بھارت نے بنگلادیش سے فرار ہوکر آنیوالی حسینہ واجد کو ویزے میں توسیع دیدی
اشاعت کی تاریخ: 11th, January 2025 GMT
نئی دہلی:بھارت نے بنگلا دیش کی سابق وزیراعظم شیخ حسینہ واجد کے ویزے میں توسیع کر دی ہے، جو استعفا دینے کے بعد ملک سے فرار ہوکر اور مقدمات سے بچنے کے لیے بھارت میں مقیم ہیں۔
واضح رہے کہ بنگلا دیش کی عبوری حکومت نے 7 جنوری کو شیخ حسینہ واجد کا پاسپورٹ منسوخ کر دیا تھا اور ان کے خلاف متعدد سنگین الزامات کے تحت گرفتاری کے وارنٹ جاری کیے تھے، جن میں شہریوں کی نسل کشی کے الزامات بھی شامل ہیں۔
ایسے حالات میں بھارت نے حسینہ واجد کے ویزے میں توسیع کر کے توقع کے مطابق ان کی کھلی حمایت کا مظاہرہ کیا ہے تاکہ وہ بنگلا دیش میں کسی بھی قانونی کارروائی سے بچ سکیں۔ حسینہ واجد فرار کے بعد سے بھارت میں پناہ لیے ہوئے ہیں۔
شیخ حسینہ واجد پر قتل، کرپشن اور بدعنوانی کے متعدد مقدمات ہیں، جن میں 26 قتل اور 4 نسل کشی کے مقدمات بھی شامل ہیں۔ ان پر الزام ہے کہ انہوں نے اپنے سیاسی مخالفین کے خلاف سخت اقدامات کیے اور اپنے اقتدار کے دوران کئی بار ان کی حکومت نے اقلیتی جماعتوں کو نشانہ بنایا۔
.ذریعہ: Jasarat News
کلیدی لفظ: حسینہ واجد
پڑھیں:
نیو یارک: اصطبل سے فرار گھوڑا جے ایف کینیڈی ایئرپورٹ تک پہنچ گیا، حکام کی دوڑیں لگ گئیں
امریکا میں ایک غیر معمولی واقعہ پیش آیا جب ایک اصطبل سے بھاگا ہوا گھوڑا نیو یارک کے مصروف جے ایف کینیڈی (JFK) ایئرپورٹ تک پہنچ گیا اور ایئرپورٹ حکام کو ہڑبڑانے پر مجبور کر دیا۔
نیو یارک اور نیو جرسی کی پورٹ اتھارٹی کے مطابق لیفٹیننٹ لوئس کیلڈرون اور افسر نکولس ڈیلگاڈو معمول کی ڈیوٹی کے دوران اطلاع پائے کہ ایک گھوڑا ٹریفک کو چیرتا ہوا ایئرپورٹ کی جانب بڑھ رہا ہے۔
ابتداء میں افسر ڈیلگاڈو سمجھ نہیں پا رہے تھے کہ شاید کوئی شخص گھوڑے کی سواری کر رہا ہے، لیکن قریب جا کر معلوم ہوا کہ یہ ایک بغیر زین کا آزاد گھوڑا تھا جو سڑکوں پر دوڑ رہا تھا۔
پولیس نے گھوڑے کو قابو میں لانے کی کوشش کی، اور کچھ دیر کے بعد اسے محفوظ طریقے سے واپس اس کے اصلی اصطبل پہنچا دیا گیا۔ خوش قسمتی سے اس واقعے میں کوئی جانی نقصان نہیں ہوا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر