لاس اینجلس آتشزدگی: حکام نے قیدیوں کو آگ بجھانے پر لگا دیا
اشاعت کی تاریخ: 11th, January 2025 GMT
امریکا کی ریاست کیلی فورنیا میں آتشزدگی نے بڑے پیمانے پر تباہی پھیلا دی ہے جس کے بعد آگ بجھانے کی کوششوں میں جیل میں قید قیدیوں کی خدمات بھی حاصل کی گئی ہیں۔
کیلی فورنیا کے علاقے لاس اینجلس میں ہونے والی آتشزدگی سے اب تک 150 ارب ڈالر کے قریب نقصان ہوا ہے جب کہ 35 ہزار ایکڑ سے زائد علاقہ آگ کی لپیٹ میں آچکا ہے۔
آتشزدگی روکنے کے لیے قیدیوں کا استعمال
امریکی جریدے ’فوربز‘ کے مطابق آگ بجھانے کی کوششوں میں ہزاروں دوسرے پیشہ ور فائر فائٹرز کے ساتھ ساتھ ایک ہزار کے قریب قیدیوں کی خدمات بھی حاصل کی گئی ہیں۔
یاد رہے کہ کیلی فورنیا کی ریاست میں قیدیوں سے کسی قدرتی آفت کے دوران خدمات لینے کا باقاعدہ نظام موجود ہے اور ایسے قیدیوں کو آفات سے نمٹنے کی تربیت بھی جاتی ہے۔
قدرتی آفات کے دوران کام کرنے کے لیے ان قیدیوں کا انتخاب کیا جاتا ہے جو کسی سنگین جرم میں ملوث نہیں ہوتے اور دوران حراست ان کا ٹریک ریکارڈ اچھا ہوتا ہے۔ ان قیدیوں کو ان کی خدمات کے عوض معاوضہ بھی ادا کیا جاتا ہے۔
لاس اینجلس میں یہ قیدی دوسرے فائر فائٹرز کے ساتھ مل کر آگ کے سامنے ’فائر لائن‘ بنا رہے ہیں جس سے آگ کے پھیلاؤ کو روکنے میں مدد ملتی ہے۔
کیلی فورنیا میں موجود قیدیوں کے اس پروگرام کو تنقید کا نشانہ بھی بنایا جاتا رہا ہے اور کچھ لوگ اسے غلامی کی طرح کا ایک فعل تصور کرتے ہیں تاہم اس پروگرام میں قیدیوں کی شرکت اور خدمات کی فراہمی ان کی اپنی مرضی پر منحصر ہوتا ہے اور انہیں جبراً اس میں شامل نہیں کیا جاتا۔
آتشزدگی کی تازہ ترین صورتحال
جنوبی کیلیفورنیا میں 2 اہم مقامات پر لگی ان آتشزدگیوں کو ’پیلیسیڈز فائر‘ اور ’ایٹن فائر‘ کا نام دیا گیا ہے۔ ان کے علاوہ بھی متعدد مقامات آتشزدگی کے زد میں ہیں۔
خشک موسم اور تیز ہواؤں کی وجہ سے نہ صرف آگ پر قاپو پانا مشکل ہوگیا ہے بلکہ اس میں اضافہ بھی ہوا ہے۔
’پیلیسیڈز فائر‘ اب تک 21 ہزار ایکڑ سے زائد علاقے کو اپنی لپیٹ میں لے چکی ہے جبکہ ’ایٹن فائر‘ سے اب تک 14 ہزار ایکڑ سے زیادہ کا علاقہ تباہ ہوچکا ہے۔ ان آتشزدگیوں سے اب تک 11 افراد جان سے گئے ہیں۔
اس آتشزدگی سے ڈیڑھ لاکھ سے زائد لوگ نقل مکانی پر مجبور پر ہوگئے ہیں اور 10 ہزار سے زائد عمارتیں جل کر خاکستر ہوگئی ہیں۔ ان عمارتوں میں ہالی ووڈ کے علاقے میں موجود فلم انڈسٹری کی چند اہم شخصیات کے گھر بھی شامل ہیں۔
اس آتشزدگی کو امریکا کی جدید تاریخ کی سب سے تباہ کن آفت قرار دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
california Fire inmates los angeles prisoners آتشزدگی آگ قیدی کیلیفورنیا لاس اینجلس ہالی ووڈ.ذریعہ: WE News
کلیدی لفظ: آتشزدگی کیلیفورنیا لاس اینجلس لاس اینجلس
پڑھیں:
لندن کے میوزیم سے بھی 600 سے زائد قیمتی نوادرات چوری
data-id="863a0a8" data-element_type="widget" data-widget_type="theme-post-content.default">
لندن کے میوزیم سے بھی 600 سے زائد قیمتی نوادرات چوری
لندن : برطانیہ کے تاریخی میوزیم سے 600 سے زائد قیمتی نوادرات چوری کر لیے گئے ہیں۔
عالمی میڈیا کے مطابق ملک کا مشہور و معروف شہر بریسٹل میں واقع ایک قدیم میوزیم سے 600 سے زائد قیمتی نوادرات چوری کر لیے گئے ہیں، جن میں ملک کی نوآبادیاتی دور کے کئی بھارتی نوادرات بھی شامل ہیں۔مقامی حکام کا کہنا ہے کہ مذکورہ چوری کا واقعہ رات2 بجے برٹش ایمپائر اینڈ کامن ویلتھ کلیکشن میں پیش آیا۔
حکام کی جانب سے جاری تفصیلات کے مطابق 4 مشتبہ افراد سی سی ٹی وی میں نظر آئے ہیں، جن کی جسمانی ساخت کے ذریعے ملزمان تک پہنچنے کی کوشش کی جا رہی ہے۔ واضح رہے کہ چوری شدہ نوادرات میں ہاتھی کے دانت سے تیار کردہ بدھ مت کا مجسمہ اور ایسٹ انڈیا کمپنی کے ایک افسر کی بیلٹ بکل بھی شامل ہے۔
یہ بات بھی علم میں رہے کہ چند مہینوں پہلے بھی فرانس کے شہر پیرس کی تاریخی میوزیم سے قدیم دور کے قیمتی سکے چوری کیے جا چکے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر