چین اور پاکستان کا اسٹریٹجک کوآپریٹو پارٹنرشپ کی مسلسل ترقی کو فروغ دینے کا عہد
اشاعت کی تاریخ: 12th, January 2025 GMT
چین اور پاکستان کا اسٹریٹجک کوآپریٹو پارٹنرشپ کی مسلسل ترقی کو فروغ دینے کا عہد WhatsAppFacebookTwitter 0 12 January, 2025 سب نیوز
بیجنگ : چین کے نائب وزیر خارجہ سن وے دونگ اور پاکستانی سیکریٹری خارجہ آمنہ بلوچ نے بیجنگ میں نائب وزرائے خارجہ کی سطح پر چین پاکستان سفارتی مشاورت کا چوتھا دور منعقد کیا۔
اتوار کے روز چینی میڈیا کے مطابق اسی دن انہوں نے بیجنگ میں چین پاکستان اقتصادی راہداری کے بین الاقوامی تعاون اور کوآرڈینیشن سے متعلق ورکنگ گروپ کے پانچویں اجلاس کی مشترکہ صدارت بھی کی۔
فریقین نے اس بات پر اتفاق کیا کہ چینی صدر شی جن پھنگ اور پاکستانی رہنماؤں کی اسٹریٹجک رہنمائی میں چین اور پاکستان کے تعلقات نے ایک اعلیٰ سطح کا استحکام برقرار رکھا ہے اور ایک صدی میں رونما ہونے والی تبدیلیوں کے تناظر میں فریقین کے مشترکہ مفادات کا بھرپور تحفظ اور انہیں فروغ دیا ہے۔ فریقین نے متفقہ طور پر دونوں ممالک کے رہنماؤں کے درمیان طے پانے والے اہم اتفاق رائے پر عمل درآمد، ہر سطح پر تبادلوں کو مضبوط بنانے، مختلف شعبوں میں عملی تعاون کو وسعت دینے، پاکستان میں چینی اہلکاروں، منصوبوں اور اداروں کی حفاظت کو یقینی بنانے کے لئے ہر ممکن کوشش کرنے، چین پاکستان اقتصادی راہداری کا “اپ گریڈ ورژن” تشکیل دینے، چین پاکستان ہمہ موسمی اسٹریٹجک کوآپریٹو پارٹنرشپ کی مسلسل ترقی کو فروغ دینے اور نئے دور میں قریبی چین پاک ہم نصیب معاشرے کی تعمیر کو تیز کرنے کا عہد کیا۔ فریقین نے مشترکہ تشویش کے بین الاقوامی اور علاقائی امور پر بھی تفصیلی تبادلہ خیال کیا۔
ذریعہ: Daily Sub News
کلیدی لفظ: اور پاکستان
پڑھیں:
اصلاحات اور استحکام کے بعد پاکستان امریکا کے لیے اسٹریٹجک شراکت دار کے طور پر ابھرنے لگا
پاکستان میں معاشی اصلاحات، پالیسی استحکام اور سیکیورٹی تعاون کے نتیجے میں ملک کو اعلیٰ قدر کے منصوبوں کے لیے ایک قابلِ اعتماد مرکز کے طور پر دیکھا جا رہا ہے، جس سے امریکا اور پاکستان کے درمیان طویل المدتی سرمایہ کاری، دفاع اور علاقائی سلامتی پر مبنی شراکت داری مزید مضبوط ہونے کی توقع ہے۔
پاکستان اب ایک ایسے مستحکم پالیسی ماحول میں داخل ہو چکا ہے جہاں پیچیدہ اور بلند مالیت کے منصوبے ممکن ہو رہے ہیں۔ خاص طور پر نایاب اور اہم معدنیات کے شعبے میں امریکا کی بڑھتی ہوئی دلچسپی نے پاکستان کی اسٹریٹجک اہمیت میں نمایاں اضافہ کیا ہے۔
یہ بھی پڑھیں:پاک امریکا تعلقات خطے اور عالمی امن کے لیے انتہائی اہم ہیں، رضوان سعید شیخ
امریکی پالیسی ساز، خصوصاً صدر ڈونلڈ ٹرمپ کے دور میں، اہم معدنیات کو عالمی معاہدوں کا مرکزی نکتہ بنا رہے ہیں، جس کا براہِ راست فائدہ پاکستان کو ہو سکتا ہے۔
بین الاقوامی مالیاتی فنڈ (آئی ایم ایف) کے پروگرام کے تحت کی جانے والی مالی اصلاحات کو پاکستان کی قواعد و ضوابط پر مبنی معیشت کی جانب سنجیدہ پیش رفت قرار دیا جا رہا ہے۔ ماہرین کے مطابق قوانین پر عمل درآمد اور شفاف اقتصادی فریم ورک اپنانے سے عالمی کاروباری اداروں کا اعتماد بڑھا ہے۔
سیکیورٹی معاہدوں اور دفاعی تعاون کے باعث بین الاقوامی سرمایہ کاری کو لاحق خطرات میں بھی کمی آئی ہے۔ امریکا اور پاکستان کے درمیان دفاعی شراکت داری، خصوصاً ایف-16 طیاروں کی جدید کاری، دونوں ممالک کی فضائی افواج کے درمیان ہم آہنگی کو بہتر بنا رہی ہے۔
اطلاعات کے مطابق، امریکی سرمایہ کاری سے امریکا میں تقریباً 6 ہزار جبکہ بلوچستان میں 7 ہزار 500 نئی ملازمتیں پیدا ہونے کی توقع ہے، جو دونوں ممالک کے لیے معاشی فوائد کا باعث بنے گی۔
اسی طرح امریکا کی جانب سے پاکستان کے ایکسپورٹ امپورٹ بینک کی حمایت کو روزگار کے مواقع اور سرمایہ کاری کے اعتماد میں اضافے سے جوڑا جا رہا ہے۔
علاقے میں پراکسی جنگوں اور دہشت گرد تنظیموں کی موجودگی کے تناظر میں پاکستان کو امریکا کے لیے ایک اہم اتحادی سمجھا جا رہا ہے، خاص طور پر افغانستان اور بھارت سے ملحقہ علاقوں میں اہم معدنی ذخائر کے تحفظ کے حوالے سے پاکستان کا کردار کلیدی قرار دیا جا رہا ہے۔
یہ بھی پڑھیں:واشنگٹن پوسٹ نے فیلڈ مارشل سید عاصم منیر کے دورہ کو پاک امریکا تعلقات میں نئی جہت قرار دیدیا
مبصرین کے مطابق ٹرمپ انتظامیہ کے دوران امریکا اور پاکستان کے تعلقات میں بہتری آئی ہے، جس کے نتیجے میں سفارتی، دفاعی اور معاشی تعاون کو نئی جہت ملی ہے۔ یہ شراکت داری طویل المدتی بنیادوں پر خطے میں استحکام اور سلامتی کو مضبوط بنانے میں اہم کردار ادا کر سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاک امریکا پاکستان
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر