7 دن میں 2 گھنٹے کی ورزش دل کے لیے کتنی فائدہ مند ہے؟
اشاعت کی تاریخ: 11th, January 2025 GMT
باقاعدہ ورزش سے بلڈ پریشر اور کولیسٹرول قابو میں رہتا ہے اور ہارٹ اٹیک کے خطرات بھی کم ہوجاتے ہیں۔ آپ کی جسمانی بدحالی کا شکار ہے تو آپ ہلکی پھلکی ورزش کرکے بھی اپنی صحت بہتر کر سکتے ہیں۔ ہفتے میں صرف 2 بار سائیکل چلا لیتے ہیں یا چہل قدمی کر لیتے ہیں تو دل کی بیماری کے امکانات 20 فیصد تک کم ہو جاتے ہیں۔
اگر خراب فِٹنس کا حامل شخص ہفتے میں ورزش کے دورانیے کو 4 گھنٹے تک بڑھا لیتا ہے تو اسے دل کا عارضہ لاحق ہونے کے امکانات مزید 10 فیصد کم ہوجاتے ہیں۔ لیکن ورزش کے زیادہ سے زیادہ فوائد حاصل کرنے کے لیے ضروری ہے کہ آپ اس کا دورانیہ ہفتے میں قریباً 4 سے 6 گھنٹے تک بڑھائیں۔
ایک تحقیق کے مطابق جب لوگ ایک ہفتے میں اپنی ورزش کے دورانیے کو 7 سے 9 گھنٹے تک بڑھا لیتے ہیں تو ان کے دِل کی صحت میں مثبت تبدیلی آنے لگتی ہے۔ ورزش کی ابتدا کے بعد ایسی مثبت تبدیلیاں آنے میں قریباً 3 مہینے لگ جاتے ہیں۔
مزید پڑھیں: بھارتی وزیر خارجہ نے پاکستان میں مارننگ واک سمیت کیا کچھ کیا؟
تحقیق نے ثابت کیا ہے کہ جو شخص عزم کے ساتھ ورزش کرتا ہے وہ نہ صرف دل کی صحت بہتر کرسکتا ہے بلکہ ان کا دل بھی بالکل ویسا ہی ہوجاتا ہے جیسا کسی فِٹ کھلاڑی کا ہوتا ہے۔ اگر آپ دل کی فِٹنس بہتر بنانے کے لیے ہفتے میں ایک یا 2 گھنٹے ورزش کرتے ہیں تو شاید کچھ ایسا ہوجائے جس کی آپ کو امید بھی نہ ہو۔ ہفتے میں 4 گھنٹے کی ورزش سے آپ کے دل کی صحت بہتر ہوتی ہے لیکن اگر آپ اس سے لُطف اندوز ہوتے ہیں تو شاید اس کے دورانیے میں خود اضافہ کرلیں۔
اگر آپ اپنے دل کو بیماریوں کے خطرات سے بچانا چاہتے ہیں تو آپ کو پسینہ بہانا پڑے گا۔ ورزش میں شدت اختیار کرنا زیادہ فوائد حاصل کرنے کا آسان طریقہ ہے۔
مزید پڑھیں: صرف 5 منٹ کی ورزش بلڈ پریشر کنٹرول اور دل کے مسائل کم کرسکتی ہے، تحقیق
ورزش کے دورانیے کے کم ہونے سے کوئی فرق نہیں پڑتا، اگر آپ ورزش میں زیادہ جان لگا رہے ہیں تو کچھ ہفتوں کے بعد آپ بلڈ پریشر اور کولیسٹرول میں کمی آنا شروع ہوجاتی ہے۔ لیکن آپ دل کے عارضے میں مبتلا ہیں تو آپ کو محتاط رہنا پڑ سکتا ہے کیونکہ دل کی جنیاتی بیماریاں، دل کی نسوں کا سُکڑ جانا یا دل کے پٹھوں پر سوجن آنا ایسے مسائل ہیں جن میں ماہرینِ صحت ورزش نہ کرنے کا مشورہ دیتے ہیں۔
اگر عام دنوں میں آپ کے لیے ورزش کا وقت نکالنا مشکل ہے تو آپ چھٹی والے دن ورزش کر سکتے ہیں۔ ایک تحقیق سے ثابت ہوتا ہے کہ ہفتے میں ایک یا 2 دن ورزش کرنے والے لوگوں کے دل کی صحت میں بھی نمایاں فرق آیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
2 دن دل عارضہ قلب ورزش.ذریعہ: WE News
کلیدی لفظ: کے دورانیے ہفتے میں ورزش کے کی ورزش ہیں تو کے لیے کی صحت اگر آپ
پڑھیں:
پاکستان اسٹاک ایکسچینج میں کاروباری ہفتے کا مثبت آغاز، 100انڈیکس میں 900 پوائنٹس کا اضافہ
پاکستان اسٹاک ایکسچینج نے آج ہفتے کے پہلے تجارتی سیشن کا مثبت آغاز کرتے ہوئے بینچ مارک کےایس سی 100 انڈیکس میں انٹرا ڈے ٹریڈنگ کے دوران 900 پوائنٹس سے زائد اضافہ ریکارڈ کیا۔
آخری کاروباری روز یعنی گزشتہ جمعہ کو پاکستان اسٹاک ایکسچینج نے ہفتے کے آخری کاروباری سیشن کا 414 پوائنٹس اضافے کے ساتھ مثبت انداز میں اختتام کیا تھا، جس کے بعد آج صبح 10 بجے کے بعد کے ایس سی 100 انڈیکس 118,224.90 پوائنٹس پر منڈلا رہا تھا، جو 909.32 پوائنٹس یعنی 0.78 فیصد کا اضافہ تھا۔
یہ بھی پڑھیں: بجلی نرخ اور مہنگائی میں کمی نے اسٹاک ایکسچینج کو تگڑا کردیا
بین الاقوامی سطح پر اس ہفتے کے آغاز پر ایشیائی ایکوئٹی اور امریکی اسٹاک فیوچرز میں کمی واقع ہوئی ہے جبکہ ڈالر کی قیمت میں کمی، صدر ڈونلڈ ٹرمپ کی جانب سے فیڈرل ریزرو پر ٹیرف کے حوالے سے بے چینی اور عوامی تنقید نے جذبات کو متاثر کیا، جس سے سونے کی قیمتیں نئی بلندی پر پہنچ گئی ہیں۔
امریکی صدر ٹرمپ نے جمعرات کو فیڈرل ریزرو کے سربراہ جیروم پاول کے خلاف حملوں کا ایک سلسلہ شروع کیا تھا، ان کی ٹیم اس بات کا جائزہ لے رہی ہے کہ آیا صدر ٹرمپ جیروم پاول کو برطرف کر سکتے ہیں، یہ ایک ایسا اقدام ہے جس کے مضمرات مرکزی بینک کی آزادی اور عالمی منڈیوں کے لیے انتہائی نوعیت کے ہوسکتے ہیں۔
مزید پڑھیں: پاکستان اسٹاک ایکسچینج میں تیزی کا رجحان برقرار
زیادہ تر بازار جمعہ کو بند تھے اور کچھ ایسٹر منڈے کی چھٹی پر ہیں، ایس اینڈ پی 500 فیوچرز میں 0.64 فیصد اور نیس ڈیک فیوچر میں 0.53 فیصد کی کمی واقع ہوئی۔ ایشیا میں، جاپان کا نکی 1 فیصد گرگیا جبکہ جنوبی کوریا کا بینچ مارک انڈیکس مستحکم رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس انٹرا ڈے ٹریڈنگ ایسٹر بینچ مارک پاکستان اسٹاک ایکسچینج کاروباری سیشن کےایس سی
آزادئ مذہب اور آزادئ رائے کا مغربی فلسفہ