کراچی کی ترقی کے لیے پیپلز پارٹی کی قربانیاں ناقابلِ فراموش ہیں، بلاول بھٹو زرداری
اشاعت کی تاریخ: 11th, January 2025 GMT
کراچی:پاکستان پیپلز پارٹی کے چیئرمین بلاول بھٹو زرداری نے کراچی کے مسائل حل کرنے کے عزم کا اعادہ کرتے ہوئے کہا کہ پیپلز پارٹی کی تین نسلوں نے اس شہر کی ترقی کے لیے قربانیاں دی ہیں۔
بھٹو ایکسپریس وے (قیوم آباد تا شاہ فیصل کالونی) کی افتتاحی تقریب سے خطاب کرتے ہوئے چیئرمین پی پی اور سابق وزیر خارجہ بلاول بھٹو زرداری نے کہا کہ صدر آصف علی زرداری نے کراچی کو جتنے وسائل فراہم کیے، ماضی میں کسی حکومت نے نہیں دیے۔
انہوں نے کہا کہ قائد عوام ذوالفقار علی بھٹو نے کراچی کو بڑے منصوبے دیے، جن میں اسٹیل مل اور شاہراہ فیصل جیسے میگا پراجیکٹس شامل ہیں۔ شہید بینظیر بھٹو نے بھی کراچی میں امن و امان قائم کرنے، نوجوانوں کو روزگار دینے اور ترقیاتی منصوبے شروع کرنے میں اہم کردار ادا کیا۔
انہوں نے کہا کہ پبلک پرائیویٹ پارٹنرشپ کے تحت کراچی کے مسائل کے حل کی طرف قدم بڑھایا گیا، جسے صدر زرداری نے مزید مستحکم کیا۔ ان کے دور میں دیے گئے منصوبے نہ صرف کامیاب رہے بلکہ آج بھی عوام کے لیے سہولت کا ذریعہ ہیں۔
بلاول بھٹو نے کہا کہ وفاقی حکومت سندھ کے ساتھ سوتیلے پن کا سلوک کر رہی ہے۔ صوبے کے وسائل فراہم کرنے میں تاخیر اور عدم تعاون کراچی کی ترقی میں رکاوٹ ہیں۔ انہوں نے کہا کہ کراچی کی آبادی میں تیزی سے اضافہ ہو رہا ہے اور دوسرے ممالک سے بھی لوگ یہاں آباد ہو رہے ہیں، جس کے لیے وسائل کا منصفانہ استعمال ضروری ہے۔
انہوں نے وزیراعلیٰ سندھ مراد علی شاہ اور دیگر حکام سے درخواست کی کہ وہ پہلے مقامی کاروباری طبقے کو مطمئن کریں تاکہ بین الاقوامی سرمایہ کار خود بخود راغب ہوں۔ انہوں نے کہا کہ پبلک پرائیویٹ پارٹنرشپ کے ذریعے شہر کے مسائل کا حل نکالا جائے گا۔
بلاول بھٹو نے کراچی کے پانی کے مسئلے کو سب سے بڑا چیلنج قرار دیتے ہوئے کہا کہ یہ مسئلہ قائم علی شاہ کے دور سے چلا آ رہا ہے۔ انہوں نے وزیر اعلیٰ سندھ کو ہدایت کی کہ ڈی سیلینیشن منصوبے کو عملی شکل دیں اور گرین انرجی و سولر منصوبوں کے لیے آئندہ بجٹ میں اسپیس مختص کریں۔
.ذریعہ: Jasarat News
کلیدی لفظ: انہوں نے کہا کہ بلاول بھٹو نے کراچی بھٹو نے کے لیے
پڑھیں:
نہروں کے منصوبے کیخلاف سندھ متحد ہے، پیچھے ہٹنے والے نہیں،وزیراعلیٰ
سیہون / بھان سعید آباد: وزیراعلیٰ سندھ سید مراد علی شاہ نے کہا ہے کہ نہروں کے منصوبے کے خلاف سندھ متحد ہے، ہم پیچھے ہٹنے والے نہیں ہیں۔
میڈیا سے گفتگو کرتے ہوئے وزیراعلیٰ سندھ نے نہروں کے منصوبے پر اپنا واضح موقف پیش کیا۔ انہوں نے کہا کہ سندھ کے عوام اس منصوبے کے خلاف متحد اور سراپا احتجاج بنے ہوئے ہیں۔
مراد علی شاہ نے کہا کہ عمرکوٹ کے عوام نے سازشی عناصر کو واضح پیغام دیا ہے کہ وہ پاکستان پیپلز پارٹی کے ساتھ کھڑے ہیں۔ سیہون میں گفتگو کرتے ہوئے انہوں نے کہا کہ سوشل میڈیا پر یہ بات چل رہی تھی کہ صرف پیپلز پارٹی ہی کینالز کو بند کروا سکتی ہے اور یہ بات درست ہے کیونکہ ان کینالز کی منظوری نگراں حکومت نے ارسا سے لی تھی۔
وزیراعلیٰ سندھ نے واضح کیا کہ پاکستان پیپلز پارٹی کے چیئرمین بلاول بھٹو زرداری پارلیمنٹ ہاؤس میں پہلے ہی یہ واضح کر چکے ہیں کہ ان کینالز کو کسی صورت سپورٹ نہیں کیا جا سکتا۔
انہوں نے کہا کہ عمر کوٹ کے ضمنی الیکشن کے دوران عوام نے بھرپور انداز میں پیپلز پارٹی کا ساتھ دیا اور حال ہی میں حیدرآباد ڈویژن میں ہونے والا جلسہ بھی ایک شاندار اور بڑا جلسہ تھا۔ مراد علی شاہ نے اعلان کیا کہ یہ تو صرف ایک ڈویژن کا جلسہ تھا، ابھی سکھر، شہید بینظیر آباد، میرپور خاص اور کراچی میں بھی جلسے ہوں گے۔
مراد علی شاہ نے کینالز کے خلاف احتجاج کرنے والوں کو خوش آمدید کہا اور کہا کہ ان کے احتجاج کو ویلکم کیا جاتا ہے، تاہم بعض عناصر اس احتجاج کو پیپلز پارٹی کے خلاف سازش کے طور پر استعمال کرنا چاہتے ہیں۔ انہوں نے کہا کہ چیئرمین بلاول بھٹو زرداری نے اعلان کیا ہے کہ ہم کینالز کے معاملے پر عوام کے ساتھ ہیں۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی