سعودی عرب کے مختلف علاقوں میں موسلادھار بارش، سردی میں اضافہ
اشاعت کی تاریخ: 13th, January 2025 GMT
ریاض : سعودی دارالحکومت ریاض سمیت مختلف علاقوں میں موسلادھار بارشوں کے بعد سردی میں مزید شدت آ گئی ہے۔ بارش کی وجہ سے نہ صرف شہری علاقے بلکہ صحرائی وادیاں بھی سیراب ہو گئی ہیں، جس سے قدرتی مناظر اور ماحول میں خوشگوار تبدیلی آئی ہے۔
مقامی محکمہ موسمیات نے پیش گوئی کی ہے کہ آئندہ دو روز تک موسم غیر یقینی رہ سکتا ہے اور مزید بارشوں کا امکان ہے۔ ریاض میں دوپہر کے وقت درجہ حرارت 17 ڈگری سینٹی گریڈ ریکارڈ کیا گیا، جس سے سردی کا احساس مزید بڑھ گیا ہے۔ محکمہ پولیس نے عوام سے اپیل کی ہے کہ وہ بارش کے دوران غیر ضروری سفر سے اجتناب کریں تاکہ کسی بھی ناخوشگوار صورتحال سے بچا جا سکے۔
.ذریعہ: Nai Baat
پڑھیں:
کراچی، مختلف علاقوں میں فائرنگ کے 8 واقعات، دو بچوں سمیت 9 افراد زخمی
کراچی:کراچی: شہرِ قائد ایک بار پھر فائرنگ کے پے در پے واقعات سے لرز اٹھا۔ مختلف علاقوں میں پیش آنے والے آٹھ علیحدہ علیحدہ فائرنگ کے واقعات میں دو بچوں سمیت کم از کم 9 افراد زخمی ہو گئے۔
پولیس اور ریسکیو ذرائع کے مطابق زخمیوں کو مختلف اسپتالوں میں منتقل کر دیا گیا ہے جبکہ واقعات کی نوعیت مختلف بتائی جا رہی ہے۔
ناظم آباد مجاہد کالونی میں شادی کی تقریب کے دوران کی جانے والی فائرنگ سے 13 سالہ سمیع اللہ اور 14 سالہ علی عباس زخمی ہو گئے، بنارس فرنٹیئر کالونی میں نامعلوم افراد کی فائرنگ سے اختر حسین زخمی ہوا۔
مزید پڑھیں: کراچی فائرنگ کے مختلف واقعات میں خاتون سمیت 2 افراد زخمی
اورنگی ٹاؤن خیرآباد میں ڈکیتی مزاحمت کے دوران فائرنگ سے کاشف نامی شہری زخمی ہو گیا، سرجانی یوسف گوٹھ میں نامعلوم سمت سے آنے والی گولی لگنے سے عبدالرحیم زخمی ہوا۔
بلدیہ مواچھ گوٹھ میں جھگڑے کے دوران فائرنگ سے علی رضا زخمی ہوا، اورنگی ٹاؤن بلوچ گوٹھ کے قریب فائرنگ سے نیاز نامی شہری زخمی ہوا، نارتھ ناظم آباد بلاک ایچ میں فائرنگ سے بروچہ نامی شخص زخمی ہوا، جبکہ گولیمار پیتل گلی میں جھگڑے کے دوران فائرنگ سے فہد نامی نوجوان کو گولی لگی۔
پولیس حکام کے مطابق تمام واقعات کی نوعیت مختلف ہے۔
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا