سکھر: کچے میں جاری آپریشن پر ڈی آئی جی کو بریفنگ
اشاعت کی تاریخ: 12th, January 2025 GMT
سکھر (نمائندہ جسارت) آئی جی سندھ غلام نبی میمن کی جانب سے سکھر رینج میں امن و امان کی صورتحال میں بہتری کے لیے دیے گئے احکامات کے تناظر میں ڈی آئی جی سکھر کیپٹن (ر) فیصل عبداللہ چاچڑ نے گزشتہ ماہ ایس ایس پی آفس سکھر میں کرائم کنٹرول کے حوالے سے منعقدہ اجلاس کے دوران کچا ایریا میں جاری آپریشن سمیت سب ڈویژن و تھانہ جات کے لیول پر امن و امان کی صورتحال کی بہتری کے لیے ہدایات و احکامات پر ہونے والی پیشرفت سے متعلق رینج آفس میں جائزہ اجلاس کیا۔ ایس ایس پی سکھر امجد شیخ کی جانب سے ضلع سکھر میں امن و امان/ اہم کیسز/ کچا ایریا میں جاری آپریشن اور کرائم کنٹرول سے متعلق احکامات پر عمل درآمد اُٹھائے گئے اقدامات، کارکردگی پر تفصیلی بریفنگ دی۔ ڈی آئی جی سکھر نے ضلع کے تمام ایس ڈی پی اوز، ایس ایچ اوز، ہیڈ آف برانچز، سیکشن اور یونٹس کے انچارج سے گزشتہ ماہ میں امن و امان کے حوالے سے مجموعی کارکردگی رپورٹ، کچا ایریا میں جاری آپریشن، کرائم کے اعداد و شمار/ ڈیٹیکشن/ گرفتاریاں و ریکوری کے حوالے سے باز پرس و معلومات حاصل کرتے ہوئے امن و امان کو قائم رکھنے کے لیے مزید مندرجہ ذیل اہم ہدایات و احکامات جاری کیے۔
.ذریعہ: Jasarat News
پڑھیں:
جے یو آئی (ف) کا کینالز معاملے پر تحریک کو تیزکرنے کافیصلہ
جے یو آئی (ف) نے کینالز کے معاملے پر ہونے والے احتجاج کو مزید تیز کرنے کا فیصلہ کیا ہے۔رہنما جے یو آئی (ف) مولانا راشد سومرو نے کہاکہ 24 ، 25 اور 26 اپریل کو جلسے کرکے سندھ پنجاب بارڈر بلاک کریں گے۔راشد محمود سومرو نے وفاقی حکومت سے کینا لز کا فیصلہ واپس لینے کا مطالبہ کرتے ہوئے کہا کہ تحریک کے اگلے مرحلے میں کندھ کوٹ ،گھوٹکی اور سکھر میں دھرنے ہوں گے۔ دوسری جانب دریائے سندھ سے نہریں نکالنے کے مجوزہ منصوبے کے خلاف سکھر ببرلو بائی پاس پر وکیلوں کا دھرنا چوتھے روز میں داخل ہوگیا۔ علاوہ ازیں کراچی بار نے گزشتہ روز مبینہ فائرنگ کے واقعے پر جوڈیشل انکوائری کا بھی مطالبہ کیا جب کہ سندھ بار کونسل کا آج سے سندھ بھر میں غیر معینہ مدت کے لیے عدالتی کارروائی کے بائیکاٹ کا اعلان کیا ہے۔مجوزہ کینالز کے خلاف حیدر آباد اور لاڑکانہ سمیت سندھ کے متعدد شہروں میں شٹر ڈاؤن ہڑتال رہی جب کہ خیرپور میں ریلوے ٹریک کو بھی بند کیا گیا جسے پولیس اور رینجرز نے بعد ازاں کھلوا دیا۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی