اپنا گھر بنانے کے خواہشمند افراد کے لیےاچھی خبر آ گئی
اشاعت کی تاریخ: 13th, January 2025 GMT
لاہور : وزیراعلیٰ پنجاب مریم نواز نے اپنا گھر بنانے کے خواہشمندوں کو بڑی خوشخبری سناتے ہوئے مفت زمین اسکیم لانے کا اعلان کردیا۔
تفصیلات کے مطابق وزیراعلیٰ پنجاب مریم نواز نے کالاشاہ کاکومیں مسکن راوی ہاؤسنگ اسکیم کی افتتاحی تقریب سے خطاب کرتے ہوئے کہا کہ آج 100مستحق لوگوں کو زہرہ ہومز میں گھر ملا ہے، پنجاب حکومت نے کم آمدن والے لوگوں کےگھر کیلئےجگہ مختص کی ہے ، منصوبےکےتحت گھر ملنےوالوں کو مبارکباد پیش کرتی ہوں۔وزیراعلیٰ پنجاب کا کہنا تھا کہ نوازشریف کی سیاست خدمت کی سیاست ہے، ڈھائی ماہ کی قلیل مدت میں 100 گھربن کر تیار ہوئے ہیں، اس ہاؤسنگ اسکیم میں کم آمدن والے لوگوں کوگھر مل رہے ہیں۔
انھوں نے بتایا کہ ہرگھر پر سولرسسٹم لگا ہوا ہے، ان گھروں کیساتھ اسکول، میدان، گارڈن ہیں، یقینی بنایا گیا ہے کہ یہ گھران لوگوں کےپاس جائے جو اپنا گھر نہیں بنا سکتے ہیں۔مریم نواز نے مزید کہا کہ یہ گھر رہتی دنیا تک آپ سےکوئی واپس نہیں لے سکتا، یہ گھر آپ کا ہے، آپ کا حق ہے، اللہ نے آپ کو دیا ہے، انشااللہ 5 سال میں 5 لاکھ خاندانوں کو اپنا گھر مل جائے گی۔
انھوں نے خوشخبری سناتے ہوئے کہا کہ جلد ایسی اسکیم لارہی ہوں جس میں مستحق اور نادار افراد کو زمین کا مفت ٹکڑا دیا جائے گا، پنجاب میں ایسے بہت سے لوگ ہیں جن کے پاس اپنا گھر، چھت اور زمین کا ٹکڑا بھی نہیں، پوری کوشش ہے نواز شریف نے جو خواب دیکھے وہ محنت سے پورا کروں، ہزاروں افراد جن کے پاس زمین نہیں انشااللہ 3 مرلے کا پلاٹ انہیں دیں گے۔
وزیراعلیٰ کا کہنا تھا کہ پنجاب بھرکے37ڈسٹرکٹ میں ہزاروں گھرزیرتعمیرہیں، پہلے5گھروں کوہماری طرف سےفرنیچرجارہاہے، آنے والے چند ماہ میں مزید ہزاروں گھر تعمیر ہوں گے اور ان شااللہ اس سال میں ہم 1لاکھ گھروں کا ہدف حاصل کریں گے۔
انھوں نے کہا کہ آج میرے دل کوبہت تسلی ہوئی ہے، یہ گھر ان لوگوں کو ملے جو اس کے مستحق اور حق دار تھے، نواز شریف نے 45 سال اس ملک کی ترقی کو دیے ہیں ، ایٹم بم، موٹروے، بجلی، معیشت کی ترقی ہو نواز شریف کا نام آتا ہے کوئی بھی منصوبہ اٹھا کر دیکھ لیں نواز شریف کی مہر ہے، یہ خواب اور وژن دونوں نواز شریف کا ہے، ہم نواز شریف کے سولجر کی طرح کام کر رہے ہیں۔
وزیراعلیٰ پنجاب کا کہنا تھا کہ پنجاب کےعوام جانتے ہیں جو اسکیم نوازشریف لانچ کرے گا وہ پوری ہوگی ، اپنا گھر اسکیم سے لاکھوں لوگ مستفید ہونگے ، لاکھوں کسانوں کو کسان کارڈملا ہے، کسانوں نے کسان کارڈ سے اربوں روپے کی خریداری کی ہے، جن کے پاس ایک سے 10جانور ہیں ان کو لائیواسٹاک کارڈ دیا ہے، ہم جو بھی اسکیم لاؤنچ کرتےہیں لاکھوں درخواستیں آتی ہیں۔
.ذریعہ: Daily Ausaf
کلیدی لفظ: نواز شریف اپنا گھر کہا کہ یہ گھر
پڑھیں:
ملائیشیا جانے کے خواہشمند افراد کیلئے اہم خبر
ویب ڈیسک: پاکستانی شہری بطور سیاح ملائیشیا جانے سے پہلے وزٹ ویزا حاصل کرنے کے پابند ہیں کیونکہ اس کے بغیر ایئرپورٹ پہنچنے کی صورت میں ملک بدر کر دیا جائے گا۔
ملائیشیا دنیا میں ایک مقبول سیاحتی مقام کے طور پر ابھرا ہے کیونکہ یہ ہلچل مچانے والے شہروں، ساحلوں، سرسبز بارشوں کے جنگلات اور تاریخی نشانات کا امتزاج پیش کرتا ہے، یہ خصوصیات جو اسے چھٹیوں کا بہترین مقام بناتی ہیں،ملائیشیا کے قوانین کے مطابق پاکستانی شہری 6ماہ کی میعاد کے ساتھ ای ویزا کے لیے درخواست دینے کے اہل ہیں۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
ملائیشیا کے وزٹ ویزا کے لیے درکار دستاویزات:
پاکستانی پاسپورٹ کے سوانحی معلومات کے صفحے کی ڈیجیٹل کاپی
درخواست گزار کی پاسپورٹ سائز تصویر
ہوٹل کی بکنگ یا رہائش کا ثبوت
واپسی کا ٹکٹ
ملائیشیا کے سفر کی مدت کے لیے فنڈز کا ثبوت
سیاحوں کے لیے ملائیشیا کے ای ویزا کی فیس 20 ملائیشین رنگٹ ہے۔ 19 اپریل 2025 تک ایک رنگٹ 62.92 روپے کے برابر ہے لہٰٗذا الیکٹرانک سنگل انٹری ویزا کی قیمت 1,258 روپے ہے،درخواست دہندگان سروس چارجز کے علاوہ ویزا پروسیسنگ فیس بھی ادا کریں گے جو کہ 105 رنگٹ ہے، درخواست دہندگان ایک درست ڈیبٹ یا کریڈٹ کارڈ کے ساتھ ای ویزا پروسیسنگ فیس ادا کر سکتے ہیں۔
سرکاری گاڑی کا استعمال، سوشل میڈیا پر وڈیو وائرل کرنیوالے ڈان ساتھی سمیت گرفتار
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں