سمارٹ فون کو 5 سیکنڈ میں چارج کرنے والی نئی ڈیوائس تیار
اشاعت کی تاریخ: 12th, January 2025 GMT
کیلیفورنیا : اب سمارٹ فونز کو چارج کرنے میں مزید انتظار کی ضرورت نہیں ہوگی۔ ایک نئی ٹیکنالوجی کے ذریعے آپ اپنے فون کو صرف 5 سیکنڈ میں مکمل طور پر چارج کر سکیں گے۔
اس ڈیوائس کا نام "سویپ اٹ” ہے، جو لاس ویگاس میں ہونے والے کنزیومر الیکٹرونکس شو (CES) میں متعارف کرائی گئی۔ یہ ڈیوائس دیکھنے میں ٹشو باکس جیسی ہے اور اس میں آپ کو اپنا فون ڈالنا ہوتا ہے۔ جیسے ہی فون اندر جاتا ہے، صرف 2 سیکنڈ میں اس کی بیٹری کو تبدیل کر دیا جاتا ہے اور آپ کا فون مکمل طور پر چارج ہو جاتا ہے۔
اس سسٹم کو استعمال کرنے کے لیے صارفین کو ایک خاص کیس کی ضرورت ہوتی ہے جسے "لنک” کہا جاتا ہے۔ اس کیس کے پیچھے ایک بیٹری لگائی جاتی ہے، جسے اس ڈیوائس میں ڈال کر آپ کا فون مکمل چارج ہو جاتا ہے۔ اس عمل کی رفتار اتنی تیز ہوتی ہے کہ صارفین کو اس کا پتہ بھی نہیں چلتا۔
یہ ڈیوائس کسی بھی فون کے ساتھ کام کرتی ہے بشرطیکہ آپ کے پاس یہ مخصوص کیس ہو۔ اس میں پانچ بیٹریز رکھی گئی ہیں، اور ایک وقت میں پانچ افراد اسے استعمال کر سکتے ہیں۔
اس ڈیوائس کے ساتھ ایک ایپ بھی آتی ہے جس سے آپ اپنی بیٹری کی حالت دیکھ سکتے ہیں اور یہ فیصلہ کر سکتے ہیں کہ آپ کا فون کتنے فیصد تک چارج ہو۔”سویپ اٹ” کی قیمت 450 ڈالرز ہے، جبکہ اس کے ساتھ کیس 120 ڈالرز میں دستیاب ہے۔
.ذریعہ: Nai Baat
پڑھیں:
کراچی: بے روزگار نوجوانوں کیلئےبڑی خوشخبری ،50 ہزار نوکریاں تیار
انٹرنیشنل فوڈ چین فوڈ پاپا نے پاکستان میں اپنی سروس کا باقاعدہ آغاز کر دیا ہے۔ کراچی کے نوجوانوں کو روزگار کے وسیع مواقع فراہم کرنے کے لیے علی شیخانی اور جے ڈی سی کے تعاون سے نیو فوڈ ڈیلیوری سروس کا آغاز کیا گیا ہے۔ منتظمین کا کہنا ہے کہ شہر قائد میں اب روزگار کی کمی نہیں رہے گی۔
پہلے مرحلے میں 50 ہزار افراد کو نوکری دی جائے گی، جبکہ کراچی، لاہور، اسلام آباد اور پشاور میں مجموعی طور پر 5 لاکھ نوکریاں فراہم کی جائیں گی۔ رائیڈرز کے لیے اسپتال اور ان کے بچوں کے لیے اسکول کی سہولت بھی دی جائے گی۔ فوڈ پاپا پر کام کرنے والے رائیڈرز ہوں یا کسی بھی عہدے پر موجود ورکرز، سبھی اور ان کی فیملیز کو انشورنس کی سہولت بھی میسر ہوگی۔
فوڈ پاپا کو جلد ہی یو اے ای، یو ایس اے، عمان، آسٹریلیا اور یو کے میں بھی لانچ کیا جائے گا، جبکہ اس کے شیئرز بھی جلد مارکیٹ میں عوام کے لیے دستیاب ہوں گے۔ 80 فیصد ریسٹورنٹس نے فوڈ پاپا کے ساتھ مل کر عوام کو خدمت فراہم کرنے کے لیے معاہدہ بھی کیا ہے۔
نوجوان نوکری کے لیے آج ہی foodpapa.com پر رجسٹریشن کرکے خود کو نوکری کے لیے رجسٹر کروا سکتے ہیں۔ فوڈ پاپا کو وزیراعظم یوتھ لون پروگرام کا تعاون بھی حاصل ہے، جبکہ جے ڈی سی، فوڈ پاپا کے 2 فیصد شیئرز کی مالک ہے۔
نوجوانوں اور ہوم شیفس کو اس فوڈ چین پروگرام کے ذریعے بیرونِ ملک نوکری کے بھی مواقع میسر آئیں گے۔ اس موقع پر ایک ڈاکیومینٹری کے ذریعے شیخانی گروپ کے دنیا بھر میں چلنے والے کاروبار کو بھی دکھایا گیا، جبکہ معروف اداکارہ سعدیہ امام نے پروگرام میں میزبانی کے فرائض سر انجام دیے۔
پاکستان، ترکی، یونان، میانمار، افغانستان میں شدید ترین زلزلہ آنے کا خدشہ،ماہرین ارضیات کی نئی وارننگ جاری
عمران خان کو مذاکرات کے لیے راضی کیا، بات چیت سود مند ہوگی، اعظم سواتی