احد رضا میر اور سجل علی کی جوڑی کی یادیں تازہ، تعریفی بیان پر سوشل میڈیا ہلچل
اشاعت کی تاریخ: 12th, January 2025 GMT
کراچی: پاکستان کے مشہور اداکار احد رضا میر کا اپنی سابقہ اہلیہ اور اداکارہ سجل علی کے بارے میں دیا گیا تعریفی بیان سوشل میڈیا پر تیزی سے پھیل گیا ہے، جس نے مداحوں کے دلوں میں جگہ بنا لی۔
حال ہی میں ایک انٹرویو کے دوران احد رضا میر نے مختلف اداکاراؤں کے ساتھ کام کرنے کے تجربات شیئر کیے اور خاص طور پر سجل علی کی اداکاری کی تعریف کی۔ انہوں نے کہا، "سجل ایک بے پناہ باصلاحیت اداکارہ ہیں، اور ان کے ساتھ کام کرنا ہمیشہ خوشگوار تجربہ رہا۔”
احد رضا میر اور سجل علی کی جوڑی پاکستانی ڈرامہ انڈسٹری کی کامیاب جوڑیوں میں شمار کی جاتی ہے۔ دونوں نے ایک ساتھ کئی کامیاب پراجیکٹس میں کام کیا، جن میں "یقین کا سفر” اور "آنگن” جیسے مقبول ڈرامے شامل ہیں۔
اگرچہ دونوں کی شادی کچھ وقت بعد ختم ہوگئی، لیکن ان کے مداح آج بھی ان کی جوڑی کو پسند کرتے ہیں۔
احد رضا میر کے بیان پر سوشل میڈیا پر مختلف ردعمل دیکھنے کو ملے ہیں۔ بعض افراد نے ان کی سچائی اور شائستگی کی تعریف کی، جبکہ کچھ نے دونوں کی دوبارہ ملاقات کی خواہش ظاہر کی۔
.ذریعہ: Nai Baat
کلیدی لفظ: سجل علی
پڑھیں:
’بچے کو بچالیں‘، سڑک پر کھڑے گولڈن کڈ کو دیکھ کر گلوکار بلال مقصود کی سوشل میڈیا پر جذباتی پوسٹ
پاکستان کے مختلف شہروں میں اکثر شاہراہوں پر گولڈن مین یا سلور مین نظر آتے ہیں جو کمال مہارت سے خود کو ایسے مجسمے کی صورت میں ڈھال لیتے ہیں کہ دیکھنے والے کو واقعی اصل مجسمہ محسوس ہوتا ہے۔ آج کل بڑوں کے ساتھ ساتھ چھوٹے بچے بھی یہ روپے دھارے مختلف سڑکوں پر کھڑے ملتے ہیں۔
معروف پاکستانی گلوکار بلال مقصود نے ایسے ہی ایک بچے کی تصویر فوٹو اینڈ ویڈیو شیئرنگ ایپ انسٹاگرام پر شیئر کی جس کے ہاتھ، منہ پر گولڈن پینٹ کیا ہوا ہے اور محکمہ صحت کی توجہ اس جانب مبذول کراتے ہوئے لکھا کہ آپ کو خیابانِ اتحاد اور سی ویو پر ایسے بے شمار بچے نظر آئیں گے جن کے چہرے سنہری یا سلور رنگ سے رنگے ہوتے ہیں، اور یہ شدید گرمی میں سڑکوں پر پرفارم کرتے ہیں۔
View this post on Instagram
A post shared by Bilal Maqsood (@bilalxmaqsood)
گلوکار نے مزید لکھا کہ دل دہلا دینے والی بات یہ ہے کہ یہ رنگ عام طور پر ایلومینیم پاؤڈر اور دیگر زہریلے کیمیکلز سے بنے ہوتے ہیں، جو بچوں کی نازک جلد کے لیے نہایت خطرناک ہیں۔
انہوں نے لکھا کہ یہ پینٹ صحت کے لیے مضر ہیں اور ان کا مسلسل استعمال سنگین جلدی بیماریوں کا سبب بن سکتا ہے حتیٰ کہ اس سے جلد کا کینسر بھی لاحق ہو سکتا ہے۔
بلال مقصود نے پوسٹ کے آخر میں لکھا کہ کچھ نہ کچھ کرنا بہت ضروری ہے۔ ان بچوں کو تعلیم دیجیے، ان کی حفاظت کیجیے، اور اس عمل کو باقاعدہ ضابطے میں لائیے، اس سے پہلے کہ بہت دیر ہو جائے۔
گلوکار کی پوسٹ پر صارفین انہیں سراہتے ہوئے نظر آئے اور کہا کہ شکر ہے کہ کسی نے تو ان کے لیے آواز بلند کی۔ کئی صارفین کا کہنا تھا کہ وہ مختلف شہروں اور مختلف جگہوں پر روزانہ ایسے کئی بچے دیکھتے ہیں جو جسم پر پینٹ لگائے کھڑے ہوتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلال مقصود سلور مین کراچی گولڈن مین محکمہ صحت
بھارت مانے یا نہ مانے ہم کہیں گے کہ کلبوشن کو انہوں نے ہی بھیجا ہے، جسٹس محمد علی مظہر