سندھ حکومت بچوں کی صحت سے متعلق انقلابی اقدامات کر رہی ہے، بلاول بھٹو
اشاعت کی تاریخ: 13th, January 2025 GMT
کراچی: پیپلزپارٹی پیپلزپارٹی بلاول بھٹو نے کہا ہے کہ حکومت سندھ بچوں کی صحت سےمتعلق انقلابی اقدامات کررہی ہے۔
تقریب سے خطاب کرتے ہوئے بلاول بھٹو نے کہا کہ چائلڈ لائف کا سفر2010 شروع ہوا تھا، آج تک چلتا آرہا ہے، جس میں چائلڈ لائف کی پوری ٹیم، نرسز، ڈاکٹرز اور جو لوگ یہاں کام کرتے ہیں، اسی کے ساتھ وزارت صحت سمیت تمام نے مل کر سندھ کے ایک بہت بڑے مسئلے بچوں کی شرح اموات کا مقابلہ کیا ہے۔
بلاول نے کہا کہ عالمی سطح پر سندھ کی صحت سہولیات کو مانا جارہا ہے، یہ فخر کی بات ہے کہ اب عالمی سطح پر آپ کی محنت اور آپ کی کامیابی کو تسلیم کیا جا رہا ہے، آپ سب کو مبارکباد دینا چاہوں گا، سندھ حکومت نے صحت کے شعبے میں اچھا کام کیا، سندھ حکومت بچوں کی صحت سے متعلق انقلابی اقدام کررہی ہے۔
چیئرمین پیپلز پارٹی کا کہنا تھا کہ پورے پاکستان میں بچوں کی شرح اموات میں کمی آئی، پیپلزپارٹی عوام کی خدمت کا سلسلہ جاری رکھیں گی، بچوں کی شرح اموات پر سندھ حکومت کو شدید تنقید کا نشانہ بنایا گیا، سندھ میں بچوں کی شرح اموات میں کافی کمی آئی، چائلڈ لائف ایمرجنسی منصوبے کو ہر تحصیل میں پہنچایا گیا۔
انہوں نے کہا کہ عالمی سطح پر سندھ حکومت نے صحت کی سہولیات فراہم کی، سکھر اور خیرپور میں بھی چائلڈ لائف ایمرجنسی سہولت موجود ہے، سندھ سے شروع ہونے والا سفر ملک بھر کے لیے مثال ہے، صوبے پنجاب میں سندھ حکومت نے 2 ایمرجنسی روم قائم کیے، کوئٹہ اور گلگت میں بھی سندھ حکومت نے ایمرجنسی روم قائم کیے، کے پی میں بھی جلد چائلڈ لائف ایمرجنسی روم بنائیں گے۔
بلاول بھٹو نے کہا کہ شعبہ صحت میں یہ کامیابی 18ویں ترمیم کے بعد ممکن ہوئی، ہمارا این آئی سی وی ڈی نیٹ ورک ملک بھرمیں مشہور ہے، یہ کامیابی پبلک پرائیویٹ پارٹرنشپ کے بغیربھی ممکن نہیں تھی، صوبہ سندھ نےپبلک پرائیوٹ پارٹنرشپ میں سب کو پیچھے چھوڑ دیا ہے۔
انہو ںنے کہا کہ اب نہ صرف شہریوں کو مفت اور معیاری علاج فراہم کررہے ہیں، ہر تحصیل میں پہنچا رہے ہیں، سندھ کی 106 تحصیلوں میں ٹیلی میڈیسن کی سہولت فراہم کر دی گئی ہے، سندھ میں بچوں کی شرح اموات میں باقاعدہ بہتری آئی ہے۔
تقریب سے خطاب کرتے ہوئے وزیراعلیٰ سندھ مراد علی شاہ کا کہنا تھا کہ پیشرفت پبلک پرائیویٹ پارٹنرشپ کی کامیابی کا ثبوت ہے، بچوں کے لیے صحت سہولیات کی 24 گھنٹے دستیابی یقینی بنائیں گے، یہ ہماراصرف ہدف ہی نہیں، سندھ کے مستقبل کے ساتھ وعدہ ہے۔
ذریعہ: Daily Mumtaz
کلیدی لفظ: سندھ حکومت نے بلاول بھٹو نے کہا کہ کی صحت
پڑھیں:
فیض حمید فرعون تھا، اس کو ملی سزا مثال ہے، بلاول بھٹو کا خیرمقدم
سٹی42: سابق وزیر خارجہ اور پاکستان پیپلز پارٹی کے چئیرمین بلاول بھٹو زرداری نے کہا ہے کہ فیض حمید کو سزا ملنا ایک تاریخی فیصلہ ہے۔جیسا کام فیض حمید نے کیا ، یہ فیصلہ آئندہ کیلئے مثال ہوگا۔ فیض حمید کے خلاف مزید تحقیقات اور ٹرائل باقی ہے۔
بلاول بھٹو زرداری نے یہ باتیں چنیوٹ میں میڈیا کے نمائندوں کے ساتھ باتیں کرتے ہوئے کہیں۔ بلاول بھٹو اپنی پارٹی کی تنظیمی مصروفیات کے سلسلے میں آج چنیوٹ گئے تھے۔
باغبان پورہ کی خواتین نے بلاول سے سیاست چھڑوا دی، اسکے بعد کیا باتیں ہوئیں؟ دلچسپ رپورٹ
بلاول بھٹو نے فیض حمید کو کورٹ مارشل میں 14 سال کی بامشقت قید کی سزا سنائے جانے کا خیر مقدم کیا اور کہا کہ یہ ایک تاریخی فیصلہ ہے۔
بلاول بھٹو نے کہا، میں نے اپنی سیاسی زندگی میں اپنے وقت کے 2فرعون دیکھے، بانی پی ٹی آئی اور فیض حمید دونوں مکافات عمل بھگت رہے ہیں۔جیسا کام فیض حمید نے کیا ، یہ فیصلہ آئندہ کیلئے مثال ہوگا۔ بانی پی ٹی آئی نے سیاست میں غلط روایات ڈالیں ۔
انہوں نے مزید کہا، بانی پی ٹی آئی نے غلط اور انتشار کی سیاست کو پروان چڑھایا، آج بانی پی ٹی آئی خود جیل میں ہیں؛ یہ مکافات عمل ہے ۔
وزیراعظم کی خصوصی ہدایت پر فلسطینیوں کیلئے 100 ٹن امدادی سامان روانہ
بلاول بھٹو نے کہا، " آج کے فیصلے سے واضع پیغام ہے کہ فیض حمید غیر قانونی کام کررہے تھے ."
انہوں نے یاد دلایا کہ بانی کی حکومت کے دور میں فریال تالپور اور مریم نواز کو ٹارگٹ کیا گیا تھا۔
سوالات کے جواب میں پیپلز پارٹی کے چئیرمین نے کہا، 27 ویں ترمیم کے نتیجہ میں آئینی عدالت کے قیام کو ہم بڑی کامیابی سمجھتے ہیں۔
میثاق جمہوریت میں آئینی عدالت کے قیام کا ذکر ہے۔ ہم نے آئینی عدالت بنا دی ہے۔ یہ ہمارے نظریے اور منشور کی جیت ہے۔ آئینی عدالت کا قیام پیپلزپارٹی کی بڑی کامیابی ہے۔
ایک سیاسی جماعت سیاسی دجال کا کام کر رہی ہے; بلاول بھٹو زرداری
بلاول بھٹو زرداری نے مزید کہا، ہم نے اٹھارویں ترمیم میں جو صوبوں کو تحفظ دیا تھا وہ 27 ویں محفوظ رکھا ،
بلاول بھٹو نے سوالات کے جواب میں کہا، وفاقی حکومت کو درپیش مالی مشکلات کا سب کو اندازہ ہے۔ وفاقی حکومت کی معاشی مشکلات کے ذمہ دار اسلام آباد میں ہی ہیں، ہم سب کو مل کر وفاق کی مشکلات کا حل تلاش کرنا چاہئے۔ ہم وفاق کی مالی مشکلات کے حل کیلئے اپنی تجاویز دیں گے۔
جعلی ڈگریوں کا ملک گیر نیٹ ورک بے نقاب، 10 لاکھ سے زائد افراد کو جعلی ڈگریاں دینے کا انکشاف
بلاول بھٹو نے سوالات کے جواب میں کہا، معاشی مشکلات میں کمی کے دعوؤں میں کچھ حقیقت ہے۔ شہباز شریف اور انکی ٹیم نے واقعی معاشی مشکلات سے نکالا ہے۔ بلاول بھٹو نے کہا، بیرونی سرمایہ کاری کے ساتھ برآمدات میں اضافہ ناگزیر ہے۔ ایک سوال کے جواب میں انہوں نے کہا، ایف بی آر کی کمزوریاں اور غلطیاں کسی علاقہ کے عوام کیوں برداشت کریں۔
بلاول بھٹو زرداری نے یہ بھی کہا، عوام معاشی مشکلات کا شکار ضرور ہیں ، حکومت کا موقف کہ عوام کو معاشی مشکلات سے ریلیف دلایا، اس میں بھی حقیقت ضرور ہے۔ شہباز شریف اور انکی ٹیم نے ہمیں معاشی مشکلات سے نکالا ۔
جاپان؛ ایک بار پھر زلزلے کے شدید جھٹکے
بلاول بھٹو زرداری نے ایک سوال کے جواب میں کہا۔ فارن ڈائریکٹ انویسٹمنٹ ضروری ہے مگر اس سے زیادہ ایکسپورٹ پر توجہ دینا چاہیے ۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر