پاکستانی تجارتی وفد کا12 سال بعد دورہ بنگلہ دیش، تعلقات مزید گہرے کرنے پر اتفاق
اشاعت کی تاریخ: 12th, January 2025 GMT
فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے صدر عاطف اکرام شیخ کی سربراہی میں پاکستانی تجارتی وفد نے 12 سال کے طویل عرصے کے بعد بنگلہ دیش کا دورہ کیا۔
دورے کے دوران پاکستان اور بنگلہ دیش دونوں اطراف کے وفود نے دوطرفہ اقتصادی تعلقات کو فروغ دینے اور دونوں ممالک کے درمیان سرمایہ کاری کو فروغ دینے کی ضرورت پر زور دیا۔
اتوار کو ایف پی سی سی آئی کی جانب سے جاری ایک بیان کے مطابق پاکستانی وفد نے بنگلہ دیش کے وزیر تجارت شیخ بشیر الدین سے ملاقات کی جس میں پاکستانی نمائندوں نے دونوں ممالک کے درمیان اقتصادی تعلقات اور سرمایہ کاری کے مواقع بڑھانے کی اہمیت پر زور دیا۔
ایف پی سی سی آئی کے صدر عاطف اکرام شیخ نے اس موقع پر کہا کہ یہ دونوں ممالک کے درمیان تجارتی تعلقات کے ایک نئے دور کا آغاز ہے اور ہم ہر مشکل موڑ پر بنگلہ دیش کے ساتھ کھڑے رہیں گے۔
بیان میں یتایا گیا کہ بنگلہ دیش کے وزیر تجارت نے پاکستان کے ساتھ تجارتی تعلقات کو ترجیح دینے کے عزم کا اظہار کیا ہے۔
ایف پی سی سی آئی کے سینیئر نائب صدر ثاقب فیاض مگو نے بنگلہ دیش کی جانب سے پاکستانیوں کے لیے ویزا شرائط میں نرمی کا خیر مقدم کرتے ہوئے کہا کہ پاکستانی تاجر برادری کو طویل مدتی ویزوں کا اجرا کیا جانا چاہیے تاکہ دونوں ممالک کے درمیان تجارتی تعلقات مزید گہرے ہو سکیں۔
انہوں نے مزید کہا کہ پاکستان نے بنگلہ دیشی شہریوں کے لیے ویزا پابندیوں میں بھی نرمی کی ہے۔ بنگلہ دیش کے وزیر تجارت شیخ بشیر الدین نے اس بات پر زور دیا کہ ’ہم پاکستان کے ساتھ اقتصادی، صنعتی، کاروباری اور تجارتی مواقع تلاش کرنے کے لیے مل کر کام کرنے کے لیے تیار ہیں۔
انہوں نے اس بات کی بھی تصدیق کی کہ دونوں ممالک نے باہمی تجارت بڑھانے پر اتفاق کیا ہے اور پاکستانی کاروباری اداروں کی حوصلہ افزائی کے لیے کوششیں کی جائیں گی۔ملاقات کے دوران بنگلہ دیش میں پاکستان کے ہائی کمشنر سید احمد معروف نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشیر الدین بنگلہ دیش بنگلہ دیشی وزیر تجارت پاکستان تجارت تجارتی تعلقات تصدیق ثاقب حوصلہ افزائی سرمایہ کاری عاطف اکرم شیخ فیاض کاروبار مضبوط مگو.ذریعہ: WE News
کلیدی لفظ: بشیر الدین بنگلہ دیش بنگلہ دیشی وزیر تجارت پاکستان تجارتی تعلقات حوصلہ افزائی سرمایہ کاری عاطف اکرم شیخ کاروبار مگو دونوں ممالک کے درمیان ایف پی سی سی آئی تجارتی تعلقات کے لیے
پڑھیں:
ٹرمپ انتظامیہ چین سے تجارتی تعلقات محدود کرنے کے لیے مختلف ممالک پر دباﺅ ڈال رہی ہے.بیجنگ کا الزام
بیجنگ(اردوپوائنٹ اخبارتازہ ترین-انٹرنیشنل پریس ایجنسی۔21 اپریل ۔2025 )چین نے الزام عائد کیا ہے کہ امریکی صدر ڈونلڈ ٹرمپ کی انتظامیہ دوسرے ممالک پر دباﺅ ڈال رہی ہے کہ وہ چین کے ساتھ تجارت محدود کر دیں اور بدلے میں انہیں امریکی کسٹم ٹیرف میں چھوٹ مل جائے گی بیجنگ حکومت نے اس پالیسی کو مسترد کر دیا ہے. چین کی وزارتِ تجارت نے پیر کے روز واضح کیا کہ وہ ان تمام فریقوں کا احترام کرتی ہے جو امریکہ کے ساتھ اپنے اقتصادی و تجارتی تنازعات کو برابری کی بنیاد پر بات چیت سے حل کرنا چاہتے ہیں لیکن وہ ایسی کسی بھی ڈیل کی سخت مخالفت کرے گی جو چین کے مفادات پر ضرب لگائے.(جاری ہے)
وزارت کے ترجمان نے اپنے بیان میں کہا کہ اگر کوئی ملک ایسی ڈیل کرتا ہے جس کا مقصد چین کے ساتھ تجارتی روابط محدود کرنا ہو، تو چین اس کے خلاف موثر اور متبادل اقدامات کرے گا . ترجمان کا کہنا تھا کہ امریکہ نے اپنے تمام تجارتی شراکت داروں پر کسٹم ٹیرف کے نام پر یک طرفہ طور پر دباﺅ ڈالا ہے اور انہیں جبراایسے مذاکرات میں گھسیٹا ہے جنہیں وہ باہمی ٹیرف مذاکرات کا نام دے رہے ہیں چینی وزارت تجارت کے ترجمان نے کہا کہ چین اپنے قانونی حقوق اور مفادات کے دفاع کے لیے پرعزم اور مکمل طور پر اہل ہے اور وہ دنیا کے دیگر ممالک کے ساتھ اتحاد و تعاون کو فروغ دینے کے لیے بھی تیار ہے. چین کایہ سخت موقف”بلومبرگ“کی اس رپورٹ کے بعد سامنے آیا ہے جن میں کہا گیا تھا کہ ٹرمپ انتظامیہ ایسے ممالک پر مالی پابندیاں عائد کرنے کا سوچ رہی ہے جو امریکہ سے کسٹم ٹیرف میں رعایت کے بدلے چین کے ساتھ تجارتی روابط کم نہیں کریں گے . یاد رہے کہ امریکی تجارتی نمائندے جیمیسن گریئر نے رواں ماہ کے آغاز میں بتایا تھا کہ تقریباً 50 ممالک نے امریکہ سے رابطہ کر کے اضافی کسٹم ٹیرف پر بات چیت کی خواہش ظاہر کی ہے واضح رہے کہ ٹرمپ نے 2 اپریل کو دنیا بھر کے دسیوں ممالک پر عائد تاریخی کسٹم ٹیرف کا نفاذ روک دیا تھا البتہ چین پر عائد ٹیرف برقرار رکھا تھا جو کہ دنیا کی دوسری بڑی معیشت ہے.
امریکی شہریت رکھنے والے یرغمالی سے متعلق حماس کا اہم بیان سامنے آگیا