لاس اینجلس میں آگ سے ہالی وڈ کے کئی ستارے بے گھر ہوگئے
اشاعت کی تاریخ: 11th, January 2025 GMT
لاس اینجلس(اردوپوائنٹ اخبارتازہ ترین-انٹرنیشنل پریس ایجنسی۔11 جنوری ۔2025 ) امریکی ریاست کیلی فورنیا کے شہر لاس اینجلس میں لگنے والی آگ سے ہالی وڈ کے کئی ستاروں نے اپنے مکان کھو دیے ہیں جن میں43 سالہ پیرس ہلٹن کہتی ہیں کہ انہوں نے اپنی سی فرنٹ ملیبو کی رہائش گاہ کو ٹی وی پر جلتے ہوئے دیکھا انہوں نے انسٹاگرام پر لکھا کہ وہ دل شکستہ ہی میرا دل ان لوگوں کے لیے دکھتا ہے جو اب بھی خطرے میں ہیں یا بڑے نقصان پر سوگ منا رہے ہیں یہ تباہی ناقابل تصور ہے.
(جاری ہے)
انہوں نے اپنے پانچ پالتو پومیرینی کتوں کے ساتھ گاڑی میں ایک ویڈیو شیئر کی اور کہا کہ وہ ایک ہوٹل میں پناہ لینے کے لیے جا رہی ہیں دو مرتبہ آسکر جیتنے والے اداکار انتھونی ہاپکنز جو”دی سائلنس آف دی لیمبز“ میں اپنے کردار کے لیے مشہور ہیں کی مہنگی رہائش گاہ اس آگ سے مبینہ طور پر تباہ ہو گئی تصاویر میں دکھایا گیا کہ 87 سالہ ہاپکنز کی جائیداد مکمل طور پر جل گئی تاہم ہاپکنز نے ابھی تک کوئی بیان جاری نہیں کیا. اداکارجیف بریجزجنہوں نے فلم’ ’دی بگ لیباﺅسکی“ کے لیے مشہور اور آسکر ایوارڈیافتہ جیف بریجز نے بھی ملیبو کی رہائش گاہ کھو دی ہے جس میں وہ اپنے خاندان کے ساتھ رہتے تھے. ہالی وڈفلم ”وین ہیری میٹ سیلی‘ ‘کے ستارے بلی کرسٹل نے بتایا کہ ان کا 46 سال پرانا گھر تباہ ہو گیا جس میں صرف ایک ٹینس کورٹ باقی رہ گیا 76 سالہ کرسٹل نے اپنی بیوی جینس کے ساتھ ایک مشترکہ بیان میں کہاکہ الفاظ اس تباہی کی وسعت کو بیان نہیں کر سکتے جس کا ہم مشاہدہ اور تجربہ کر رہے ہیں. امریکی ذرائع ابلاغ کے مطابق فلم’ ’شٹز کریک“اور’ ’امریکن پائی“ کے اداکار یوجین لیوی کا گھر مکمل طور پر جل گیا انہوں نے لاس اینجلس ٹائمز کو بتایا کہ وہ اپنے محلے سے کالے دھوئیں کے درمیان سے گزر کر نکلے”وزین“ کے اداکار جان گڈمین کا گھر بھی اس آگ کی زد میں آیا ہے پیپل میگزین کی شائع کردہ تصاویر میں ایک جلے ہوئے ملبے کے ڈھیر کو دکھایا گیا ہے گڈمین نے جنہوں نے ”دی بگ لیباﺅسکی‘ ‘میں بھی کام کیا ابھی تک اپنے گھر کے بارے میں کوئی بیان جاری نہیں کیا. مشہور فلم ”سٹار وارز“ کے ستارے مارک ہیمیل نے انسٹاگرام پر اپنے فالوورز کو بتایا کہ وہ اپنی ملیبو کی رہائش گاہ سے اپنی بیوی اور پالتو کتے کے ساتھ بچ نکلے انہوں نے بتایا کہ وہ ایک ایک سڑک سے گزرے جس کی دونوں جانب آگ بھڑکی ہوئی تھی تاہم 73 سالہ ہیمیل نے تصدیق نہیں کی کہ آیا ان کا گھر تباہ ہو گیا تھا لیکن انہوں نے بتایا کہا کہ ان کا خاندان اپنی جان بچانے کے لیے بھاگ رہا تھا. ہالی وڈفلم ”ڈرٹی ڈانسنگ“ کی اداکارہ جینیفر گرے نے بھی آگ میں اپنا گھر کھو دیا ہے ان کی بیٹی نے انسٹاگرام پر لکھاکہ کل رات میری ماں کا گھر جل کر خاک ہو گیا ”دی پرنسس برائیڈ“ کے ستارے کیری ایلز نے انسٹاگرام پر بتایا کہ ان کا گھر تباہ ہو گیا انہوں نے پہلے ایل اے کی پہاڑیوں کے ساتھ ایک ویڈیو شیئر کی تھی جو دور سے آگ کو دکھا رہی تھی. گولڈن گلوبز کے نامزد امیدوار ایڈم براﺅڈی اور ان کی اداکارہ بیوی لیٹن میسٹر مبینہ طور پر پیسیفک پیلیسیڈز میں اپنے گھر سے محروم ہو گئے ہیں پیپل میگزین کی شائع کردہ تصاویر کے مطابق ”ویپلیش“ کے ستارے مائلز ٹیلر اور ان کی بیوی کیلئی ٹیلر کا گھر اس آگ میں تباہ ہو گیا ”ٹاپ گن: میورک“ کے اداکار ٹیلر نے تاہم اب تک کوئی بیان جاری نہیں کیا. ایمی جیتنے والے اداکار جیمز وڈز نے ایکس پر ایک پوسٹ شیئر کی جس میں آگ کو ان کے پیسیفک پیلیسیڈز کی پراپرٹی کے قریب درختوں اور جھاڑیوں کو لپیٹ میں لیتے ہوئے دکھایا گیا 77 سالہ وڈز نے لکھاکہ میں یقین نہیں کر سکتا کہ ہمارا خوبصورت چھوٹا سا گھر پہاڑیوں میں اتنی دیر تک قائم رہا یہ کسی پیارے کو کھونے جیسا محسوس ہوتا ہے. خوفناک آگ نے آسکر جیتنے والی جیمی لی کرٹس کو بھی انخلا پر مجبور کر دیا انہوں نے انسٹاگرام پر لکھاکہ ہمارا پیارا محلہ ختم ہو گیا ہمارا گھر محفوظ ہے بہت سے دوسرے لوگوں نے سب کچھ کھو دیا انہوں نے جمعرات کو اعلان کیا کہ وہ لاس اینجلس میں آگ سے متاثرہ افراد کو 10 لاکھ ڈالر دے رہی ہیں. دوسری جانب ایک رپورٹ میں بتایا گیا ہے کہ ایک طرف آگ سے اربوں ڈالر کے نقصان ہالی وڈ کے اداکار اور متاثرعلاقوں کے رہائشی صدمے کا شکار ہیں تو دوسری جانب انشورنش کمپنیوں نے آتشزدگی سے تباہ ہونے والے گھروں‘عمارتوں ‘گاڑیوں اور دیگر انشورڈ سامان کی انشورنس ادا نہ کرنے کا اعلان کیا ہے امریکی انشورنس کمپنیوں نے پچھلے سال ریاست فلوریڈا میں سمندری طوفان سے ہونے والی تباہی پر بھی انشورنس کلیم ادا کرنے سے انکار کردیا تھا. آگ سے متاثر لوگ اور امریکی عوام انشورنس کمپنیوں کے اس رویے پر خاصے برہم ہیں ان کا کہنا ہے کہ اگر انشورنس کمپنیوں نے قدرتی آفات سے تباہ ہونے والے گھروں‘عمارتوں ‘گاڑیوں اور دیگر سازوسامان کی انشورنس ادانہیں کرنی تو وہ واضح طور پر شہریوں کو بتائیں کہ قدرتی آفات جیسے سمندری طوفان‘برفانی طوفان‘بگولوں اور آگ سے تباہ ہونے والے مکانات‘عمارتوں ‘گاڑیوں وغیرہ کی انشورنس ادا نہیں کریں گی ان کا کہنا ہے کہ شہری ساری زندگی انشورنس کی رقم اداکرتے ہیں اور اربوں ڈالر سالانہ منافع کمانے والی انشورنس کمپنیوں کا قدرتی آفات میں رویہ بدل جاتا ہے . دوسری جانب انشورنس انڈسٹری کا کہنا ہے کہ لاس اینجلس میں لگی آگ امریکی تاریخ کی سب سے مہنگی آگ ثابت ہو سکتی ہے جس میں بیمہ شدہ نقصانات آٹھ بلین ڈالر سے زیادہ ہونے کی توقع ہے جس کی وجہ اس شہر میں امریکہ کے مہنگے ترین گھر بنے ہیں انشورنس کے حوالے سے 2018 میں شمالی کیلیفورنیا کے پیراڈائز قصبے کے قریب لگی آگ اب تک کی سب سے مہنگی آتش زدگی ثابت ہوئی تھی جس میں انشورنس کو تقریباً 12.5 بلین ڈالرکا نقصان برداشت کرنا پڑا تھا کیمپ فائر کے نام سے جانے والی اس آگ میں 85 افراد ہلاک اور 50 ہزار سے زیادہ بے گھر ہوئے تھے. موسمی حالات کو دیکھتے ہوئے فائر فائٹرز کو امید کی کرن نظر آ رہی ہے مگرذرائع ابلاغ کا کہنا ہے کہ اس علاقے میں کم از کم اگلے ہفتے تک بارش کی کوئی پیش گوئی نہیں ہے یعنی حالات آگ کے لیے سازگار ہیں شہر کے مختلف حصوں میں بجلی منقطع ہو گئی ہے اور ٹریفک جام ہے متعدد سکول اور یونیورسٹی آف کیلیفورنیا کو بند کردیا گیا ہے.
ذریعہ: UrduPoint
کلیدی لفظ: تلاش کیجئے انشورنس کمپنیوں لاس اینجلس میں کی انشورنس کے اداکار کے ستارے انہوں نے نہیں کی نہیں کر کے ساتھ کا گھر کھو دی کے لیے ہیں کی
پڑھیں:
عمران خان کو اڈیالہ جیل سے منتقل کرنے پر غور
پی ٹی آئی ملک کو عدم استحکام کا شکار کرنے کے ایجنڈے پر عمل پیرا ہے،اختیار ولی
قیدی نمبر 804 کیساتھ مذاکرات کے دروازے بندہو چکے ہیں،نیوز کانفرنس
وزیراعظم کے کوآرڈینیٹر برائے اطلاعات و امور خیبر پختونخوا اختیار ولی خان نے کہا ہے کہ پی ٹی آئی ملک کو عدم استحکام کا شکار کرنے کے ایجنڈے پر عمل پیرا ہے اور احتجاج کے نام پر فتنہ و فساد پھیلانے کی کوشش کی جا رہی ہے، حکومت نے قیدی نمبر 804 (عمران خان) کو اڈیالہ جیل سے منتقل کرنے پر سنجیدگی سے غور شروع کردیا ہے۔اسلام آباد میں نیوز کانفرنس کرتے ہوئے اختیار ولی خان نے کہا کہ بانی پی ٹی آئی کے ساتھ مذاکرات کے تمام دروازے بند ہو چکے ہیں اور ملک میں عشق پاکستان اور عشق عمران میں واضح لکیر کھینچ دی گئی ہے۔ان کا کہنا تھا کہ پی ٹی آئی اس فوج پر حملہ آور ہوئی جس نے پوری دنیا میں پاکستان کا سر فخر سے بلند کیا، بانی پی ٹی آئی نے جو ٹویٹ کیا نہ پی ٹی آئی اسے نگل سکتی ہے نہ اگل سکتی ہے، پی ٹی آئی پشاور جلسے میں پورے ملک سے لوگ بلا کر بھی چند لوگ اکٹھے نہ کر سکی ، پی ٹی آئی کے لوگ مذہب کو سیاست کیلئے استعمال کرتے ہیں۔انہوں نے واضح کیا کہ پی ٹی آئی اپنی سیاست کو دہشت گردی کیلئے استعمال کر رہی ہے ، ٹی ٹی پی اور پی ٹی آئی میں کوئی فرق نہیں کیونکہ آئے روز پی ٹی آئی فوج اور عدلیہ پر حملہ آور ہوتی ہے اور ان کی خواہش ہے کہ پی ٹی آئی کو آج بھی پاناما بنچ والی عدلیہ چاہئے۔اختیار ولی خان نے سوال اٹھایا کہ پی ٹی آئی نے اپنے دور حکومت میں کون سا پراجیکٹ بنایا؟ انہوں نے الزام عائد کیا کہ پی ٹی آئی نے ہماری نوجوان نسل کو اپنی نفرت کی سیاست کی بھینٹ چڑھایا جس کی مثال ہے کہ خیبرپختونخوا میں 13 سالوں میں ایک ہسپتال، ایک یونیورسٹی نہیں بنا سکی۔انہوں نے بتایا کہ بانی پی ٹی آئی کے ٹویٹ کو ان کی اپنی ہی قیادت ری ٹویٹ نہیں کر رہی، پی ٹی آئی نے ہمیشہ ملک کو نقصان پہنچایا، 9 مئی اور 26 نومبر جیسے واقعات کئے۔انہوں نے ماضی کی طرف اشارہ کرتے ہوئے کہا کہ 2013 میں ان کو روشناس کرایا گیا اور 2018 میں انہیں ملک پر مسلط کر دیا گیا۔اختیار ولی خان کے مطابق خیبرپختونخوا میں بلے کا نشان لینے کیلئے کوئی تیار نہیں تھا۔ گورنر راج کے حوالے سے انہوں نے کہا کہ گورنر راج کو جمہوری قوتیں پسند نہیں کرتیں اور اگر ہم نے گورنر راج لگانا ہوتا تو تب لگاتے جب آپ نے 26 نومبر والا واقعہ کیا تھا۔انہوں نے الزام لگایا کہ پی ٹی آئی لاشوں کی سیاست کرتی ہے، پی ٹی آئی کو خون چاہئے اور ہمیشہ پی ٹی آئی کی جانب سے انتشار اور تشدد کا راستہ اپنایا گیا جبکہ حکومت کبھی بھی تشدد کا راستہ نہیں اختیار کرتی۔انہوں نے غیر ملکی مداخلت کا اشارہ دیتے ہوئے کہا کہ پی ٹی آئی کے سوشل میڈیا اکاؤنٹس بھارت اور اسرائیل سے آپریٹ کئے جا رہے ہیں اور بھارتی میڈیا بانی پی ٹی آئی کی بہنوں کے جھوٹے بیانیے کو بڑھ چڑھ کر پیش کر رہا ہے۔انہوں نے دو ٹوک اعلان کیا کہ بانی پی ٹی آئی کے ساتھ مذاکرات کیلئے تمام دروازے بند ہو چکے ہیں اور ملک میں عشق پاکستان اور عشق عمران میں واضح لکیر کھینچ دی گئی ہے۔انہوں نے واضح کیا کہ ہم کسی کو غدار یا کسی جماعت پر پابندی لگانے کی بات نہیں کرتے اور اپنے عزم کا اعادہ کیا کہ میرا انتخاب پاکستان ہے، پاکستان ہمیشہ زندہ باد رہے گا۔ان کا کہنا تھا کہ احتجاج تو ہم نے سنا تھا کہ چند منٹوں یا گھنٹوں کا ہوتا ہے، یہ کونسا طریقہ ہے کہ آپ نے پنڈی اور اڈیالہ روڈ پر بسنے والے لوگوں کی زندگی ہر ہفتے اجیرن بنادیں، جن بچوں نے اسکول جانا ہے، جنہیں واپس گھر آنا ہوتا ہے، ان کی زندگی محال ہوجاتی ہے۔اپنی بات کو جاری رکھتے ہوئے ان کا کہنا تھا کہ ‘تو میرے خیال میں پی ٹی آئی اس بات پر مصر ہے وہ چاہتی ہے کہ یہاں سے قیدی نمبر ‘اٹھ سو چور’ کو کسی دوسرے صوبے کی جیل میں منتقل کردیا جائے، حکومت نے اس پر سنجیدگی سے غور شروع کردیا ہے، کیونکہ لوگوں کی زندگی میں زخنے ڈالنے سے محفوظ بنانے کے لیے جو بھی اقدامات اٹھانے پڑیں گے، وہ ہم اٹھائیں گے’۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر