190 ملین پاؤنڈ کیس کا فیصلہ آج
اشاعت کی تاریخ: 13th, January 2025 GMT
اسلام آباد (نمائندہ نوائے وقت) سنٹرل جیل اڈیالہ راولپنڈی میں قائم احتساب عدالت اسلام آباد میں 190 ملین پائونڈ ریفرنس کا فیصلہ آج بروز پیر سنائے جانے کا امکان ہے۔ کیس کا فیصلہ بجا طور پر مستقبل کی سیاست کا فیصلہ کرے گا۔ احتساب عدالت کے جج ناصر جاوید رانا فیصلہ سنائیں گے۔ کیس کا ٹرائل مکمل ہونے کے بعد فیصلہ محفوظ کیا گیا تھا۔ جبکہ آخری سماعت میں جج کی عدم دستیابی کے باعث کیس کا فیصلہ 13 جنوری تک موخر کر دیا گیا تھا۔ کیس میں ملزمان سابق وزیراعظم بانی پی ٹی آئی عمران خان اور ان کی اہلیہ بشری بی بی کے خلاف الزامات ہونے پر نیب نے ریفرنس دائر کیا تھا۔ ذرائع کے مطابق 190 ملین پائونڈ کیس کی سماعت آج اڈیالہ جیل میں ہوگی۔ احتساب عدالت کے جج ناصر جاوید رانا کیس کی سماعت کریں گے۔ گزشتہ سماعت پر عدالت نے چھٹیوں اور کورس کے باعث سماعت ملتوی کرتے ہوئے کہا تھا کہ کیس کا فیصلہ 6 جنوری کو سنایا جائے گا۔ الزام ہے کہ ملزم عمران خان اور ان کی اہلیہ نے پی ٹی آئی کے دور حکومت میں برطانیہ کی نیشنل کرائم ایجنسی (این سی اے) کی جانب سے حکومت پاکستان کو بھیجے گئے 50 ارب روپے کو قانونی حیثیت دینے کے عوض بحریہ ٹائون لمیٹڈ سے اربوں روپے اور سینکڑوں کنال مالیت کی اراضی حاصل کی۔ عمران خان پر یہ بھی الزام ہے کہ انہوں نے اس حوالے سے طے پانے والے معاہدے سے متعلق مبینہ طور حقائق چھپا کر کابینہ کو گمراہ کیا۔ رقم 140 ملین پائونڈ تصفیہ کے معاہدے کے تحت موصول ہوئی تھی اور اسے قومی خزانے میں جمع کیا جانا تھا لیکن اسے بحریہ ٹائون کراچی کے 450 ارب روپے کے واجبات کی وصولی میں ایڈجسٹ کر دیا گیا تھا۔
کراچی+ اسلام آباد (کامرس رپورٹر+نوائے وقت رپورٹ) سینیٹر فیصل واوڈا نے کہا ہے کہ 190 ملین پاؤنڈ کیس میں عمران خان کو جیل کی سزا ہوگی۔ کراچی پریس کلب میں پریس کانفرنس کرتے ہوئے انہوں نے کہا کہ ڈھائی سال سے بتا رہا ہوں خان صاحب کی پارٹی میں ان کے رشتے دار جیل میں قتل کی سازش کررہے ہیں۔ خان صاحب کی جان کو ان کے لوگوں سے خطرہ ہے، مقبول ہونے کا مطلب نہیں کہ خود کو آسمانی مخلوق سمجھیں۔ انہوں نے کہا کہ آپ نے دھرنے، احتجاج نو مئی کو ریاست اور ریاستی اداروں کو پامال کیا۔ ہماری پولیس، ایف سی نے خون کی قربانی دی۔ پاکستان خطے میں نمایاں ہونے جارہا ہے۔ انہوں نے کہا کہ ہمارے جوانوں کی قربانی کا رنگ ہمارے پرچم میں نمایاں ہونے والا ہے۔ ہمیں ایک سپہ سالار ملے جن پر بین الاقوامی سطح پر دنیا اعتماد کرتی ہے۔ بیک ڈور ڈپلومیسی کے تحت آنے والے دنوں میں پاکستان خطے میں نمایاں کردار ادا کرے گا۔ 20 جنوری پر آنکھیں رکھنے والوں کو ناکامی کا سامنا ہوگا۔ فوج کی قربانی قوم کو نظر آئے گی۔ حکومت کی تبدیلی کی افواہیں؟، جس پر تحریک انصاف تکیہ کررہی تھی اس کا فائدہ تحریک انصاف کو نہیں پاکستان کو ملے گا۔ مذاکرات کا سب سے بڑا حامی ہوں۔ مجھے عمران خان کی جیت یا ہار سے کوئی فرق نہیں پڑتا، ان کی ہار سے مجھے پرابلم ہوسکتی ہے کہ ایک اچھا آدمی کس جگہ پر آگیا۔ سینیٹر فیصل واوڈا نے کہا کہ حکومت اور تحریک انصاف چھپن چھپائی کھیل رہے ہیں۔ مجھے سیاسی اور معاشی استحکام نظر آرہا ہے۔ انہوں نے کہا کہ انٹرنیشنل ہوا عمران خان کے نہیں پاکستان کے حق میں چل رہی ہے۔ کوئی بیرونی دبائو نہیں، ابھی بہت کچھ باقی ہے، ابھی کہانی شروع ہوئی ہے۔ تحریک انصاف کے لوگ اپنے لیڈر پر ناکردہ جرائم ڈال رہے ہیں۔ بحیثیت وزیر کہا تھا کہ سندھ کے پانی کا حساب ٹھیک نہیں۔ کوئی پارٹی جوائن نہیں کررہا نہ عمران خان سے کچھ چاہتا ہوں۔ عمران خان کو پانی کا گلاس چاہئے تو آدھی رات کو بھی جائوں گا۔ پشاور سول سیکرٹریٹ میں پریس کانفرنس کرتے ہوئے مرکزی سیکرٹری اطلاعات پی ٹی آئی شیخ وقاص اکرم نے کہا ہے کہ القادر ٹرسٹ ایک ایجوکیشن ٹرسٹ ہے، جیسے شوکت خانم اور نمل یونیورسٹی ٹرسٹ ہیں۔ اور دنیا بھر میں فلاحی ادارے بنانے والوں کو قدر کی نگاہ سے دیکھا جاتا ہے لیکن یہاں 190 ملین کا ٹیگ لگا کر ٹرسٹی کو بدنام کرکے سزا دینے کی باتیں ہورہی ہیں۔ فیصلہ کل متوقع ہے، فیصلہ بار بار کیوں ڈیلے کیا جاتا ہے۔ انہوں نے کہا کہ ملک ریاض کے اکاؤنٹس بیرون ملک سیل کردیے گئے تھے، ڈیل کے بعد ملک ریاض کا پیسہ پاکستان لایا گیا، جس کی کابینہ نے اجازت دی اور یہ پیسہ سپریم کورٹ اور اب حکومت کے اکاؤنٹس میں آیا، نہ کہ بانی پی ٹی آئی اور بشریٰ بی بی کے اکاؤنٹ میں آیا۔ نیب کا کیس اس صورت میں بنتا ہے کہ پیسہ حکومت کا ہو یا پھر اس سے ذاتی فائدہ اٹھایا ہو، القادر ٹرسٹ ایک ایجوکیشن ٹرسٹ ہے۔ نیب ترامیم میں کابینہ کے فیصلوں کو استثنا دیا گیا ہے۔ شیخ وقاص اکرم نے کہا کہ دنیا بھر میں فلاحی کام کرنے والوں کو قدر کی نگاہ سے دیکھا جاتا ہے۔ 190 ملین کا ٹیگ لگا کر ٹرسٹی کو بدنام کرکے سزا دینے کی باتیں ہورہی ہیں، جبکہ کوئی گواہ موجود ہے اور نہ کوئی ٹھوس ثبوت ہے۔ انہوں نے کہا کہ پی ٹی آئی نے کوئی بھی فیصلہ مذاکرات سے نتھی نہیں کیا۔ 9 مئی اور 26 نومبر کے اسیران کی رہائی کے لیے کوششیں کی جارہی ہیں۔ پی ٹی آئی رہنما نے کہا کہ بلاول بھٹو کے اتحادیوں کے خلاف بیانات سے ایسا لگتا ہے انہیں کوئی نئی چیز کی ڈیمانڈ ہوئی ہے۔
ذریعہ: Nawaiwaqt
کلیدی لفظ: انہوں نے کہا کہ کیس کا فیصلہ تحریک انصاف پی ٹی ا ئی
پڑھیں:
عمران خان سے ملاقاتیں روکنا ناقابلِ برداشت ہے، حلیم عادل شیخ
ایک بیان میں پی ٹی آئی رہنما نے کہا کہ عمران خان اس ملک اور قوم کے حقوق کی جنگ لڑ رہے ہیں اور پوری قوم حقیقی آزادی چاہتی ہے، جب تک سیاسی استحکام نہیں آئے گا، معاشی بہتری ممکن نہیں، عمران خان سے ان کی بہنوں اور پارٹی قائدین کی فوری ملاقات کو یقینی بنایا جائے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے ایک وڈیو بیان میں شدید تحفظات اور خدشات کا اظہار کرتے ہوئے کہا ہے کہ عمران خان جو کہ ملک کے سابق وزیر اعظم اور پاکستان تحریک انصاف کے بانی چیئرمین ہیں، ان پر عائد ملاقات کی پابندی قابل برداشت نہیں۔ انہوں نے الزام عائد کیا کہ عدالتی احکامات کے باوجود عمران خان سے ان کے اہلِ خانہ اور پارٹی قائدین کو ملاقات کی اجازت نہیں دی جا رہی۔ انہوں نے کہا کہ عدالتی فیصلوں کا اب کوئی احترام نہیں رہا اور 26ویں آئینی ترمیم کے بعد عدلیہ بھی مخصوص احکامات کے تحت کام کرتی دکھائی دیتی ہے۔ ان کا کہنا تھا کہ جب عمران خان کی بہنیں اور پارٹی قائدین عدالتی احکامات کی روشنی میں اڈیالہ جیل جاتے ہیں تو انہیں نہ صرف گرفتار کیا جاتا ہے بلکہ دور دراز ویران علاقوں میں چھوڑ دیا جاتا ہے جس کی شدید مذمت کرتے ہیں۔
حلیم عادل شیخ نے کہا کہ ملک میں آئین و قانون کی بالادستی ختم ہوچکی ہے اور اظہارِ رائے پر بھی پابندیاں عائد کی جا چکی ہیں۔ انہوں نے حکومت پر الزام عائد کیا کہ قوم پر زبردستی کے فیصلے مسلط کیے جا رہے ہیں، جو کہ ملک کو مزید تقسیم کی طرف لے جا رہے ہیں۔ انہوں نے کہا یہ وقت قوم میں نفرتیں بڑھانے کا نہیں، محبتیں بانٹنے کا ہے۔ ان کا کہنا تھا کہ ملک میں ہر طرف انتشار ہے جبکہ دریائے سندھ پر نئے نہری منصوبوں کے خلاف سندھ کی عوام سراپا احتجاج بنی ہوئی ہے، لیکن حکومت عوام کے مسائل سے لاتعلق ہے۔ پی ٹی آئی رہنما نے مزید کہا کہ ملک میں عوام کی امنگوں کے مطابق فیصلے نہیں ہو رہے، مینڈیٹ چوری کیا گیا ہے اور جعلی اراکین کو فارم 47 کے تحت اقتدار سونپا گیا ہے، جس کے باعث پاکستان کی عالمی سطح پر بدنامی ہو رہی ہے۔
انہوں نے کہا کہ عمران خان اس ملک اور قوم کے حقوق کی جنگ لڑ رہے ہیں اور پوری قوم حقیقی آزادی چاہتی ہے۔ ان کا کہنا تھا کہ جب تک سیاسی استحکام نہیں آئے گا، معاشی بہتری ممکن نہیں۔ حلیم عادل شیخ نے حکومت پر تنقید کرتے ہوئے کہا کہ عوام کو مہنگائی میں کمی کے جھوٹے اعداد و شمار دکھائے جا رہے ہیں، جبکہ حقیقت یہ ہے کہ مہنگائی میں مسلسل اضافہ ہو رہا ہے، دنیا بھر میں پٹرولیم مصنوعات کی قیمتوں میں کمی آئی ہے لیکن پاکستان میں عوام کو کوئی ریلیف نہیں دیا جا رہا۔ حلیم عادل شیخ نے مطالبہ کیا ہے کہ عمران خان سے ان کی بہنوں اور پارٹی قائدین کی فوری ملاقات کو یقینی بنایا جائے، دریائے سندھ پر چھ نئے نہروں کے منصوبوں کو ترک کیا جائے اور ملک میں فوری طور پر سیاسی و معاشی استحکام کی راہ ہموار کی جائے تاکہ عوامی اعتماد بحال ہو سکے۔
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا