پاکستانی نژاد منصور قریشی نے ورجینیا کے گورنر کے لیے ایشین امریکن ایڈوائزری بورڈ کے مشیر کی حیثیت سے حلف اٹھا لیا
اشاعت کی تاریخ: 12th, January 2025 GMT
پاکستانی نژاد منصور قریشی نے ورجینیا کے گورنر کے لیے ایشین امریکن ایڈوائزری بورڈ کے مشیر کی حیثیت سے حلف اٹھا لیا WhatsAppFacebookTwitter 0 12 January, 2025 سب نیوز
رچمنڈ: پاکستان کیلئے ایک اور اعزاز، پاکستانی نوجوان منصور قریشی نے اپنی ۲۰ سالہ جدوجہد کے ذریعے آمریکا کی سیاست میں بھی اپنا لوہا منوا لیا اور ان کو آمریکا کی ریاست ورجینیا کی حکومت میں اہم ذمیداری سے نواز دیا گیا ہے،
امریکا میں مقیم معروف صحافی پاکستانی نژاد، ایک قابل کاروباری شخصیت، ٹیلنٹ پارٹنر، آئی ٹی ایکسپرٹ، فلم میکر اور کمیونٹی لیڈر منصور قریشی، نے آج سرکاری طور پر ورجینیا کے گورنر کے لیے ایشین امریکن ایڈوائزری بورڈ کے ممبر/مشیر کے طور پر حلف اٹھالیا۔ حلف برداری کی تقریب، رچمنڈ کے گورنر ہائوس کے سینٹ پال چرچ کے کانفرنس ہال میں میں منعقد ہوئی، یہ اعزاز ان کی عوامی خدمت اور کمیونٹی کو بااختیار بنانے کے لیے ایک اہم سنگ میل ہے۔ اس موقع پر منصور قریشی نے گورنر گلین ینگکن اور سیکریٹری کیلی جی سے ریاست کی ترقی اور ترقی میں اپنا حصہ ڈالنے کے لئے اہم ذمیداری کیلئے اپنے انتخاب پر شکریہ ادا کیا۔ اپنے خطاب کے دوران، مسٹر قریشی نے تارکین وطن کمیونٹیز اور ریاستی حکومت کے درمیان خلیج کو ختم کرنے میں اپنے نئے کردار کی اہمیت پر زور دیا، اور کہا کہ وہ اس بات کو یقینی بنائیں گے کہ ان کی آواز سنی جائے اور ان کی ضروریات پوری ہوں۔
منصور قریشی نے مزید کہا کہ مجھے ایشین امریکن ایڈوائزری بورڈ میں خدمات انجام دینے اور ایک ایسی کمیونٹی کی نمائندگی کرنے کا اعزاز حاصل ہے جس نے ورجینیا اور ریاستہائے متحدہ کے متحرک ہونے میں بہت زیادہ تعاون کیا ہے، انہوں نے کہا یہ کردار میرے لیے صرف ایک عہدے کی مانند نہیں ہے بلکہ یہ ایشیائی امریکی کمیونٹی کی ترقی اور بااختیار بنانے اور ہمارے اجتماعی مستقبل کو مضبوط بنانے کا مشن ہے۔
تقریب کا آغاز گورنر کی سیکرٹری کیلی جی نے کیا اور انہوں نے منصور قریشی سے اپنے عہدے کا حلف لیا، اور ان کو میمبر/مشیر کی حیثیت کا سرکاری طور پہ ایک پن اور سرٹیفکیٹ پیش کیا اور مشاورتی بورڈ میں باضابطہ طور پر ان کا خیرمقدم کیا۔
مس کیلی جی نے اس موقع پہ کہا کہ منصور قریشی کی اس اہم عہدے پر تعیناتی سے ورجینیامیں مقیم پاکستان اور ایشیا کی مختلف کمیونٹیز کے مسائل کو حل کرنے اور ان کے اور حکومت کے درمیاں ایک پل کا کردار ادا کریں گے، انہوں نے آمریکی عوام اور ایشین کمیونٹیز کے درمیان اتحاد کی اہمیت کوپہ بھی زور دیا اور امید کی کہ منصور قریشی اس کو مزید مستحکم بنائیں گے۔ اس نے یہ بھی بتایا کہ وہ گورنر کی ٹیم میں منصور کو لے کر بہت پرجوش ہیں اور انہیں کمیونٹیز کی مدد کرنے کیلئے ایک شاندار کام کا آغاز کرنے کی منتظر ہیں۔ انہوں نے زور دے کر کہا کہ یہ سب سے اہم بورڈز میں سے ایک ہے۔
اس موقع پر منصور قریشی نے سکریٹری جی، جوان پابلو سیکورا اور دیگ کو پاکستان کی مہمان نوازی اور ثقافتی ورثے کے طور پر سندھی اجرک، شال اور دیگر تحائف پیش کئے.
انہوں نے بتایا کہ وہ کاروباری اور ٹیلنٹ پارٹنر کے علاوہ پروگرام کیپٹل کارنر اور “مانی کا آمریکا” کے اینکر بھی ہیں۔ انہوں نے کہا کہ تارکین وطن کمیونٹیز کو ریاستی وسائل سے جوڑنا، چیلنجز سے نمٹنے اور ان کی مختلف سطح پر مسائل کو پہنچانا اور ان کے حل کیلئے اہمُکردار ادا کرنا ان کی اولین کوشش ہوگی.
انہوں کہا کہ ورجینیا میں 7 لاکھ سے زیادہ ایشیائی امریکی رہتے ہیں اور ان میں 4 لاکھ ہندوستانی، پاکستانی اور مسلمان باشندے شامل ہیں، اور ان کی کوشش ہوگی کہ ان کمیونٹیز کی اجتماعی طاقت کو فیصلوں پر اثر انداز ہونے اور بامعنی تبدیلی لانے کے لیے استعمال کریں۔
انہوں نے آخر میں کہا کہ اس کی مستقبل میں کوشش ہوگی کہ ورجینیا کے لوگوں کو فائدہ پہنچانے کے لیے ورکشاپس، ٹاؤن ہال میٹنگز، بزنس نیٹ ورکنگ ایونٹس، اور عالمی رابطوں کو فروغ دیں۔ تقریب میں دیگر کے آمریکی حکام کے علاوہ منصور قریشی کے والد پاکستان کے سابق بیوروکریٹ عبدالرزاق قریشی، ان کی فیملی، آمریکا میں مقیم مشہور کاروباری شخصیت سید عاطف علی شاھ، سینئر صحافی، تجزیہ نگار اور اینکر اعجاز کھوکھر، کبیر کھوکھر، سید ریان شاھ اور دیگر نے بھی خصوصی طور پہ شرکت کی. آخر میں منصور قریشی اور آمریکا میں مقیم کاروباری شخصیت سید عاطف علی شاھ کی جانب سے پرتپاک ظہرانہ کا اہتمام کیا گیا۔
ذریعہ: Daily Sub News
کلیدی لفظ: ورجینیا کے کے گورنر گورنر کے کے لیے
پڑھیں:
سپہ سالار کی حالیہ تقریر نے دشمن کو مایوس کر دیا، گورنر پنجاب
سپہ سالار کی حالیہ تقریر نے دشمن کو مایوس کر دیا، گورنر پنجاب WhatsAppFacebookTwitter 0 20 April, 2025 سب نیوز
اسلام آباد:گورنر پنجاب نے کہا کہ آرمی چیف کی تقریر نے نہ صرف دشمنوں کو پیغام دیا بلکہ اوورسیز پاکستانیوں کے حوصلے بھی بلند کیے۔ انہوں نے وزیر اعظم سے مطالبہ کیا کہ وہ مشترکہ مفادات کونسل کا اجلاس بلائیں اور تمام اسٹیک ہولڈرز کو اعتماد میں لیں تاکہ قومی اتفاق رائے کو فروغ دیا جا سکے۔
اسلام آباد میں گورنر پنجاب سلیم حیدر نے اوورسیز پاکستانیوں کے ایک وفد کے اعزاز میں دیے گئے عشائیے سے خطاب کرتے ہوئے کہا کہ سپہ سالار ملکی وقار کے لیے سرگرم عمل ہیں اور ان کی حالیہ تقریر نے دشمن کو مایوس کر دیا ہے۔
سلیم حیدر نے اوورسیز کامیاب کنونشن پر تمام شرکاء کو مبارکباد دیتے ہوئے کہا کہ اس کنونشن سے دنیا بھر میں ایک مثبت پیغام گیا ہے۔ ان کا کہنا تھا کہ پاکستان اللہ تعالیٰ کے بے شمار انعامات سے مالا مال ہے اور قدرتی وسائل کی دولت رکھتا ہے۔
گورنر پنجاب نے اوورسیز پاکستانیوں کو ملک کا سرمایہ قرار دیتے ہوئے کہا کہ وہ ہمیشہ معیشت کو سہارا دیتے ہیں۔ انہوں نے باور کرایا کہ ملک کے خلاف کسی صورت کمپین نہیں چلنی چاہیے۔
سلیم حیدر نے کہا کہ وہ اوورسیز پاکستانیوں کے مسائل سے بخوبی آگاہ ہیں اور ان کے حل کے لیے ہر ممکن اقدامات کیے جائیں گے۔ انہوں نے تجویز دی کہ اوورسیز کے لیے خصوصی عدالتیں قائم کی جائیں تاکہ ان کے قانونی مسائل فوری طور پر حل ہو سکیں۔
گورنر پنجاب نے کہا کہ اوورسیز پاکستانی سوشل ویلفیئر کے میدان میں بھی ہمیشہ آگے رہے ہیں۔ انہوں نے ”ون ونڈو آپریشن“ کے قیام پر زور دیتے ہوئے کہا کہ ایسے اقدامات کیے جائیں جن سے اوورسیز پاکستانیوں کو سہولت میسر آئے۔
اختتام پر گورنر پنجاب نے کہا کہ ہم سب کو مل کر ملکی ترقی میں اپنا کردار ادا کرنا ہوگا۔ انہوں نے یہ بھی اعلان کیا کہ گورنر ہاؤس کے دروازے اوورسیز پاکستانیوں کے لیے ہمیشہ کھلے ہیں۔
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری