سپیکر سردار ایاز صادق کے کلیدی کردار سے حکومت اور اپوزیشن مذاکرات کی راہ ہموار
اشاعت کی تاریخ: 12th, January 2025 GMT
اسلام آباد (نیوز ڈیسک) حکومت اور اپوزیشن کے درمیان مذاکراتی عمل میں اسپیکر قومی اسمبلی سردار ایاز صادق نے اہم کردار ادا کیا ہے۔ قومی اسمبلی سیکریٹریٹ کے ترجمان کے مطابق، اسپیکر نے سیاسی تلخیوں اور کشیدگی کو کم کرنے کے لیے متعد مواقع پر حکومت اور اپوزیشن کو تعمیری اور مثبت بات چیت کی تجویز دی ہے۔
ترجمان نے کہا کہ سردار ایاز صادق نے قومی اسمبلی کے حالیہ اجلاس میں باقاعدہ رولنگ کے ذریعے اسپیکر آفس کے دروازے تمام اراکین کے لیے کھولنے کا اعلان کیا۔ اسپیکر نے خاص طور پر اپوزیشن کو زیادہ وقت دینے کی نہ صرف بات کی بلکہ اس پر عمل بھی کیا، جس سے مذاکرات کے لیے راہ ہموار ہوئی۔
ترجمان نے کہا کہ اسپیکر سردار ایاز صادق افہام و تفہیم اور مذاکرات کے ذریعے مسائل کے حل پر یقین رکھتے ہیں اور ہمیشہ ایک دوسرے کو عزت دینے کی بات کی ہے۔ اسپیکر کی خلوص نیت اور سہولت کاری کے باعث وہ افراد جو پہلے ایک دوسرے سے ہاتھ نہیں ملا رہے تھے، آج ایک میز پر بیٹھے ہیں۔
قومی اسمبلی کے ترجمان نے مزید کہا کہ سپیکر کی کوششوں کا مقصد حکومت اور اپوزیشن کو ایک فورم پر لانا تھا تاکہ وہ مل بیٹھ کر ملک کی بہتری کے لیے کام کر سکیں۔ اسپیکر سردار ایاز صادق کی سہولت کاری کے نتیجے میں مذاکرات کی کامیابی کی امید پیدا ہوئی ہے۔
ترجمان نے کہا کہ حکومت اور اپوزیشن دونوں پر یہ ذمہ داری عائد ہوتی ہے کہ وہ اسپیکر کے فراہم کردہ فورم کا بھرپور فائدہ اٹھائیں اور ملک کے لیے بہتر فیصلے کریں۔ اسپیکر اب بھی خلوص نیت کے ساتھ مذاکراتی عمل کی کامیابی کے لیے سہولت فراہم کر رہے ہیں۔
.ذریعہ: Daily Mumtaz
کلیدی لفظ: سردار ایاز صادق قومی اسمبلی کے لیے کہا کہ
پڑھیں:
سپیکر کے پی اسمبلی کو کرپشن الزامات میں کلین چٹ دینے پر پی ٹی آئی احتساب کمیٹی میں اختلافات
پشاور:سپیکرخیبرپختونخوا اسمبلی بابرسلیم سواتی کو اسمبلی میں بھرتیوں سے متعلق بدعنوانی کے الزامات میں کلین چٹ دینے پر پی ٹی آئی کی احتساب کمیٹی میں اختلافات سامنےآگئے۔
نجی ٹی وی رپورٹ کے مطابق پی ٹی آئی کی اندرونی احتساب کمیٹی کے تینوں ارکان کا مذکورہ رپورٹ پر آپس میں عدم اتفاق ہے، مذکورہ رپورٹ کمیٹی نے نہیں بلکہ کمیٹی کے ایک رکن نے جاری کی ہے۔
ایسے معاملات میں اندرونی رپورٹس پبلک نہیں کی جاتیں بلکہ پارٹی سربراہ کو بھجوائی جاتی ہیں، مذکورہ رپورٹ کمیٹی نے پارٹی کے بانی چیئرمین عمران خان کو ارسال کرنی تھی جسے قبل ازوقت پبلک کردیا گیا۔
رکن احتساب کمیٹی نے کہا کہ مذکورہ رپورٹ پراس وقت کوئی کمنٹس نہیں دے سکتے، اس سلسلے میں بانی چیئرمین سے مشاورت کرنے کے بعد ہی بات کی جائے گی۔
کمیٹی رکن کا کہنا تھا کہ یہ کمیٹی بانی چیئرمین نے تشکیل دی، ،ہر معاملے کی رپورٹ بھی انھیں ہی پیش کی جائے گی، رپورٹ وہی ہوسکتی ہے جس پر تینوں ارکان کے دستخط ہوں ، ایک رکن کی رپورٹ ، رپورٹ نہیں ان کی ذاتی رائے ہوسکتی ہے۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟