ایرانی وزیر خارجہ سے ھانس گرینڈ برگ کی ملاقات
اشاعت کی تاریخ: 12th, January 2025 GMT
اقوام متحدہ کے نمائندے سے اپنی ایک ملاقات میں سید عباس عراقچی کا کہنا تھا کہ امریکہ و برطانیہ کے حملے یمنی سرزمین کی سالمیت کی واضح خلاف ورزی ہیں۔ نیز بین الاقوامی قوانین اور اقوام متحدہ کے منشور کی کھلی پامالی ہیں۔ اسلام ٹائمز۔ آج اقوام متحدہ کے سیکرٹری جنرل کے نمائندہ خصوصی برائے یمنی امور "ھانس گریڈ برگ" نے اسلامی جمہوریہ ایران کے وزیر خارجہ "سید عباس عراقچی" سے تہران میں ملاقات کی۔ اس ملاقات میں ھانس گرینڈ برگ نے یمن میں حالات کی بہتری کے لئے اقوام متحدہ کے کردار و کوششوں کی حمایت کرنے پر ایران کی تعریف کی۔ انہوں نے یمن اور خطے میں قیام امن کے لئے ایرانی اقدامات کو سراہا۔ اس موقع پر انہوں نے سید عباس عراقچی کو اپنے دورہ صنعاء کی تفصیلات سے بھی آگاہ کیا۔ انہوں نے یمن میں استحکام کے لئے اقوام متحدہ کی کوششوں پر روشنی ڈالی۔ آخر میں انہوں نے اسلامی جمہوریہ ایران کے ساتھ مشاورت کے تسلسل کی ضرورت اور اہمیت پر زور دیا۔
دوسری جانب سید عباس عراقچی نے یمن کے شہری ڈھانچے پر امریکہ، برطانیہ اور اسرائیل کے مسلسل حملوں کا ذکر کیا۔ اس بارے میں انہوں نے کہا کہ یہ حملے یمنی سرزمین کی سالمیت کی واضح خلاف ورزی ہیں۔ نیز بین الاقوامی قوانین اور اقوام متحدہ کے منشور کی کھلی پامالی ہیں۔ سید عباس عراقچی نے اپنی بات کی مزید وضاحت کرتے ہوئے کہا کہ در حقیقت غزہ میں اسرائیل کے ہاتھوں فلسطینیوں کی نسل کشی کی حمایت میں امریکہ و برطانیہ کے حملے قانون شکنی اور فسطائیت کا ایسا مظاہرہ ہیں جس سے علاقائی امن و استحکام کو شدید خطرہ لاحق ہوا ہوا ہے۔ انہوں نے کہا کہ امریکہ و برطانیہ کے ان اقدامات کے اثرات خطے کے تمام ممالک کو بھگتنا پڑ رہے ہیں۔
ذریعہ: Islam Times
کلیدی لفظ: سید عباس عراقچی اقوام متحدہ کے انہوں نے
پڑھیں:
متحدہ عرب امارات کے وزیر خارجہ 20 سے 21 اپریل تک پاکستان کا دورہ کرینگے
اسلام آباد:متحدہ عرب امارات کے نائب وزیراعظم اور وزیر خارجہ شیخ عبداللہ بن زید النہیان 20 سے 21 اپریل تک پاکستان کا سرکاری دورہ کریں گے۔
ترجمان دفتر خارجہ کے مطابق یہ اعلیٰ سطحی دورہ پاکستان اور متحدہ عرب امارات کے درمیان گہرے اور برادرانہ تعلقات کی عکاسی کرتا ہے۔ باہمی دلچسپی کے تمام شعبوں میں دوطرفہ تعاون کو مضبوط بنانے کے لیے دونوں ممالک کے مشترکہ عزم کا اعادہ کیا جائے گا۔
دورے کے دوران شیخ عبداللہ بن زید النہیان پاکستان کے نائب وزیراعظم اور وزیر خارجہ سے بات چیت کریں گے۔ ملاقات کے دوران دوطرفہ تعلقات کے تمام پہلوؤں کا جائزہ لیا جائے گا۔
سرکاری دورے کے دوران تجارت اور سرمایہ کاری، توانائی تعاون، علاقائی سلامتی اور عوام سے عوام کے روابط پر بات چیت کی جائے گی۔
یہ دورہ دونوں فریقین کو باہمی دلچسپی اور تشویش کی علاقائی اور عالمی پیش رفت پر تبادلہ خیال کرنے کا موقع بھی فراہم کرے گا۔
شیخ عبداللہ وزیر اعظم محمد شہباز شریف سے بھی ملاقات کریں گے۔ ملاقات خطے میں امن اور خوشحالی کے مشترکہ وژن کی توثیق کرے گی۔
شیخ عبداللہ بن زاید النہیان کا دورہ پاکستان اور متحدہ عرب امارات کے دیرینہ تعلقات کو مزید مستحکم کرے گا جبکہ مختلف شعبوں میں دوطرفہ تعلقات کو مزید گہرا کرنے میں مدد دے گا جس سے دونوں ممالک کے عوام کو فائدہ پہنچے گا۔
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا