمران ہاشمی اور کپل شرما بھی مسکرا دیتے ہیں۔
اداکارہ کی پرانی ویڈیو وائرل ہونے پر سوشل میڈیا صارفین نے ایک بار پھر حمائمہ ملک کو آڑے ہاتھوں لیا اور ان کے لیے سخت زبان کا استعمال بھی کیا۔
View this post on InstagramA post shared by FHM PAKISTAN (@fhmpakistan)
2025 مزیدپڑھیں:کی پہلی عام تعطیل کب ؟ نئے سال کی 17 تعطیلات کا نوٹیفکیشن جاری
ذریعہ: Daily Ausaf
کلیدی لفظ: عمران ہاشمی کے ساتھ مختصر ویڈیو سوشل میڈیا حمائمہ ملک
پڑھیں:
ہالی وڈ اداکارہ انجلینا جولی کا فلسطینیوں کے ساتھ اظہار یکجہتی
غزہ:ہالی وڈ کی مشہور اداکارہ انجلینا جولی بھی غزہ میں ہونے والے اسرائیلی مظالم پر چپ نہ رہ سکیں اور مظلوم فلسطینیوں کے حق میں سوشل میڈیا میں آواز بلند کی ہے۔
انجلینا جولی نے سماجی رابطے کی ویب سائٹ پر ڈاکٹر ود آؤٹ بارڈرز کی پوسٹ کو شیئر کیا ہے، جس میں فلسطین کی سنگین صورت حال نمایاں کی گئی ہے۔
ہالی وڈ اداکارہ کی جانب سے شیئر کی گئی پوسٹ میں کہا گیا ہے کہ ‘غزہ فلسطینیوں اور جو ان کی مدد کر رہے ہیں ان کے لیے ایک بدترین قبرستان بن دیا ہے’۔
ڈاکٹرز ود آؤٹ بارڈرز نے سوشل میڈیا میں لکھا کہ اسرائیلی فورسز کی جانب سے غزہ کی پٹی میں فضائی، زمینی اور سمندری راستوں سے جارحیت دوبارہ شروع کی گئی ہے اور اس میں مزید وسعت لائی گئی، اس وقت سے لوگوں کو جبری بے دخل کرنا اور جان بوجھ کر بنیادی امداد روکی جا رہی ہے۔
بیان میں مزید کہا گیا کہ فلسطینیوں کی زندگیاں ایک دفعہ پھر منظم انداز میں تباہ کی جا رہی ہیں۔
خیال رہے کہ اسرائیل نے اکتوبر 2023 میں شروع ہونے والی غزہ جنگ میں اب تک وحشیانہ کارروائیوں میں خواتین، بچوں اور بزرگوں سمیت 51 ہزار سے زائد فلسطینیوں کو شہید کردیا ہے۔
اسرائیل اور حماس کے درمیان رواں برس کے شروع میں جنگ بندی ہوئی تھی اور معاہدے کے تحت قیدیوں کا تبادلہ ہوا تھا تاہم دوسرے مرحلے میں مذاکرات سے قبل ہی اسرائیل نے بم باری شروع کردی، اس کے علاوہ زمینی اور سمندری راستوں سے بھی بدترین حملے جاری ہیں۔
واضح رہے کہ ہالی وڈ اداکارہ انجلینا جولی اقوام متحدہ کا ادارہ برائے مہاجرین (یو این ایچ سی آر) کی خیرسگالی سفیر کے طور پر اپنی خدمات انجام دے چکی ہیں اور دنیا بھر میں بے گھر افراد اور جنگوں سے متاثرہ خواتین کے حق میں آواز بلند کرتی رہی ہیں۔
انہوں نے اقوام متحدہ کی سفیر کی حیثیت سے جنگ زدہ افغانستان کا بھی دورہ کیا تھا اور پاکستان میں سیلاب کے نتیجے میں ہونے والے بے گھر افراد کے کیمپوں کا بھی دورہ کیا تھا۔
Post Views: 3
عمران خان کو مذاکرات کے لیے راضی کیا، بات چیت سود مند ہوگی، اعظم سواتی