گرل فرینڈ کے پیچھے ملک چھوڑنے والے سابق بھارتی کرکٹر پر جنوبی افریقہ میں پابندی عائد
اشاعت کی تاریخ: 11th, January 2025 GMT
جوہانسبرگ(سپورٹس ڈیسک)گرل فرینڈ کے پیچھے بھارت چھوڑ کر جانے والے سابق انڈین کھلاڑی پر بڑی پابندی لگ گئی۔ رپورٹ کے مطابق بھارتی ٹیم کے سابق کھلاڑی مہلنگم وینکٹیشن نے جنوبی افریقہ سے تعلق رکھنے والی اپنی گرل فرینڈ سے شادی کرنے کے لیے اپنا پورا کیریئر خطرے میں ڈال دیا۔
مہلنگم وینکٹیشن سن 1970 اور 1980 کی دہائی کے دوران بھارتی ڈومیسٹک ٹیم میں ایک مشہور کرکٹر تھے۔ تاہم انہوں نے جنوبی افریقہ جانے والی گرل فرینڈ سے شادی کرنے کیلئے اپنے کیرئیر کی پرواہ نہ کی۔
رپورٹ کے مطابق سابق بھارتی کھلاڑی گرل فرینڈ کے پیچھے جنوبی افریقہ پہنچ تو گئے مگر وہاں کی انتظامیہ نے ان پر پابندی عائد کردی۔
تاہم ایسا قدم اٹھانے پر ان پر جنوبی افریقہ میں کرکٹ کھیلنے پر پابندی عائد کر دی گئی۔ اگرچہ انہوں نے کرکٹ چھوڑ دی ہے، مگر اب وہ ایک مالدار شخص اور بھارت لیگ آئی پی ایل کی فرنچائز چنئی سپر کنگز کے ساتھ ان کا خاص تعلق بھی ہے۔
رپورٹ میں کہا گیا کہ جب مہلنگم وینکٹیشن نے اپنی گرل فرینڈ کے ساتھ رہنے کے لیے بھارت چھوڑ کر جنوبی افریقہ جانے کا فیصلہ کیا، تب اس دوران ان کا کرکٹ میں نام تھا اور وہ اسٹیٹ بینک آف انڈیا کے ایک مستحکم ملازم بھی تھے۔
اس حوالے سے وینکٹیشن نے بھارتی اخبار کو انٹرویو میں کہا کہ میں نے اپنی اہلیہ پرسکیلا سے ملاقات کی جس کا تعلق جنوبی افریقہ سے ہے، جب وہ 1983 میں ہندوستان کے دورے پر آئی تھیں۔ جب وہ واپس جنوبی افریقہ جانے لگی تو میں نے اس کے ساتھ جانے کا ارادہ کیا جو کہ اس وقت آسان نہ تھا۔
مزید برآں وینکٹیشن نے جنوبی افریقہ پہنچ کر اپنی گرل فرینڈ کو حیران کردیا۔ بعد ازاں یہ خبر بھارت پہنچی اور انہیں ملک واپس آنا پڑا۔ جس کے بعد جنوبی افریقہ میں ان پر پابندی عائد کردی گئی۔
مزیدپڑھیں:معروف بھارتی اداکار تشویشناک حالت میں اسپتال منتقل
.ذریعہ: Daily Ausaf
کلیدی لفظ: جنوبی افریقہ گرل فرینڈ کے پابندی عائد
پڑھیں:
نہروں کے منصوبے کیخلاف سندھ متحد ہے ، پیچھے ہٹنے والے نہیں،وزیراعلیٰ
بعض عناصرکینالز کے خلاف احتجاج کو پیپلز پارٹی کے خلاف بطور سازش استعمال کرنا چاہتے ہیں
بلاول بھٹو پارلیمنٹ میں واضح کر چکے کینالزکو کسی صورت سپورٹ نہیں کیا جا سکتا، مراد علی شاہ
وزیراعلیٰ سندھ سید مراد علی شاہ نے کہا ہے کہ نہروں کے منصوبے کے خلاف سندھ متحد ہے ، ہم پیچھے ہٹنے والے نہیں ہیں۔میڈیا سے گفتگو کرتے ہوئے وزیراعلیٰ سندھ نے نہروں کے منصوبے پر اپنا واضح موقف پیش کیا۔ انہوں نے کہا کہ سندھ کے عوام اس منصوبے کے خلاف متحد اور سراپا احتجاج بنے ہوئے ہیں۔مراد علی شاہ نے کہا کہ عمرکوٹ کے عوام نے سازشی عناصر کو واضح پیغام دیا ہے کہ وہ پاکستان پیپلز پارٹی کے ساتھ کھڑے ہیں۔ سیہون میں گفتگو کرتے ہوئے انہوں نے کہا کہ سوشل میڈیا پر یہ بات چل رہی تھی کہ صرف پیپلز پارٹی ہی کینالز کو بند کروا سکتی ہے اور یہ بات درست ہے کیونکہ ان کینالز کی منظوری نگراں حکومت نے ارسا سے لی تھی۔وزیراعلیٰ سندھ نے واضح کیا کہ پاکستان پیپلز پارٹی کے چیئرمین بلاول بھٹو زرداری پارلیمنٹ ہاؤس میں پہلے ہی یہ واضح کر چکے ہیں کہ ان کینالز کو کسی صورت سپورٹ نہیں کیا جا سکتا۔انہوں نے کہا کہ عمر کوٹ کے ضمنی الیکشن کے دوران عوام نے بھرپور انداز میں پیپلز پارٹی کا ساتھ دیا اور حال ہی میں حیدرآباد ڈویژن میں ہونے والا جلسہ بھی ایک شاندار اور بڑا جلسہ تھا۔ مراد علی شاہ نے اعلان کیا کہ یہ تو صرف ایک ڈویژن کا جلسہ تھا، ابھی سکھر، شہید بینظیر آباد، میرپور خاص اور کراچی میں بھی جلسے ہوں گے ۔مراد علی شاہ نے کینالز کے خلاف احتجاج کرنے والوں کو خوش آمدید کہا اور کہا کہ ان کے احتجاج کو ویلکم کیا جاتا ہے ، تاہم بعض عناصر اس احتجاج کو پیپلز پارٹی کے خلاف سازش کے طور پر استعمال کرنا چاہتے ہیں۔ انہوں نے کہا کہ چیئرمین بلاول بھٹو زرداری نے اعلان کیا ہے کہ ہم کینالز کے معاملے پر عوام کے ساتھ ہیں۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل