معروف بھارتی اداکار تشویشناک حالت میں اسپتال منتقل
اشاعت کی تاریخ: 11th, January 2025 GMT
ممبئی(شوبز ڈیسک)معروف بھارتی اداکار ٹکو تلسانیہ، جنہوں نے ”دل ہے کہ مانتا نہیں“ (1991)، ”کبھی ہاں کبھی نہ“ (1993) اور ”عشق“ (1997) جیسی فلموں میں اپنی شاندار اداکاری سے شہرت حاصل کی، جمعہ کو برین اسٹروک کا شکار ہوگئے۔
انہیں ممبئی کے کوکیلا بین دھیرو بھائی امبانی اسپتال میں داخل کیا گیا ہے جہاں ان کی حالت تشویشناک بتائی جا رہی ہے۔
بھارتی میڈیا کے مطابق ان کی اہلیہ، دیپتی تلسانیا نے وضاحت کرتے ہوئے کہا کہ انہیں برین اسٹروک ہوا، نہ کہ دل کا دورہ۔ وہ ایک فلم کی اسکریننگ میں شرکت کے لیے گئے تھے اور رات 8 بجے کے قریب ان کی طبیعت ناساز ہونے لگی۔ انہیں فوری طور پر اسپتال میں داخل کرایا گیا۔
70 سالہ اداکار اس وقت اسپتال میں زیر علاج ہیں، اور ان کی صحت کے بارے میں مزید معلومات کا انتظار کیا جا رہا ہے۔
بھارتی میڈیا کا کہنا ہے کہ پہلے یہ رپورٹ ہوا تھا کہ انہیں دل کا دورہ پڑا، لیکن ان کی اہلیہ نے اس کی تصحیح کرتے ہوئے کہا کہ یہ حقیقتاً ایک برین اسٹروک تھا۔
ٹکو تلسانیہ نے اپنے کیریئر میں ”ہم ہیں راہی پیار کے“ (1993)، ”انداز اپنا اپنا“ (1994)، ”کولی نمبر 1“ (1995)، ”راجہ ہندوستانی“ (1996)، ”جوڑوا“ (1997)، ”بڑے میاں چھوٹے میاں“ (1998)، ”راجو چاچا“ (2000)، ”ہنگامہ“ (2003)، اور ”دھمال“ (2007) جیسی متعدد کامیاب فلموں میں کام کیا ہے۔ انہوں نے سنجے لیلا بھنسالی کی ”دیوداس“ (2002) میں بھی ایک یادگار کردار ادا کیا۔
ٹکو کی بیٹی شیکھا تلسانیابھی اب ایک مقبول اداکارہ ہیں، جنہوں نے ”ستییہ پریم کی کتھا“، ”ویرے دی ویڈنگ“، اور ”پوٹلک“ جیسے پروجیکٹس میں کام کیا ہے۔ ٹکو کو آخری بار ”وکی ودیا کا وہ والا“ ویڈیو میں دیکھا گیا تھا، جس میں راج کمار راؤ اور ترپتی ڈمری بھی شامل تھے۔ یہ ویڈیو پچھلے سال ریلیز ہوئی تھی۔
مزیدپڑھیں:پنجاب کےتعلیمی اداروں کے نئے اوقات کار جاری
ذریعہ: Daily Ausaf
پڑھیں:
والدین میں طلاق کی افواہوں پر آرادھیا کا کیا ردعمل ہوتا ہے: ابھیشک بچن نے بتایا دیا
بھارتی اداکار ابھیشک بچن نے اپنے خاندان کی نجی زندگی پر ہونے والی مسلسل چہ مگوئیوں اور گردش میں رہنے والی افواہوں پر بیٹی آرادھیا کے ردِ عمل پر بات کی ہے۔
ابھیشک بچن نے حال ہی میں اپنے اور اہلیہ، اداکارہ ایشوریا رائے کے درمیان طلاق سے متعلق مسلسل گردش میں رہنے والی افواہوں پر بات کرتے ہوئے کہا کہ ایشوریا نے آرادھیا کی تربیت اس انداز میں کی ہے کہ وہ غیر مصدقہ باتوں پر توجہ ہی نہیں دیتی، سوشل میڈیا پر ہونے والی چہ مگوئیوں سے آرادھیا دور رہتی ہے۔
ابھیشک کا کہنا ہے کہ ایشوریا نے آرادھیا میں فلمی دنیا اور اپنے والدین کے کام کے حوالے سے احترام پیدا کیا ہے، گھر میں گفتگو بھی ہمیشہ دوستانہ ماحول اور سچائی پر مبنی ہوتی ہے، یہی وجہ ہے کہ گھر کے افراد کو ایک دوسرے پر سوال اٹھانے کی ضرورت پیش نہیں آتی۔
اُنہوں نے مزید کہا کہ آرادھیا تیزی سے ایک بااعتماد اور واضح رائے رکھنے والی نوجوان بنتی جا رہی ہے، وہ اپنی بات سمجھداری اور سنجیدگی سے سمجھاتی ہے، ہمارا مکمل خاندان نجی معاملات کو گھر تک محدود رکھنے کا خواہاں ہے۔
ابھیشک بچن نے انکشاف کیا کہ آرادھیا سوشل میڈیا سے دور رہتی ہے اور یہ بھی ایک وجہ ہے کہ افواہیں آرادھیا کو متاثر نہیں کر پاتیں، وہ موبائل فون استعمال نہیں کرتی اور اگر اس کے دوستوں کو رابطہ کرنا ہو تو وہ اس کی والدہ کے نمبر پر کال کرتے ہیں۔
اداکار کا کہنا تھا کہ آرادھیا زیادہ تر وقت اپنی پڑھائی کو دیتی ہے اور یہ طے شدہ معاملہ ہے کہ آرادھیا کی آن لائن رسائی صرف تعلیمی مواد تک محدود ہے۔
اداکار نے ماضی کی یاد تازہ کرتے ہوئے بتایا کہ بیٹی کی پیدائش کی خبر سنتے ہی میں نے سگریٹ اور شراب دونوں چھوڑ دی تھیں اور اب میں اِن کا استعمال نہیں کرتا۔
واضح رہے کہ ابھیشک اور ایشوریا رائے 2007ء میں رشتۂ ازدواج میں منسلک ہوئے تھے اور 2011ء میں اِن کے یہاں آرادھیا کی پیدائش ہوئی تھی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر