کریکر فائر ہو رہے ہیں، باقی مذاکرات ہونگے، شیر افضل مروت
اشاعت کی تاریخ: 12th, January 2025 GMT
اسلام آباد:
رہنما پی ٹی آئی شیر افضل مروت کا کہنا ہے کہ میرا خیال ہے کہ کریکر فائر ہو رہے ہیں، باقی مذاکرات ہوں گے۔
انہوں نے کہا کہ اسپیکر بیرون ملک تھے،آج میں نے ان کا بیان دیکھا ہے لیکن میں ذاتی طور پر سجھتا ہوں کہ وہ کنوینر ہیں اور کوئی ان کو اپروچ نہ بھی کرتا چونکہ ان کو علم ہے کہ جو شرط تھی کہ ہمیں مطالبات تحریری طور پر دیںسے اتفاق کر گئے ہیں لہٰذا ان کو تاریخ رکھ کر اجلاس بلانا چاہیے۔
ایکسپریس نیوز کے پروگرام سینٹر اسٹیج میں گفتگو کرتے ہوئے ایک سوال پر انھوں نے کہا کہ میرا نہیں خیال کہ ملاقات کرانا کوئی اتنا سنجیدہ مسئلہ ہے کیونکہ خان صاحب نے خود کہا ہے کہ اگر وہ ملاقات نہیں بھی کراتے ہیں تب بھی آپ ان کے ساتھ ٹیبل پر بیٹھیں۔
رہنما مسلم لیگ (ن) طارق فضل چوہدری نے کہا کہ اگر حکومت سنجیدہ نہ ہوتی توکبھی مذاکرات کی میز پر نہ آتی، یہ سب سے پہلی اور بنیادی بات ہے، اس مذاکراتی عمل سے پہلے ہی حکومت ایک نہیں متعدد مرتبہ تحریک انصاف کو یہ بات کہتے ہوئے آپ کو ہوئی نظر آتی ہے کہ مذاکرات، مذاکرات اور مذاکرات۔
ایک سوال پر انھوں نے کہا کہ کچھ ایک دو ایشوز ہیں لیکن جو ملاقات نہ ہونے والا معاملہ ہے یہ رکاوٹ نہیں ہے رکاوٹ دور ہو جائے گی، ہمیں یہ بات اچھی طرح سے پتہ ہے کہ جو مذاکراتی ٹیم ہے عمران خان کے این او سی کے بغیر مذاکرات کر نہیں سکتی۔
.ذریعہ: Express News
کلیدی لفظ: نے کہا کہ
پڑھیں:
کراچی: ایف آئی اے دفتر میں لگی آگ پر قابو پا لیا گیا
فائل فوٹوکراچی میں ایف آئی اے اینٹی کرپشن سرکل کے دفتر میں لگی آگ پر قابو پا لیا گیا۔
ایف آئی اے اینٹی کرپشن سرکل کے دفتر میں آگ لگ گئی جس پر فائر بریگیڈ کے 2 فائر ٹینڈر نے قابو پایا۔
فائر بریگیڈ حکام کے مطابق ایف ائی اے کے مال خانے کے کمرے میں شارٹ سرکٹ کے باعث آگ لگی۔
فائر بریگیڈ حکام کا کہنا ہے کہ تین گاڑیوں نے آگ پر قابو پانے کے عمل میں حصہ لیا۔
حکام نے بتایا ہے کہ آگ کے باعث کمرے میں رکھے کمپیوٹر اور کاغذات کو معمولی نقصان پہنچا ہے تاہم کوئی جانی نقصان نہیں ہوا۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی