190ملین پاؤنڈ کیس میں بانی پی ٹی آئی کو سزا ملنی ہی ملنی ہے، فیصل واوڈا
اشاعت کی تاریخ: 12th, January 2025 GMT
اقصیٰ شاہد: سینیٹر فیصل واوڈا نے کہا ہے کہ عمران خان کو انکی پارٹی اور لوگ جیل کے اندر مروانا چاہتے ہیں،190ملین پاؤنڈ کیس میں بانی پی ٹی آئی کو سزا ملنی ہی ملنی ہے،خان صاحب ٹرمپ کا انتظار چھوڑ دیں،20 جنوری سےپہلے تحریک انصاف کیلئے سرپرائز آئے گا۔
سابق وفاقی وزیر اور سینیٹر فیصل واوڈا کاکہناتھا کہ آج کی پریس کانفرنس میں پاکستانی قوم کو بتانا ضروری ہے،عمران خان کو انکی پارٹی اور لوگ جیل کے اندر مروانا چاہتے ہیں،اس ملک میں اگر لیڈر کو کچھ ہوجائے تو چالیس پچاس سال تک پارٹی سیاست چل جاتی ہے ،190ملین پاؤنڈ کیس میں بانی پی ٹی آئی کو سزا ملنی ہی ملنی ہے، پاپولر ہونے کا مطلب یہ نہیں کہ آپ آسمانی مخلوق ہیں،آپ نے ریاست کی تنصیبات کو آگ لگا دی،آپ سمجھ رہے تھے بدمعاشی کے ذریعے مسائل ہونگے ،پہلے بدمعاشی کی سیاست کر رہے تھے اب کشکول لیکر کھڑے ہوگئے ہیں،کلیئر ہوگیا کہ بیک گراؤنڈ میں کوئی مذاکرات چل رہے ہیں۔
شدید دھند کے باعث موٹرویز بند
ان کاکہناتھا کہ اس پورے خطے کے اندر پاکستان کا بہتر مستقبل ہے ،خوش قسمتی سے ہمیں ایسا سپہ سالار مل گیا ہے جس پر دنیا اعتماد کرتی ہے،بہت جلد عالمی طور پر ہوائیں پاکستان کے حق میں چلیں گی۔
فیصل واوڈا کاکہناتھا کہ میں دو سال سے بتاتا رہا ہوں کہ جیل میں عمران کو انکی پارٹی کے لوگ مروانے کی کوشش کررہے ہیں، بیرونی اور اندرونی بہت پریشر ہے، میں نے ساڑھے تین چار سال پہلے عمران خان کو منع کیا تھا، عمران خان کیخلاف پروپیگنڈا کیا جارہا ہے ،میں عمران خان کو بتایا تھا کہ آپ کیس میں نیب میں پھنس سکتے ہیں،ان کاکہناتھا کہ آپ مشہور ہوگئے تو اس کا ہرگز مطلب نہیں تھا کہ آپ قانون سے بالاتر ہیں، ہماری فوج نے ہماری پولیس نے بہت خون دیا ہے ،لیکن اب اس خون کی تعبیر ہمارے خطے میں نظر آنے جارہا ہے۔
153 اے کیو آئی کے ساتھ لاہور آلودہ شہروں کی فہرست میں گیارہویں نمبر پر
انہوں نے کہاکہ پی ٹی آئی20جنوری پر نظریں ٹکا کر بیٹھی ہوئی ہے پر انہیں مایوسی ہوگی،پی ٹی آئی کو کشکول سے بھی کوئی فائدہ نہیں ہوگا ،کل پیر سے پاکستان کیلئے اچھی خبریں آنا شروع ہونگی،ان کاکہناتھا کہ آرمی چیف کی کاوشیں ہیں اگر حکومت کریڈٹ لینا چاہے تو اُنکی مرضی،پی ٹی آئی کیلئے جو فوج بُری تھی اب اچھی ہو گئی ہے ،اقتدار کی عروج پر عمران خان کو بتادیا تھا یہ نیب کا کیس ہے آپ جیل جائیں گے ۔
موسم کے حوالے سے محکمہ موسمیات نے پیشگوئی کردی
فیصل واوڈا نے کہاکہ بیک ڈور ڈپلومیسی کی وجہ سے عالمی طور پر پاکستان ڈو مور کی جگہ اب “ہمارے لیے کیا” کی پوزیشن میں آ گیا ہے ،ان کاکہناتھا کہ پی ٹی آئی سے مذاکرات کے حق میں ہوں،جرم کی سزا ہی ہوتی ہے پھولوں کے ہار نہیں پہنائے جاتے،اب کہانی شروع ہوئی ہے ،ارشدشریف کا کیس باقی ہے ،پی ٹی آئی اور عمران خان کی آگ بڑھائی جارہی ہے ،میں ان سے کہتاہوں وہ عمران خان بچائے ،20جنوری کا ٹرمپ کارڈ ختم ہوگیا ہے،انہوں نے کہاکہ میری رفتار آپ نے دیکھی ہے ،میری منزل سینیٹ کی رکنیت نہیں،کل سے آپ میری مزید رفتار دیکھیں گے ،صحافی کے سوال ’’ایوان بالا کیسے پہنچے ؟‘‘کے جواب میں کہا کہ جیسے آپ کے پاس پہنچ گیا،ان کاکہناتھا کہ خان صاحب ٹرمپ کا انتظار چھوڑ دیں،خان صاحب ٹرمپ کارڈ کھیلنا چھوڑ دیں،20 جنوری سے پہلے تحریک انصاف کیلئے سرپرائز آئے گا۔
نوین الحق کا پی ایس ایل 10 سے دستبردار ہونے کا اعلان
.ذریعہ: City 42
کلیدی لفظ: عمران خان کو پی ٹی آئی کو فیصل واوڈا کیس میں ٹرمپ کا تھا کہ
پڑھیں:
اللہ نے عمران خان کو قبول کیا ہے، پنجاب پولیس کے اہلکار کی بانی پی ٹی آئی کے حق میں گفتگو
راولپنڈی:اڈیالہ جیل کے قریب ڈیوٹی پر تعینات پنجاب پولیس کے اہلکار نے بانی پی ٹی آئی کیلیے نیک خواہشات کا اظہار کیا ہے۔
تفصیلات کے مطابق آج بانی پی ٹی آئی سے ملاقات کا دن تھا جس کے لیے تینوں بہنیں، عظمی، علیمہ اور نورین خان اپنے کزن قاسم خان کے ہمراہ اڈیالہ جیل روانہ ہوئیں تو انہیں پولیس نے گورکھپور ناکے پر روک لیا۔
اس دوران وہاں پر تعینات پنجاب پولیس کے اہلکار نے بانی پی ٹی آئی کی بہنوں اور کزن سے گفتگو کرتے ہوئے کہا کہ ’یہ اللہ کی طرف سے امتحان ہے اور امتحان نیک لوگوں کیلیے ہوتا ہے‘۔
پولیس اہلکار کی گفتگو سُن کر بانی پی ٹی آئی کی بہن نے جواب دیا کہ ’اللہ ہمت بھی دے گا‘۔
اس پر پولیس اہلکار نے کہا کہ اللہ پاک نے عمران خان کو ہر نکتہ نظر سے قبول کیا ہے۔
اسلام آباد، مری اور کشمیر میں آج سے بارش کی پیش گوئی