احمد فراز کی 94ویں سالگرہ آج منائی جا رہی ہے
اشاعت کی تاریخ: 12th, January 2025 GMT
لاہور : پاکستان کے عظیم شاعر احمد فراز کی 94ویں سالگرہ آج منائی جا رہی ہے۔ احمد فراز 12 جنوری 1931ء کو کوہاٹ میں پیدا ہوئے اور اپنی شاعری کے ذریعے نہ صرف پاکستان بلکہ دنیا بھر میں ایک خاص مقام حاصل کیا۔ 1960ء کی دہائی میں ’’تنہا تنہا‘‘ کے نام سے ان کا پہلا شعری مجموعہ شائع ہوا، جس کے بعد ان کی شاعری نے بہت جلد عوام میں مقبولیت حاصل کی۔
احمد فراز کی شاعری میں محبت، درد، انقلاب اور سماجی مسائل پر گہرا اظہار ہوتا ہے، جس نے لوگوں کے دلوں کو چھو لیا۔ ان کے مشہور شعری مجموعوں میں ’’درد آشوب‘‘، ’’خواب گل پریشاں ہے‘‘ اور ’’میرے خواب ریزہ ریزہ‘‘ جیسے کام شامل ہیں، جنہوں نے ان کی ادبی پہچان کو مستحکم کیا۔
انہوں نے زندگی بھر ترقی پسند نظریات کی حمایت کی اور آزادی صحافت کے لیے آواز بلند کی۔ ضیاء الحق کے دور میں انہیں جلاوطنی کا سامنا بھی کرنا پڑا، لیکن ان کی شاعری میں جو جذبہ اور قوت تھی، وہ ہمیشہ زندہ رہی۔
احمد فراز کو کئی بڑے اعزازات سے نوازا گیا، جن میں ہلالِ امتیاز اور ستارہ امتیاز شامل ہیں۔ ان کی غزلیں آج بھی گلوکاروں کی آوازوں میں زندہ ہیں اور ان کا کلام ہمیشہ دلوں میں گونجتا رہتا ہے۔ احمد فراز کی شاعری ایک لازوال ورثہ بن چکی ہے، جو ہر نسل میں نئی روح پھونکتی ہے۔
.ذریعہ: Nai Baat
کلیدی لفظ: احمد فراز کی کی شاعری
پڑھیں:
سی پیک نے پاکستان کی معاشی ترقی میں اہم کردار ادا کیا ہے، قیصر احمد شیخ
اسلام آباد:چائنا میڈیا گروپ کے اشتراک سے نیشنل لائبریری آف پاکستان میں ایک اہم سیمینار بعنوان “مشترکہ خواب، مشترکہ ترقی: جدیدیت کے دس برسوں کا سفر” منعقد ہوا، جس میں پاکستان اور چین کے درمیان گزشتہ ایک دہائی پر محیط جدیدیت، ترقی، اور دوستی کے سفر کا جائزہ پیش کیا گیا۔پیر کے روزتقریب کے مہمانِ خصوصی وفاقی وزیر برائے سرمایہ کاری بورڈ، قیصر احمد شیخ تھے، جنہوں نے اپنے خطاب میں کہا کہ چینی صدر شی جن پھنگ کا دس سال قبل دورہ پاکستان، دونوں ممالک کے مابین دوستانہ تعلقات میں ایک سنگ میل کی حیثیت رکھتا ہے۔ انہوں نے اس بات پر زور دیا کہ چین – پاکستان اقتصادی راہداری نے گزشتہ دس برسوں میں پاکستان کی معاشی ترقی میں اہم کردار ادا کیا ہے، جس کے ثمرات ناصرف پاکستان بلکہ خطے کے دیگر ممالک تک بھی پہنچ رہے ہیں۔وزیر مملکت برائے قومی ورثہ و ثقافت ڈویژن، حذیفہ رحمان نے ورچوئل خطاب میں کہا کہ دس سال قبل پاکستان ایک معاشی بحران سے گزر رہا تھا، ایسے میں صدر شی جن پھنگ کا سی پیک جیسا تحفہ پاکستان کے لیے معاشی سہارا ثابت ہوا، جس سے دونوں ممالک کی دوستی کو نئی جِلا ملی۔رکن قومی اسمبلی و وفاقی پارلیمانی سیکرٹری برائے آئی ٹی و ٹیلی کمیونیکیشن صبحین غوری نے سیمینار سے خطاب میں کہا کہ پاکستان اور چین ہر موسم کے ساتھی ہیں، اور صدر شی جن پھنگ کے دورۂ پاکستان نے دوطرفہ اقتصادی تعاون کو نئی بلندیوں تک پہنچایا۔چین میں پاکستان کے سابق سفیر اور سینئر سفارت کار سردار مسعود خان نے اپنے خصوصی پیغام میں چین اور پاکستان کے مابین جاری اقتصادی و سفارتی تعاون کو سراہتے ہوئے کہا کہ صدر شی جن پھنگ کے دورہ پاکستان کے ثمرات خاص طور پر پاکستان کے انفراسٹرکچر اور توانائی بحران کے خاتمے میں نمایاں نظر آتے ہیں۔سیمینار میں تھینک ٹینکس، ماہرین تعلیم، اساتذہ، طلبہ، محققین، اور مختلف شعبہ ہائے زندگی سے تعلق رکھنے والی معروف شخصیات نے شرکت کی اور اپنے خیالات کا اظہار کیا۔ اس موقع پر حال ہی میں شائع ہونے والی کتاب “چین، آج اور کل” کے مصنف شاہد افراز خان کی کاوشوں کو بھی بھرپور انداز میں سراہا گیا، جو چین کی ترقی، پالیسیوں اور اشتراک کار پر گراں قدر تحقیق پر مبنی ہے۔میڈیا نمائندگان کی بڑی تعداد میں شرکت اس امر کا ثبوت تھی کہ پاکستان اور چین کے درمیان قائم شراکت داری اور ترقی کا یہ سفر عوامی و ادارہ جاتی سطح پر وسیع دلچسپی کا حامل ہے۔یہ سیمینار نہ صرف گزشتہ دہائی کی کامیابیوں کا اعتراف تھا بلکہ مستقبل میں چین – پاکستان تعاون کو مزید وسعت دینے کے عزم کا بھی مظہر تھا۔
Post Views: 3
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ