ہم نے امریکہ کے اہم ترین اسلحے کو بے وقعت کر دیا ہے، صنعاء
اشاعت کی تاریخ: 11th, January 2025 GMT
نتین یاہو کو مخاطب کرتے ہوئے اپنے ایک بیان میں مھدی المشاط کا کہنا تھا کہ تمہاری دھمکیوں سے تو ہمارے بچے بھی نہیں ڈرتے۔ اسلام ٹائمز۔ یمن کی سپریم پولیٹیکل کونسل کے سربراہ "مهدی المشاط" نے ملک پر امریکہ و برطانیہ کی جارحیت کے ایک سال مکمل ہونے پر کہا کہ ہم پر ان ممالک کے حملے ناجائز و غیر قانونی ہیں۔ مھدی المشاط نے کہا کہ اس امریکی و برطانوی جارحیت کا ہدف مجرم صیہونی رژیم کو سپورٹ فراہم کرنا اور غزہ میں انسانیت سوز جرائم کا تسلسل جاری رکھنا ہے۔ یمن پر ایک سال سے جاری یہ جارحیت امریکہ، برطانیہ اور اسرائیل کی شکست جب کہ ہماری عوام کے پختہ ارادے کی کامیابی ہے۔ یمن کی سپریم پولیٹیکل کونسل کے سربراہ نے کہا کہ ہم نے غزہ کی حمایت میں ایک وسیع و عالمی یکجہتی کا منظرنامہ تشکیل دیا۔ ہماری مسلح افواج بحیرہ احمر میں صیہونی رژیم سے متعلق بحری جہازوں کو روکنے میں کامیاب رہی۔ انہوں نے کہا کہ یمن عسکری اعتبار سے امریکہ کے بہترین ہتھیار یعنی طیارہ بردار بحری بیڑے کو نشانہ بنانے میں کامیاب رہا۔ انہوں نے اس امر کی وضاحت کی کہ ہمارے ڈرونز و میزائل یونٹس کامیابی سے صیہونی ریڈاروں کو روندتے ہوئے اسرائیلی اہداف کو جا لگے۔ اصل بات یہ ہے کہ ہمارا ملک ہائپر سونک میزائل ٹیکنالوجی میں بہت آگے بڑھ چکا ہے۔
مھدی المشاط نے کہا کہ یمن نے گزشتہ ایک سال میں امریکہ کے 14 جدید ڈرونز مار گرائے۔ انہوں نے کہا کہ امریکہ ہم پر صرف عسکری حملے نہیں کر رہا بلکہ اقتصادی، سیاسی و انسانی دباو بھی ڈال رہا ہے۔ طوفان الاقصیٰ کے بعد امریکہ نے ہمیں بہت زیادہ ڈرانے اور دھمکانے کی کوشش کی۔ لیکن ہمارے موقف میں کوئی تبدیلی نہیں آئی۔ انہوں نے نتین یاہو کو مخاطب کرتے ہوئے کہا کہ تمہاری دھمکیوں سے تو ہمارے بچے بھی نہیں ڈرتے۔ دنیا نے واضح طور پر دیکھا کہ تمہارے حملے ہماری عوام کو ڈرانے میں ناکام رہے۔ آخر میں مھدی المشاط نے کہا کہ اگر صیہونیوں کو ہم پر حملے کے لئے بھیجا جائے تو انہیں اپنے حکام کو انکار کرنا چاہئے۔ بہرحال ہم یمن کے دفاع کے لئے پوری طرح تیار ہیں۔ واضح رہے کہ گزشتہ ایک سال میں یمن نے متعدد بار طیارہ بردار امریکی بحری بیڑے کو نشانہ بنایا جس میں سے ایک حملہ گزشتہ روز انجام دیا گیا تھا۔ اسی سلسلے میں یمنی مسلح افواج کے ترجمان "یحییٰ سریع" نے خبر دی کہ ہماری فورسز نے میزائلوں اور ڈرونز سے "ٹرومین" نامی طیارہ بردار امریکی بحری بیڑے کو نشانہ بنایا۔ یحییٰ سریع نے بتایا کہ ٹرومین پر حملہ کر کے یمن پر ہونے والے ایک فضائی حملے کو ناکام بنا گیا۔ ہماری اس کارروائی کے بعد مذکورہ بحری بیڑہ بحیرہ احمر سے فرار کر گیا۔
ذریعہ: Islam Times
کلیدی لفظ: مھدی المشاط نے کہا کہ انہوں نے ایک سال
پڑھیں:
ہماری بندرگاہیں استعمال کر سکتے ہیں، شہباز شریف: ترکمانستان کے صدر سے ملاقات
اسلام آباد (خبر نگار خصوصی+ اپنے سٹاف رپورٹرسے )وزیراعظم محمد شہباز شریف نے پاکستان اور ترکمانستان کے مابین تجارتی اور اقتصادی روابط سمیت دو طرفہ تعلقات کو مضبوط بنانے کے عزم اور زمینی اور سمندری راستوں کے ذریعے روابط بڑھانے کی خواہش کا اعادہ کرتے ہوئے ترکمانستان کو کراچی اور گوادر کی بندر گاہوں کے ذریعے اپنی رسائی کو بڑھانے کی پیشکش کی ہے۔ وزیر اعظم آفس کے میڈیا ونگ کی طرف سے جاری بیان کے مطابق جمعرات کو وزیر اعظم محمد شہباز شریف کی اشک آباد آمد پر پرتپاک استقبال کیا گیا ان کی ترکمانستان کے صدر سردار بردی محمدوف سے دوطرفہ ملاقات ہوئی۔ وزیراعظم نے ترکمانستان کی مستقل غیرجانبداری کی 30 ویں سالگرہ اور اقوام متحدہ کی جانب سے 2025ء کو امن اور اعتماد کا بین الاقوامی سال قرار دینے پر ترکمان صدر کو مبارکباد دی۔ پاکستان اور ترکمانستان کے درمیان تاریخی اور برادرانہ تعلقات کی اہمیت پر زور دیتے ہوئے وزیراعظم نے دونوں ممالک کے درمیان دوطرفہ تعلقات بالخصوص تجارتی اور اقتصادی روابط کو مضبوط بنانے کے عزم کا اظہار کیا۔ وزیر اعظم نے رواں برس کے آغاز پر ایران اسرائیل جنگ کے دوران پاکستانی شہریوں کو ایران سے بحفاظت نکالنے کے لیے تعاون پر ترکمانستان کی قیادت اور حکومت کا تہہ دل سے شکریہ ادا کیا۔انہوں نے ترکمانستان کے ساتھ زمینی اور سمندری راستوں کے ذریعے روابط بڑھانے کی پاکستان کی خواہش کا اعادہ کیا اور کہا کہ کراچی اور گوادر کی بندرگاہوں کا جغرافیہ مثالی ہے جسے ترکمانستان جنوبی ایشیا اور اس سے باہر اپنی رسائی کو بڑھانے کے لیے بروئے کار لا سکتا ہے۔ پاکستانی وفد کی شاندار مہمان نوازی پر ترکمانستان کے صدر کا شکریہ ادا کرتے ہوئے وزیراعظم نے ترکمانستان کے عوام کے قومی رہنما گربنگولی بردی محمدوف کیلئے نیک خواہشات کا اظہار کیا۔ وزیر اعظم نے ترکمانستان کے عوام کے قومی رہنما اور صدر سردار بردی محمدوف کو آئندہ برس پاکستان کا سرکاری دورے کرنے کی دعوت کا اعادہ بھی کیا۔ ترکمانستان کے صدر نے وزیر اعظم کے دورے اور امن و اعتماد کے بین الاقوامی فورم میں شرکت پر شکریہ ادا کرتے ہوئے کہا کہ ترکمانستان پاکستان کے ساتھ باہمی دلچسپی کے متعدد شعبوں میں دوطرفہ تعاون کو بڑھانے کا خواہاں ہے۔ قبل ازیں وزیراعظم محمد شہباز شریف سے چیئرمین واپڈا لیفٹننٹ جنرل (ر) محمد سعید نے ملاقات کی۔ واپڈا کی زیر نگرانی جاری ترقیاتی منصوبوں کے بارے میں بریف کیا۔ ملاقات میں واپڈا سے متعلق دیگر امور پر بھی تبادلہ خیال کیا گیا۔ دریں اثناء وزیراعظم شہباز شریف نے ٹیکس محصولات کے اہداف کے حصول کے لئے ٹیکس نیٹ کو مزید وسعت دینے کی ہدایت کر دی۔ وزیراعظم شہباز شریف کی زیر صدارت فیڈرل بورڈ آف ریونیو (ایف بی آر) کے امور بارے ہفتہ وار جائزہ اجلاس منعقد ہوا، جس میں ٹیکس محصولات کے اہداف کے حصول، معیشت کی ڈیجیٹائزیشن اور ٹیکس چوری کے خلاف اقدامات کی پیشرفت پر تفصیلی بریفنگ دی گئی۔انہوں نے ہدایت دی کہ ٹیکس ٹو جی ڈی پی شرح کے 11 فیصد کے ہدف کے حصول کیلئے کوششیں تیز کی جائیں اور ٹیکس نیٹ کو مزید وسیع کیا جائے۔وزیر اعظم شہباز شریف نے کسٹمز کلیئرنس میں جدید ٹیکنالوجی اور اے آئی کے استعمال سے کلیئرنس کے دورانیے میں خاطر خواہ کمی کو سراہا اور ہدایت دی کہ درآمدات اور برآمدات کی کسٹمز کلیئرنس کے عمل کو مزید تیز کیا جائے۔ دریں اثناء وزیراعظم شہبازشریف نے ڈاکٹر وردہ قتل کیس کا نوٹس لیتے ہوئے آئی جی خیبر پی کے سے رپورٹ طلب کرلی۔میڈیا رپورٹ کے مطابق وزیر اعظم محمد شہبازشریف نے واقعہ پر دلی غم کا اظہار کیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر