نوبیاہتا جوڑے کی سڑکوں پر شادی منانے کا انوکھا انداز، سوشل میڈیا پر مقبول
اشاعت کی تاریخ: 11th, January 2025 GMT
قاہرہ: شادی کی یادگار لمحوں کو خاص بنانے کے لیے اکثر جوڑے مختلف طریقے اپناتے ہیں، لیکن مصر کے ایک نوبیاہتا جوڑے نے ایسا انوکھا انداز اپنایا جس نے سوشل میڈیا پر تہلکہ مچا دیا۔
مصری جوڑے مصطفیٰ اور یاسمین نے اپنی شادی کے دن کو منفرد طریقے سے منانے کا فیصلہ کیا اور قاہرہ کی سڑکوں پر صبح سویرے گھومتے ہوئے اپنی خوشیاں تقسیم کیں۔ دونوں نے شہر کی مشہور گلیوں میں چہل قدمی کی اور راہ چلتے لوگوں سے مبارکبادیں وصول کیں۔ مقامی فوٹوگرافر احمد محمد عبدالسید نے ان کی تصاویر بنائیں اور بتایا کہ یہ تجربہ ان کے لیے بھی نیا اور دلچسپ تھا۔
عبدالسید کے مطابق، بغیر کسی دعوت کے لوگ جوڑے کے ارد گرد جمع ہو گئے اور ان کے ساتھ تصاویر اور ویڈیوز بنائیں۔ جوڑے نے شادی کے اخراجات کم کرنے کا فیصلہ کیا اور بچ جانے والی رقم کو عمرہ کے لیے استعمال کرنے کا ارادہ کیا، تاکہ ان کی ازدواجی زندگی کی شروعات خوشگوار ہو۔
فوٹوگرافر نے بتایا کہ فوٹو سیشن صبح چھ بجے شروع کیا گیا اور اس دوران کار ڈرائیوروں نے ہارن بجا کر جوڑے کا استقبال کیا، جب کہ راہگیروں نے نیک تمناؤں کا اظہار کیا۔ جوڑے کی یہ منفرد شادی کی ویڈیو سوشل میڈیا پر تیزی سے وائرل ہو گئی ہے۔
.ذریعہ: Nai Baat
پڑھیں:
ڈیوڈ وارنر کا بچے سے ہاتھ ملانے سے انکار، آسٹریلوی کھلاڑی تنقید کی زد میں
سوشل میڈیا پر ایک ویڈیو وائرل ہو رہی ہے جس میں ایک بچہ کراچی کنگز کے کپتان ڈیوڈ وارنر سے ہاتھ ملانے آتا ہے لیکن وہ ہاتھ ملانے سے انکار کر دیتے ہیں۔
آسٹریلوی اسٹار کے ہاتھ ملانے سے انکار کی ویڈیو بچے نے اپنے سوشل میڈیا پیج پر شیئر کرتے ہوئے لکھا کہ ’میں ان سے سلام کر رہا ہوں اور یہ اپنے اسٹائل دکھا رہے ہیں‘۔
View this post on Instagram
A post shared by Hamza Khan (@chotebhaibadebhai02)
ویڈیو وائرل ہوئی تو صارفین اس پر مختلف تبصرے کرتے نظر آئے۔ زینب علی لکھتی ہیں کہ اس تاریخی بےعزتی کی ویڈیو سوشل میڈیا پر اپلوڈ کرنے کی کیا ضرورت تھی۔
علی حسن لکھتے ہیں کہ میں سب والدین کو یہ کہنا چاہتا ہوں کہ اپنے بچوں کو اس طرح ذلیل مت کرائیں جبکہ ایک صارف کا کہنا تھا کہ ڈیوڈ وارنر بہت متکبر انسان ہیں۔
عبد اللہ طاہر لکھتے ہیں کہ سمجھداری سے انتخاب کریں کہ کس کو عزت دینی ہے۔ ایک اور سوشل میڈیا صارف کا کہنا تھا کہ مغرور لوگوں کے ساتھ کبھی ہاتھ نہ ملایا کریں۔
حمزہ خان نامی بچے نے پشاور زلمی کے کپتان بابر اعظم کے ساتھ بھی ایک ویڈیو شیئر کی جس میں اسے بابر اعظم کے ساتھ ہاتھ ملاتے دیکھا جا سکتا ہے۔ بچے نے سوشل میڈیا پر ویڈیو شیئر کرتے ہوئے بابر اعظم کا شکریہ ادا کیا۔ انہوں نے لکھا کہ ’’بابر بھائی شکریہ کہ آپ نے اتنی عزت دی‘۔
View this post on Instagram
A post shared by Hamza Khan (@chotebhaibadebhai02)
واضح رہے کہ پی ایس ایل 10 کے 11ویں میچ میں کراچی کنگز نے پشاور زلمی کو 2 وکٹوں سے شکست دے دی اور پشاور زلمی کی جانب سے دیا جانے والا 148 رنز کا ہدف آخری اوورز میں 8 وکٹوں کے نقصان پر حاصل کرلیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم پشاور زلمی پی ایس ایل ڈیوڈ وارنر کراچی کنگز
بابراعظم کی ناقص فارم؛ پشاور زلمی کی کپتانی» بھی لینےکا مطالبہ